Deshadri Hosmane
Those who came to journalism with a fighting background. Hew has over 20 years of experience as a journalist and has worked in a variety of fields including politics, crime and agriculture. He is also a film journalist by accident and has been awarded the prestigious Aragini Award by the Karnataka Media Academy. He has worked in evening newspapers like sanjevani, karunaadu Sanje. Also work in tv Chanel. ETV, Udaya TV, Janashree, Vijaya Karnataka and Kannada newspapers.
ದೇಶಾದ್ರಿ ಹೊಸ್ಮನೆ
ಹೋರಾಟದ ಹಿನ್ನೆಲೆಯೊಂದಿಗೆ ಪತ್ರಿಕೋದ್ಯಮ ಕ್ಕೆ ಬಂದವರು. ಪತ್ರಕರ್ತನಾಗಿ 20 ವರ್ಷಗಳಿಗೂ ಹೆಚ್ವು ಕಾಲ ಅನುಭವ ಹೊಂದಿದ್ದು, ರಾಜಕೀಯ, ಅಪರಾಧ, ಕೃಷಿ ಸೇರಿದಂತೆ ಬೇರೆ ಬೇರೆ ಕ್ಷೇತ್ರಗಳಲ್ಲಿ ಕೆಲಸ ಮಾಡಿದ ಅನುಭವಿ. ಹಾಗೆಯೇ ಆಕಸ್ಮಿಕ ಎಂಬಂತೆ ಸಿನಿಮಾ ಪತ್ರಕರ್ತರಾಗಿ ಬಂದ ಅವರು, ಕರ್ನಾಟಕ ಮಾಧ್ಯಮ ಅಕಾಡೆಮಿ ನೀಡುವ ಪ್ರತಿಷ್ಟಿತ ಅರಗಿಣಿ ಪ್ರಶಸ್ತಿ ಗೆ ಪಾತ್ರವಾಗಿದ್ದಾರೆ. ಸಂಜೆ ವಾಣಿ, ಈಟಿವಿ, ಉದಯ ಟಿವಿ, ಜನಶ್ರೀ, ವಿಜಯ ಕರ್ನಾಟಕ, ಕನ್ನಡ ಪ್ರಭ ಪತ್ರಿಕೆಗಳಲ್ಲಿ ಕೆಲಸ ಮಾಡಿದ್ದು, ರಾಜ್ಯ ಕಾರ್ಯ ನಿರತ ಪತ್ರಕರ್ತರ ಸಂಘದ ವಾರ್ಷಿಕ ಪ್ರಶಸ್ತಿ, ನ್ಯೂಸ್ ಮೀಡಿಯಾ ವಿಶೇಷ ಪ್ರಶಸ್ತಿ ಗಳಿಗೆ ಭಾಜನರಾಗಿದ್ದಾರೆ.ಈಗ ಸಿನಿ ಲಹರಿ ವೆಬ್ ಸೈಟ್ ಹಾಗೂ ಯುಟ್ಯೂಬ್ ಚಾನೆಲ್ ರೂವಾರಿ ಆಗಿದ್ದಾರೆ.
ಒಂದೇ ಕಲ್ಲಿನಲ್ಲಿ ಎರಡು ಹಕ್ಕಿ ಹೊಡೆಯುವ ಚಾತಿ ನಿರ್ದೇಶಕ ವಿಜಯ್‌ ಪ್ರಸಾದ್‌ ಅವರದ್ದು. ಅದರರ್ಥ, ಒಂದೇ ಶೆಡ್ಯೂಲ್‌ ನಲ್ಲಿಯೇ ಎರಡು ಸಿನಿಮಾ ಚಿತ್ರೀಕರಿಸಿಕೊಂಡು ಬರೋದು ಅಂತ. ಸದ್ಯಕ್ಕೀಗ ರಿಲೀಸ್ ಗೆ ರೆಡಿಯಾಗಿರುವ ʼತೋತಾಪುರಿʼ ಹಾಗೆ ಅಲ್ವಾ ಆಗಿದ್ದು? ಈಗದು ಎರಡು ಕಂತಗಳಲ್ಲಿ ತೆರೆಗೆ ಬರುತ್ತಿದೆ. ಮೊದಲ ಭಾಗದ ಚಿತ್ರೀಕರಣದ ಜತೆಗೆಯೇ ಸಿಕ್ವೇಲ್‌ ಕೂಡ ಶೂಟಿಂಗ್‌ ಮುಗಿಸಿದೆ. ಚಿತ್ರೀಕರಣದ ಒಂದೇ ಶೆಡ್ಯೂಲ್‌ ನಲ್ಲಿ ಎರಡು ಚಾಪ್ಟರ್‌ ಗಳ ಶೂಟಿಂಗ್‌ ಮುಗಿಸಿಕೊಂಡು ಬಂದಿದ್ದಾರೆ. ಈಗ ಎರಡು ಚಾಪ್ಟರ್‌ ಕೂಡ ರಿಲೀಸ್ ಗೆ ರೆಡಿ ಇವೆ. ಸದ್ಯಕ್ಕೆ ಅದರ ಪ್ರಚಾರದ ಹಂತದಲ್ಲಿ ಬ್ಯುಸಿ ಆಗಿರುವ ನಿರ್ದೇಶಕ ವಿಜಯ್‌ ಪ್ರಸಾದ್‌ ಈಗ ಒಂದೇ ದಿನ ಇಬ್ಬರು ಸ್ಟಾರ್‌ ಗಳನ್ನು ಪ್ರತ್ಯೇಕ ಜಾಗಗಳಲ್ಲಿ ಒಂದೇ ಉದ್ದೇಶಕ್ಕೆ ಭೇಟಿ ಮಾಡಿ ಖುಷಿ ಹಂಚಿಕೊಂಡಿದ್ದಾರೆ. ಇಬ್ಬರು ಸ್ಟಾರ್‌ ಭೇಟಿ ಮಾಡಿದ ಖುಷಿಯನ್ನು ಅವರೊಂದಿಗೆ ಕ್ಲಿಕ್ಕಿಸಿಕೊಂಡ ಸೆಲ್ಪಿಯನ್ನು ಸೋಷಲ್‌ ಮೀಡಿಯಾದಲ್ಲಿ ಹಾಕ್ಕೊಂಡು, ಅದಕ್ಕೆ ಕ್ಯಾಪ್ಸನ್‌ ಕೊಟ್ಟ ರೀತಿಯೇ ಮಜವಾಗಿದೆ.
ʼವಾಯು ವಿಹಾರದಲ್ಲಿ ಸಿದ್ಲಿಂಗು, ವಿಹಾರದಲ್ಲಿ ನಾರಾಯಣ್‌ ಪಿಳ್ಳೆ , ಒಂದೇ ದಿನ ಎರಡು ಭೇಟಿʼ ಅಂತ ಕಾಮೆಂಟ್‌ ಹಾಕಿದ್ದು ಮಾತ್ರವಲ್ಲ, ಅದರ ಜತೆಗೆ ಇದೊಂದು ʼಹೊಸ ಪ್ರಯಾಣʼ ಅಂತಲೂ ಹೇಳಿದ್ದಾರೆ. ಸಿನಿಮಾ ಮಂದಿ ಒಟ್ಟಿಗೆ ಸೇರ್ಕೊಂಡ್‌ ಹೊಸ ಪ್ರಯಾಣ ಅಂತ ಹಾಕಿದರೆ, ಇನ್ನೆಲ್ಲಿಗೋ ಪ್ರವಾಸ ಹೊರಟರು ಅಂತಲ್ಲ, ಇನ್ನಾವುದೋ ಹೊಸ ಪ್ರಾಜೆಕ್ಟ್‌ ಶುರು ಮಾಡ್ತಿದ್ದಾರೆ ಅಂತ ಅದೆಷ್ಟು ಮಂದಿ ತೋರಿಸಿಕೊಟ್ಟಿಲ್ಲಾ? ಬಹುಶಃ ಈ ಭೇಟಿಯ ಉದ್ದೇಶ ಕೂಡ ಹಾಗೆಯೇ ಇರಬೇಕು? ಸದ್ದಿಲ್ಲದೆ ಸುದ್ದಿ ಮಾಡದೆ ನಿರ್ದೇಶಕ ವಿಜಯ್‌ ಪ್ರಸಾದ್‌ ಇವರಿಬ್ಬರು ಸ್ಟಾರ್‌ ಇಟ್ಕೊಂಡೇ ಒಂದು ಹ್ಯೂಮಸರ್‌ ಕಥೆ ಮಾಡ್ಕೊಂಡು ಇಂದು ಅವರಿಬ್ಬರನ್ನು ವಾಯು ವಿಹಾರ ಮತ್ತು ವಿಹಾರದಲ್ಲಿ ಭೇಟಿ ಮಾಡಿದ ಹಾಗಿದೆ. ಅಂದ ಹಾಗೆ ನಿರ್ದೇಶಕ ವಿಜಯ್‌ ಪ್ರಸಾದ್‌, ಇವತ್ತು ಅಂದ್ರೆ ಬುಧವಾರ ಭೇಟಿ ಮಾಡಿದ ಸ್ಟಾರ್‌ ಗಳಂದ್ರೆ ಲೂಸ್‌ ಮಾದ ಖ್ಯಾತಿಯ ಯೋಗೇಶ್‌ , ಹಾಗೂ ಡಾಲಿ ಖ್ಯಾತಿಯ ಧನಂಜಯ್. ನಿರ್ದೇಶಕ ವಿಜಯ್‌ ಪ್ರಸಾದ್‌ ಈಗ ಇಬ್ಬರಿಗೂ ಆಕ್ಷನ್‌ ಕಟ್‌ ಹೇಳಿದ್ದಾರೆ. ಸಿದ್ಲಿಂಗು ಚಿತ್ರದಲ್ಲಿ ಲೂಸ್‌ ಮಾದ ಯೋಗಿ ಜತೆಗೆ ಕೆಲಸ ಮಾಡಿರುವ ವಿಜಯ್‌ ಪ್ರಸಾದ್‌, ತೋತಾಪುರಿ ಚಿತ್ರದಲ್ಲಿನ ಸ್ಪೆಷಲ್ ಕ್ಯಾರೆಕ್ಟರ್ ವೊಂದಕ್ಕೆ ಡಾಲಿ ಧನಂಜಯ್ ಅವರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಇಲ್ಲಿ ಡಾಲಿ ಮೂರು ಶೇಡ್ಸ್‌ ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅಲ್ಲಿನ ಅವರ ಕ್ಯಾರೆಕ್ಟರ್ ಹೆಸರು ನಾರಾಯಣ್‌ ಪಿಳ್ಳೆ.
ಎದೆಮಟ್ಟಕ್ಕಿರುವ ಬಿಳಿ-ಕಪ್ಪು ಗಡ್ಡ, ದಪ್ಪನೆಯ ಮೀಸೆ, ಬೆಕ್ಕಿನ ಕಣ್ಣುಗುಡ್ಡೆ, ತಲೆಮೇಲೆ ಕಂಚುಮಿಶ್ರಿತ ಎರಡು ಕೋಡು, ತೋಳಿಗೆ ಕಪ್ಪು ಪಟ್ಟಿ, ಕಟ್ಟುಮಸ್ತಾದ ದೇಹಕ್ಕೆ ಕಂಬಳಿಯಂತಹ ಉಡುಪು, ಗುರಾಯಿಸಿದ್ರೆ ಗುಮ್ಮೆಬಿಡ್ತೀನಿ ಎನ್ನುವಂತಹ ನೋಟ ನೋಡುಗರ ಬೆವರಿಳಿಸುತ್ತಿದೆ. ಯಾರೀ ಈ ಪಾತ್ರ ಕೆತ್ತಿದ್ದು ಅಂತ, ಯಾವಾಗ ಹುಟ್ಟಿದ್ದು ಅಂತ ನಿಮ್ಗೂ ಅನ್ನಿಸಿದ್ರೆ, ಈ ಸ್ಟೋರಿ ನೋಡಿ…
ಅಶ್ವಮೇಧ ಕುದುರೆಯನ್ನ ಬೇಕಾದರೆ ಒಂದೇ ಏಟಿಗೆ ಕಟ್ಟಿಹಾಕ್ಬೋದು, ಆದರೆ ಸಿನಿಮಾಪ್ರೇಮಿಗಳನ್ನ ಒಂದೇ ಏಟಿಗೆ ಕಟ್ಟಿಹಾಕೋದಕ್ಕೆ ತೋಳಲ್ಲಿ ತಾಕತ್ತಿದ್ದರೆ ಸಾಲದು ಕಣ್ಣಲ್ಲಿ ಕಿಚ್ಚು ಇರಬೇಕು. ಆ ಕಿಚ್ಚಿಗೆ ಕಿಕ್‌ಸ್ಟಾರ್ಟ್ ಕೊಡುವುದಕ್ಕೆ ಒಬ್ಬ ಸಾರಥಿ ಬೇಕು. ಒಮ್ಮೆ ಸ್ಪಾರ್ಕ್ ಹೊತ್ತಿಸಿದ್ರೆ ಫಿನೀಶ್ ಅಂತ ಹೇಳೋದಕ್ಕೆ ಆಗಲ್ಲ. ಆದರೆ, ಬ್ರಹ್ಮನಿಗೆ ಸೆಡ್ಡುಹೊಡೆಯುವಷ್ಟು ಕ್ಯಾಪಾಸಿಟಿ ಇರುವ ಚಿತ್ರಬ್ರಹ್ಮ, ಮನಸ್ಸು ಮಾಡಿದರೆ ಕಲಾವಿದನ ಹಣೆಬರಹವೇ ಬದಲಾಗುತ್ತೆ. ಕಲ್ಲು ಶಿಲೆಯಾಗಿ ನಿಲ್ಲುತ್ತೆ. ಆ ಶಿಲೆಗೆ ಪೂಜೆ-ಪುನಸ್ಕಾರ ನಡೆಯುತ್ತೆ. ಅಷ್ಟೇ ಯಾಕೇ, ಬ್ರಹ್ಮ ಸೃಷ್ಟಿಮಾಡಲಿಕ್ಕೆ ಆಗದ ಮಾಸ್ಟರ್‌ಪೀಸ್‌ಗಳು, ಚಿತ್ರಬ್ರಹ್ಮನ ಕಲ್ಪನೆಯಲ್ಲಿ ಸೃಷ್ಟಿಯಾಗಿ ಇತಿಹಾಸ ಪುಟಗಳಲ್ಲಿ ಸೇರಿಸಿಬಿಡುತ್ತವೆ. ಇಷ್ಟೆಲಾ, ಮಾಡುವ ತಾಕತ್ತಿರೋ ಸಿನಿಮಾಲೋಕದ ಕ್ಯಾಪ್ಟನ್ ಆಫ್ ದಿ ಶಿಪ್ ಉರುಫ್ ಡೈರೆಕ್ಟರ್ ಗಳಿಗೆ ಸಲಾಂ ಹೇಳುತ್ತಾ… `ಭಜರಂಗಿ’ ಚಿತ್ರಸಾರಥಿಯ ಕಲ್ಪನೆಯಲ್ಲಿ ಅರಳಿ ಮೊದಲ ನೋಟದಲ್ಲೇ ಪ್ರೇಕ್ಷಕ ಮಹಾಶಯರನ್ನ ತಿರುತಿರುಗಿ ನೋಡುವಂತೆ ಮಾಡಿರುವ ಕಲಾವಿದನ ಕಿರುಪರಿಚಯ.
ಲುಕ್ಕಲ್ಲೇ ಲಾಕ್ ಮಾಡೋದು ಸುಲಭದ ಮಾತಲ್ಲ ಎಂಬುದು ನಿಮ್ಮೆಲ್ಲರಿಗೂ ಗೊತ್ತಾಗಿದೆ. ಹೀಗಿರುವಾಗ, ಭಜರಂಗಿ-2' ಚಿತ್ರದ ಕಲಾವಿದ ಪ್ರಸನ್ನ ಸಿಂಗಲ್ ಲುಕ್‌ನಿಂದ ಪ್ರೇಕ್ಷಕ ಮಹಾಶಯರ ಗಮನ ಸೆಳೆಯುವುದಲ್ಲದೇ, ಸಿನಿರಸಿಕರ ಹೃದಯಕ್ಕೆ ಲಗ್ಗೆ ಇಟ್ಟಿದ್ದಾರೆ. ಪ್ರಸನ್ನ ಹೆಸರು ಕೇಳಿದಾಕ್ಷಣ ಅವರು ಏಕ್ದಮ್ ಕಣ್ಮುಂದೆ ಬಂದು ನಿಲ್ಲಲ್ಲ. ಅದಕ್ಕೆ ಮೊದಲ ಕಾರಣಭಜರಂಗಿ-2′ ಚಿತ್ರ ಬಿಡುಗಡೆಯಾಗದಿರುವುದು ಭಜರಂಗಿಗೂ ಮೊದಲು ಖಡಕ್ ಪಾತ್ರಕ್ಕೆ ಪ್ರಸನ್ನ ಬಣ್ಣ ಹಚ್ಚದೇ ಇರುವುದು ಮಗದೊಂದು ಕಾರಣ ಇರಬಹುದು. ಆದೇನೆ ಇರಲಿ, ಟ್ರೇಲರ್‌ನಿಂದಲೇ ನೋಡುಗರ ಎದೆಯಲ್ಲಿ ಸಣ್ಣಗೆ ನಡುಕ ಹುಟ್ಟಿಸಿರುವ ಪ್ರಸನ್ನ, `ಭಜರಂಗಿ-2′ ಚಿತ್ರದ ಮೂಲಕ ಬೆಳ್ಳಿತೆರೆಮೇಲೆ ಧಗಧಗಿಸಿದ ಮೇಲೆ ಭಜರಂಗಿ ಪ್ರಸನ್ನ ಎಂದೇ ಖ್ಯಾತಿ ಪಡೆಯುತ್ತಾರೆನ್ನುವ ನಿರೀಕ್ಷೆ ಪ್ರಸನ್ನರ ಲುಕ್-ಗೆಟ್ಟಪ್ಪು ನೋಡಿದ್ರೇನೇ ಗೊತ್ತಾಗುತ್ತೆ. ಆದರೆ, ನಟ ಸೌರವ್ ಲೋಕಿ ಭಜರಂಗಿ ಲೋಕಿಯೆಂದು ಪ್ರಖ್ಯಾತಿಹೊಂದಿದಂತೆ, ಪ್ರಸನ್ನ ಹೆಸರು ಮಾಡ್ತಾರಾ? ಜನ ಒಪ್ಪಿಕೊಳ್ತಾರಾ ಕಾದುನೋಡಬೇಕು.
ಎದೆಮಟ್ಟಕ್ಕಿರುವ ಬಿಳಿ-ಕಪ್ಪು ಗಡ್ಡ, ದಪ್ಪನೆಯ ಮೀಸೆ, ಬೆಕ್ಕಿನ ಕಣ್ಣುಗುಡ್ಡೆ, ತಲೆಮೇಲೆ ಕಂಚುಮಿಶ್ರಿತ ಎರಡು ಕೋಡು, ತೋಳಿಗೆ ಕಪ್ಪು ಪಟ್ಟಿ, ಕಟ್ಟುಮಸ್ತಾದ ದೇಹಕ್ಕೆ ಕಂಬಳಿಯಂತಹ ಉಡುಪು, ಗುರಾಯಿಸಿದ್ರೆ ಗುಮ್ಮೆಬಿಡ್ತೀನಿ ಎನ್ನುವಂತಹ ನೋಟ ನೋಡುಗರ ಬೆವರಿಳಿಸುತ್ತಿದೆ. ಅಟ್ ದಿ ಸೇಮ್ ಟೈಮ್, ಆನೆಯಂತಹ ಕಿವಿ, ಕಿವಿಗೆ ಓಲೆ, ಹೊಟ್ಟೆ ಹಾಗೂ ಹಣೆ ಮೇಲೆ ಕೆತ್ತಿರುವ ಟ್ಯಾಟೂ, ಸೊಂಟಕ್ಕೆ ಸಿಗಿಸಿಕೊಂಡಿರುವ ಕತ್ತಿ, ಡಿಫರೆಂಟ್ ಹೇರ್ ಸ್ಟೈಲ್ ಜೊತೆಗೆ ಕೈಯಲ್ಲಿ ಬಾರಿಕೋಲು ಹಿಡಿದು ಜೀಪ್ ಮೇಲೆ ಹತ್ತಿ ಎದುರಾಳಿ ಮೇಲೆ ಎಗರುತ್ತಿರುವ ಮತ್ತೊಂದು ಲುಕ್ ಪ್ರೇಕ್ಷಕರ ಗುಂಡಿಯನ್ನ ಶೇಕ್ ಮಾಡಿಬಿಟ್ಟಿದೆ. ಪಾತ್ರದ ಮೇಲೆ ನಿರೀಕ್ಷೆ ಹೆಚ್ಚುತ್ತಿದೆ. ಯಾರು ಈ ಪಾತ್ರಧಾರಿ ಎನ್ನುವ ಹುಡುಕಾಟ ಶುರುವಾಗಿದೆ. ನಿರ್ದೇಶಕ ಎ. ಹರ್ಷ ಈ ಪಾತ್ರಧಾರಿ ಅದೆಲ್ಲಿಂದ ಹೆಕ್ಕಿ ತಂದರು ಎನ್ನುವ ಪ್ರಶ್ನೆಯ ಜೊತೆಜೊತೆಗೆ ಪಾತ್ರದ ಸೃಷ್ಟಿ, ಪಾತ್ರಕ್ಕಾಗಿ ನಡೆದ ತಯ್ಯಾರಿ, ಮೇಕಪ್ಪು, ಕಾಸ್ಟ್ಯೂಮ್, ಆರ್ಟ್ ಡೈರೆಕ್ಷನ್ ಹೀಗೆ ಎಲ್ಲದರ ಕುರಿತಾಗಿ ಚರ್ಚೆ ನಡೆಯುತ್ತಿದೆ.
ಭಜರಂಗಿ-2' ಟ್ರೇಲರ್‌ನಲ್ಲಿರುವುದು ಹೊರತುಪಡಿಸಿ ಪ್ರಸನ್ನ ಪಾತ್ರದ ಬಗ್ಗೆ ಹೆಚ್ಚಿನ ಡೀಟೈಲ್ಸ್ ಲಭ್ಯವಾಗಿಲ್ಲ. ಪ್ರಸನ್ನ ಪಾತ್ರದ ಹೆಸರೇನು? ಪಾತ್ರಕ್ಕೋಸ್ಕರ ಮಾಡಿಕೊಂಡ ತಯ್ಯಾರಿ ಹೇಗಿತ್ತು? ಪ್ರಸನ್ನ ಹಿನ್ನಲೆಯೇನು? ಇದೆಲ್ಲದರ ಸಂಪೂರ್ಣ ಮಾಹಿತಿ ತಿಳಿಯಬೇಕಿದೆ. ಈ ಮಧ್ಯೆ ನಿರ್ದೇಶಕರ ಕಲ್ಪನೆಯಲ್ಲಿಭಜರಂಗಿ-2′ ಪಾತ್ರವರ್ಗದ ಸೃಷ್ಟಿಯ ಬಗ್ಗೆ ಕೇಳಿದಾಗ ಅವರು ಹೇಳಿದಿಷ್ಟು. ಭಜರಂಗಿಯಲ್ಲಿ ಪ್ರತಿಪಾತ್ರಕ್ಕೂ ಅದರದ್ದೇ ಆದ ತೂಕಯಿದೆ. ಕಥೆ ಬರೆಯೋಕೆ ಕುಳಿತಾಗಲೇ ಪ್ರತಿ ಕ್ಯಾರೆಕ್ಟರ್ ಡಿಸೈನ್ ಮಾಡಿದ್ದೆ. ಈ ಪಾತ್ರ ಹೀಗೆ ಇರಬೇಕು, ಈ ಪಾತ್ರ ಹೀಗೆಯೇ ತೆರೆಮೇಲೆ ಕಾಣಬೇಕು ಅಂತ ಡಿಸೈಡ್ ಮಾಡಿದ್ದೆ. ಅದರಂತೇ ಮೂಡಿಬಂದಿದೆ ತನ್ನ ಕಲ್ಪನೆಯ ಶಿಲೆಗೆ ಜೀವಬಂದಿದೆ. ಅದಕ್ಕಾಗಿ, ಪಾತ್ರಧಾರಿಗಳು ಬೆವರು ಸುರಿಸಿ ರಕ್ತಬಸಿದರೆ, ಆರ್ಟ್ ಡೈರೆಕ್ಟರ್ ರವಿಯವರ ತಂಡ, ಮೇಕಪ್ ಮ್ಯಾನ್ ಪ್ರಕಾಶ್, ಯೋಗಿ ಅಂಡ್ ಗಣೇಶ್ ಅವರ ಕಾಸ್ಟ್ಯೂಮ್ ತಂಡ ಕೈಚಳಕ ತೋರಿದೆ. ಒಬ್ಬೊಬ್ಬ ಕಲಾವಿದರಿಗೆ ಮೇಕಪ್ ಹಚ್ಚಲಿಕ್ಕೆ ಮೂರು ಮೂರು ಗಂಟೆ ಹಿಡಿದರೂ ಕೂಡ ನೀರಾಯಾಸವಾಗಿ ಕೆಲಸ ಮಾಡಿದೆ. ಇವತ್ತು ಭಜರಂಗಿಗೋಸ್ಕರ ಇಡೀ ಕರುನಾಡು ಕಾಯ್ತಿದೆ ಅಂದರೆ ಅದಕ್ಕೆ ಇಡೀ ಭಜರಂಗಿ ಬಳಗದ ಬೆವರು ಸಾಕ್ಷಿ.
ಲೋಡೆಡ್ ಗನ್ನಿನಂತಿರುವ ಶಿವಣ್ಣ ಕಣ್ಣಲ್ಲೇ ಎನ್‌ಕೌಂಟರ್ ಮಾಡಿ `ಭಜರಂಗಿ’ ಮೇಲಿನ ಕ್ಯೂರಿಯಾಸಿಟಿ ಹೆಚ್ಚಿಸಿದ್ದಾರೆ. ಇವರೊಟ್ಟಿಗೆ ಕೈಲಿ ಸಿಗಾರ್ ಹಿಡಿದು ಕಿಕ್ಕೇರಿಸಿರುವ ಶ್ರುತಿ ಕೂಡ ಪ್ರೇಕ್ಷಕರಿಂದ ಧಮ್ ಅಂದ್ರೆ ಇದು ಕಣ್ರೋ ಎನಿಸಿಕೊಂಡಿದ್ದಾರೆ. ಕಾಟನ್ ಸೀರೆಯುಟ್ಟುಕೊಂಡು, ಕೂದಲು ಬಿಟ್ಟುಕೊಂಡು, ಹಣೆಗೆ ದೊಡ್ಡದಾಗಿ ಕುಂಕುಮ ಇಟ್ಟುಕೊಂಡು ಕಾಮಿಡಿ ಕಿಲಾಡಿ ಶಿವರಾಜ್ ಕೆ.ಆರ್ ಪೇಟೆ ಜೊತೆ ಎಂಟ್ರಿಕೊಡ್ತಿರುವ ಭಾವನಾ ಕೂಡ ಬೆರಗುಗೊಳಿಸಿದ್ದಾರೆ. ವೈಟ್ ಅಂಡ್ ವೈಟ್ ಕಚ್ಚೆ ಪಂಜೆ ತೊಟ್ಟು, ಕೊರಳಿಗೆ ಕಪ್ಪು ಕವಚ ಧರಿಸಿ, ಬೋಳುತಲೆ ಹಿಂದಗಡೆ ಚೂರೇ ಚೂರು ಕೂದಲು ಬಿಟ್ಟು ಭಜರಂಗಿ ಲೋಕಿ ಕೂತೂಹಲ ಕೆರಳಿಸಿದ್ದಾರೆ. ಹೀಗೆ, ಪ್ರತಿಯೊಂದು ಪಾತ್ರವೂ ನಿರೀಕ್ಷೆ ಎನ್ನುವ ಬೆಟ್ಟವನ್ನ ಏರುವಂತೆ ಮಾಡಿದೆ. ಆದರೆ, ಕೊರೊನಾದಿಂದ ಭಜರಂಗಿಯ ದರ್ಶನಕ್ಕೆ ಮತ್ತೆ ಅಡ್ಡಿಯಾಗಿದೆ.
ಎಲ್ಲಾ ಅಂದುಕೊಂಡಂತೆ ಆಗಿದ್ರೆ ಸೆಪ್ಟೆಂಬರ್ 10 ರಂದು ಭಜರಂಗಿ-2 ಚಿತ್ರದ ಭರಾಟೆ ಶುರುವಾಗ್ಬೇಕಿತ್ತು. ಗೌರಿ-ಗಣೇಶ ಹಬ್ಬಕ್ಕೆ ಸ್ಪೆಷಲ್ಲಾಗಿ ಭಜರಂಗಿ ದರ್ಶನ ಕೊಡಬೇಕಿತ್ತು, ಬಿಗ್‌ಸ್ಕ್ರೀನ್‌ನಲ್ಲಿ ಹ್ಯಾಟ್ರಿಕ್ ಹೀರೋ ಧಗಧಗಿಸಬೇಕಿತ್ತು. ಆದರೆ ಕೊರೊನಾ ಮೂರನೇ ಅಲೆಯಿಂದ ವೀಕೆಂಡ್ ಲಾಕ್‌ಡೌನ್ ಹಾಗೂ ನೈಟ್‌ಕರ್ಫ್ಯೂ ಜಾರಿಗೊಳಿಸೋದಕ್ಕೆ ಸರ್ಕಾರ ಮುಂದಾಗಿರೋದ್ರಿಂದ ಭಜರಂಗಿ-2 ಚಿತ್ರದ ರಿಲೀಸ್ ಡೇಟ್ ಮುಂದಕ್ಕೆ ಹೋಗಿದೆ. ಟ್ರೈಲರ್ ಬಿಡುಗಡೆ ಕೂಡ ಪೋಸ್ಟ್‌ ಪೋನ್ಡ್‌ ಆಗಿದೆ. ಇದ್ರಿಂದ ಚಿತ್ರಪ್ರೇಮಿಗಳಿಗೆ ಕೊಂಚ ನಿರಾಸೆಯಾಗರ‍್ಬೋದು ಆದರೆ ಅನ್ನದಾತ ಉಳಿಬೇಕು, ಮುಂದಿನ ದಿನಗಳಲ್ಲಿ ಮತ್ತಷ್ಟು ಕೋಟಿ ಸುರಿಬೇಕು ಅಂದ್ರೆ ಚಿತ್ರಮಂದಿರ ಹೌಸ್‌ಫುಲ್ ಆಗ್ಬೇಕು. ಥಿಯೇಟರ್ ತುಂಬಬೇಕು ಅಂದರೆ ಸರ್ಕಾರ 100 ಪರ್ಸೆಂಟ್ ಅನುಮತಿ ಕೊಡ್ಬೇಕು. ಸದ್ಯಕ್ಕೆ ಇದನ್ನೆಲ್ಲಾ ನಿರೀಕ್ಷೆ ಮಾಡುವಂಗಿಲ್ಲ ಹೀಗಾಗಿ, ಜಯ್ಯಣ್ಣ-ಕಂಬೈನ್ಸ್ ನಿರ್ಮಾಣದ ಭಜರಂಗಿ-2 ಚಿತ್ರ ಯಾವಾಗ ಬರುತ್ತೋ ಬರಲಿ ಅಲ್ಲಿವರೆಗೂ ಒಂಟಿಕಾಲಿನಲ್ಲಿ ನಿಂತು ಕಾಯೋಣ ಅಲ್ಲವೇ.
ಸ್ಯಾಂಡಲ್ ವುಡ್ ಬಾದ್ ಷಾ ಕಿಚ್ವ ಸುದೀಪ್,ಮಂಗಳವಾರ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿಯವರನ್ನ ಭೇಟಿ ಮಾಡಿದ್ದಾರೆ. ವಿಧಾನ ಸೌಧದ ಕಚೇರಿಯಲ್ಲಿ ಮುಖ್ಯಮಂತ್ರಿ ಗಳನ್ನು ಸದ್ದಿಲ್ಲದೆ ಭೇಟಿ ಮಾಡಿರುವ ಸುದೀಪ್ ಕುತೂಹಲ ಕೆರಳಿಸಿದ್ದಾರೆ. ಅಷ್ಟಕ್ಕೂ, ಕಿಚ್ಚಸುದೀಪ್, ಮುಖ್ಯಮಂತ್ರಿಗಳನ್ನು ಭೇಟಿ ಮಾಡಿದ್ದು ವೈಯಕ್ತಿಕ ಕಾರಣಕ್ಕೋ ಅಥವಾ ಚಿತ್ರರಂಗದ ಪರವಾಗಿಯೋ ಗೊತ್ತಿಲ್ಲ. ಆದರೆ, ಸಿನಿಮಾ ಲೋಕದ ಏಳು- ಬೀಳಿನ ಕುರಿತಾಗಿಯೇ ಸಿಎಂ ಜತೆಗೆ ಚರ್ಚೆ ನಡೆಸಿರುವುದಾಗಿ ಮೂಲಗಳು ತಿಳಿಸಿವೆ.
ಸಿಎಂ ಭೇಟಿಯ ಕುರಿತು ನಟ ಸುದೀಪ್ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಸಿಎಂ ಭೇಟಿ ಮಾಡಿದ್ದನ್ನು ಸೋಷಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಸುದೀಪ್, ಭೇಟಿಗೆ ಅವಕಾಶ ನೀಡಿದ್ದಕ್ಕೆ ಧನ್ಯವಾದ ಅಂತ ಹೇಳಿದ್ದಾರೆ. ಬೆಸ್ಟ್ ವಿಷಸ್‌ ಆಲ್ವೇಸ್‌ ಎಂದು ಕಮೆಂಟ್‌ ಮಾಡಿದ್ದಾರೆ. ಈ ಮಧ್ಯೆ ನಟ ಸುದೀಪ್ ತಮ್ಮನ್ನು ಭೇಟಿ ಮಾಡಿದ್ದನ್ನು ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಅವರು ಕೂಡ ಸೋಷಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಈ ಭೇಟಿಯ ವೇಳೆ ಚಿತ್ರ ರಂಗದ ಅನೇಕ ಸಂಗತಿಗಳ ಕುರಿತು ಅವರೊಂದಿಗೆ ಕೆಲ ಕಾಲ ಚರ್ಚೆ ನಡೆಸಲಾಯಿತು ಎಂದಿದ್ದಾರೆ.
ನಿರ್ದಿಷ್ಟವಾಗಿ ಯಾವವಿಚಾರ ಕುರಿತು ಚರ್ಚೆ ನಡೆಯಿತು ಎನ್ನುವುದನ್ನು ಅವರು ಕೂಡ ಹೇಳಿಕೊಂಡಿಲ್ಲ, ಆದರೆ ಕೊರೊನಾ ಮೂರನೇ ಅಲೆಯ ಅವತಾರ ನೋಡಿಕೊಂಡು ಆದಷ್ಟು ಬೇಗ ಚಿತ್ರಮಂದಿರಕ್ಕೆ 100 ಅನುಮತಿ ಕೊಡುವಂತೆ ಕೇಳಿಕೊಂಡಿರ್ತಾರೆ ಅದಂತೂ ಗ್ಯಾರಂಟಿ. ಕಿಚ್ಚನ ಕೋಟಿಗೊಬ್ಬ 2ಹಾಗೂ ವಿಕ್ರಾಂತ್ ರೋಣ ಎರಡು ಬಿಗ್ ಬಜೆಟ್ ಸಿನಿಮಾಗಳು ರಿಲೀಸ್ ಗೆ ಸಜ್ಜಾಗುತ್ತಿವೆ. ತಮ್ಮ ಹುಟ್ಟುಹಬ್ಬಕ್ಕೂ ಎರಡು ದಿನ ಮುಂಚಿತವಾಗಿ ಸಿಎಂ ಭೇಟಿ ಮಾಡಿರುವುದು ಕುತೂಹಲಕ್ಕೆ ಎಡೆಮಾಡಿಕೊಟ್ಟಿದೆ.
ಬಹು ನಿರೀಕ್ಷಿತ ಸಿನಿಮಾ ‘ಭಜರಂಗಿ 2 ‘ ರಿಲೀಸ್ ಕ್ಯಾನ್ಸಲ್‌ ಆಗಿದ್ದೇಕ್ಕೆ ? ಹ್ಯಾಟ್ರಿಕ್ ಹೀರೋ ಶಿವಣ್ಣ ಫ್ಯಾನ್ಸ್ ಮಾತ್ರವಲ್ಲ ಇಡೀ ಕರುನಾಡಿನ ಸಿನಿ ಪ್ರೇಕ್ಷಕರೇ ಬೇಸರ ಮಾಡಿಕೊಂಡು ಕುಳಿತಿದ್ದಾರೆ. ಅನೌನ್ಸ್ ಆಗಿದ್ದ ಸಿನಿಮಾದ ರಿಲೀಸ್ ಡೇಟ್ ಯಾಕೆ ಮುಂದಕ್ಕೆ ಹೋಯ್ತು ? ಭಜರಂಗಿ ಅರ್ಭಟಕ್ಕೆ ಯಾರು ತಡೆ ಹಾಕಿದ್ದು? ಅಭಿಮಾನಿಗಳಲ್ಲಿರುವ ಪ್ರಶ್ನೆ ಇದು. ಸೆಪ್ಟೆಂಬರ್ 10ಕ್ಕೆ ಸಿನಿಮಾ ರಿಲೀಸ್ ಡೇಟ್ ಅನೌನ್ಸ್ ಮಾಡಿದ್ದ ಚಿತ್ರ ತಂಡ ಈಗ ಉಲ್ಟಾ ಹೊಡೆದಿದ್ದು ಯಾಕೆ ? ಈ ಪ್ರಶ್ನೆಗಳಿಗೆಲ್ಲ ಇಲ್ಲಿ ಉತ್ತರವಾಗಿದ್ದಾರೆ ನಿರ್ದೇಶಕ ಎ. ಹರ್ಷ.
Exclusive …..
1 ನೀವೇ ಅನೌನ್ಸ್ ಮಾಡಿದ್ದ ರಿಲೀಸ್ ಡೇಟ್ ಯಾಕೆ ಈಗ ಕ್ಯಾನ್ಸಲ್‌ ಆಯ್ತು? ಕಾರಣ ಏನು ಅಂತ ಹೇಳಿದ್ದು ಈಗಾಗ್ಲೇ ನಿಮ್ಗೂ ಗೊತ್ತಿರಬಹುದು, ಕೊರೋನಾ ಪರಿಸ್ಥಿತಿ ಮುಂದೆ ಕೂಡ ಯಾಕೋ ತಿಳಿಯಾಗೋ ಹಾಗೆ ಕಾಣುತ್ತಿಲ್ಲ. ಜತೆಗೆ ಸರ್ಕಾರ ಈಗಾಗ್ಲೇ ಗಡಿ ಜಿಲ್ಲೆಗಳಲ್ಲಿ ವಿಧಿಸಿರುವ ವೀಕೆಂಡ್ ಕರ್ಪ್ಯೂ ಮುಗಿಯೋ ಹಾಗೆಯೂ ಇಲ್ಲ. ನೈಟ್‌ ಕರ್ಪ್ಯೂ ಕೂಡ ಜಾರಿಯಲ್ಲಿದೆ. ಹಂಡ್ರೆಡ್ ಪರ್ಸೆಂಟ್ ಆಕ್ಯೂಪೆನ್ಸಿ ಸಿಗೋದು ಕೂಡ ಡೌಟು. ಅದೇ ಕಾರಣಕ್ಕೆ ಸದ್ಯಕ್ಕೆ ಈಗ ಬೇಡ ಅನ್ಕೊಂಡಿದ್ದೇವೆ.
2 ಇದೊಂದು ರೀತಿ ಫ್ಯಾನ್ಸ್ ಗೆ ಆಸೆ ಹುಟ್ಟಿಸಿ, ಓಡಿ ಹೋದಂತೆ ಅಲ್ವಾ?
ಹೌದು, ಬರ್ತೀವಿ ಅಂತ ಹೇಳಿದ್ದು ನಿಜವೇ, ಆದ್ರೆ ಪರಿಸ್ಥಿತಿ ಈಗ ಸರಿಯಿಲ್ಲ ಅಲ್ವಾ? ಅದಕ್ಕೆ ಟೀಮ್ ಕಡೆಯಿಂದ ಆದ ಡಿಸೈಡ್ ಇದು. ಅಂದುಕೊಡಂತೆ ಸಿನಿಮಾ ರಿಲೀಸ್ ಆಗ್ಲಿಲ್ಲ ಅಂತ ನಂಗೂ ಬೇಜಾರಿದೆ. ಯಾಕಂದ್ರೆ ರಿಲೀಸ್ ಆಗ್ತಿದೆ ಅಂತ ನಂಗೂ ಸಾಕಷ್ಟು ಖುಷಿ ಇತ್ತು. ಏನ್ಮಾಡ್ಲಿಕ್ಕೆ ಆಗುತ್ತೆ ಹೇಳಿ, ಸಿನಿಮಾಕ್ಕೆ ದುಡ್ಡು ಹಾಕಿದವರು ನಿರ್ಮಾಪಕರು. ಅವ್ರ ತೀರ್ಮಾನವೂ ಇಲ್ಲಿ ಮುಖ್ಯವಾಗುತ್ತೆ. ಯಾಕಂದ್ರೆ ಅವರು ಕಷ್ಟ ಪಟ್ಟು ದುಡ್ಡು ಹಾಕಿ ಸಿನಿಮಾ ಮಾಡಿದಾಗ, ಅವ್ರೀಗೂ ವಾಪಾಸ್‌ ಹಣ ಬರ್ಬೇಕು ಅಲ್ವಾ?
3 ಅದು ಸರಿ, ಮುಂದೆ ರಿಲೀಸ್ ಯಾವಾಗ? ಸದ್ಯಕ್ಕೆ ಪ್ಲಾನ್‌ ಆಗಿಲ್ಲ. ಬಹುಶ: ಗಣೇಶ್ ಹಬ್ಬ ಮುಗಿದ್ಮೇಲೆ ಒಂದು ತೀರ್ಮಾನಕ್ಕೆ ಬರ್ತೀವಿ. ಆದ್ರೂ ಮೂರನೇ ಅಲೆ ಅಂತಾರೆ, ಲಾಕ್ ಡೌನ್‌ ಆಗುತ್ತೆ ಅಂತಾರೆ, ಕೊರೋನಾ ಹೆಚ್ಚಾಗುತ್ತಲೇ ಇದೆ ಅಂತಲೂ ಹೇಳ್ತಿದ್ದಾರೆ. ಪರಿಸ್ಥಿತಿ ಹಿಂಗೆಲ್ಲ ಇದ್ರೆ ಚಿತ್ರಮಂದಿರಕ್ಕೆ ಯಾರ್‌ ಸಿನ್ಮಾ ನೋಡ್ಲಿಕ್ಕೆ ಬರ್ತಾರೆ ಸರ್? ನಮ್‌ ಸಿನ್ಮಾಕ್ಕೆ ಚಿತ್ರಮಂದಿರಗಳಿಗೆ ಜನ ಬರ್ಬೇಕು, ಅವ್ರು ಸಿನ್ಮಾ ನೋಡಿ ಮೆಚ್ಚಿಕೊಳ್ಳಬೇಕು. ಅದಕ್ಕಿಂತ ಮುಖ್ಯವಾಗಿ ಶಿವಣ್ಣ ಫ್ಯಾನ್ಸಿಗೆ ಸಿನ್ಮಾ ಮಜಾ ಕೊಡ್ಬೇಕು. ಆಮೂಲಕವೇ ನಿರ್ಮಾಪಕರಿಗೆ ಹಾಕಿದ ಹಣ ವಾಪಾಸ್‌ ಬರ್ಬೇಕು ಅನ್ನೋದು ನಮ್‌ ಲೆಕ್ಕಚಾರ.
4 ‘ಭಜರಂಗಿ 2 ʼ ಈಗ ದೊಡ್ಡ ಕ್ಯಾನ್ವಾಸ್‌ ಮೇಲೆ ಬರ್ತಿದೆ, ವಿಶೇಷ ಅಂತ ಏನ್‌ ಹೇಳ್ಬಹುದು ? ನಮ್ಗೆ ಎಲ್ಲವೂ ಇಲ್ಲಿ ಸ್ಪೆಷಲ್. ಯಾಕಂದ್ರೆ , ಪ್ರತಿ ಸಿನ್ಮಾ ಕೂಡ ಹಾಗೆ ಅಲ್ವಾ? ನನ್ನ ದೃಷ್ಟಿಯಲ್ಲಿ ಅದು ಸೀಕ್ವೆಲ್‌ ಆದ್ರೂ ಕೂಡ ಕಥೆ, ಚಿತ್ರಕಥೆ, ಸಂಭಾಷಣೆ, ಮೇಕಿಂಗ್ ಜತೆಗೆ ಪಾತ್ರವರ್ಗದ ವಿಚಾರದಲ್ಲೂ ಎಲ್ಲವೂ ಇಲ್ಲಿ ತಾಜಾ. ನನ್ನದೇ ಕಲ್ಪನೆಯಲ್ಲಿ ಒಂದೊಳ್ಳೆಯ ಕಥೆ ಹೆಣೆದು. ಅದಕ್ಕೆ ತಕ್ಕಂತೆ ಕ್ಯಾರೆಕ್ಟರ್ ಗಳನ್ನು ಸೃಷ್ಟಿಸಿ, ಅದಕ್ಕೆ ತಕ್ಕಂತೆ ಕಲಾವಿದರನ್ನು ಹಾಕ್ಕೊಂಡು, ಸಿನ್ಮಾ ಮಾಡಿದ್ದು ಪ್ರೇಕ್ಷಕರಿಗೆ ಹೊಸದೊಂದು ಸಿನ್ಮಾ ತೋರಿಸಬೇಕು ಅಂತಲೇ. ಅಂತಹದೊಂದು ಹೊಸ ಭಜರಂಗಿ ಇಲ್ಲಿದ್ದಾನೆ. ಕಥೆಯ ಜತೆಗೆ ಮೇಕಿಂಗ್ ನಲ್ಲೂ ಎಲ್ಲವೂ ಇಲ್ಲಿ ಅದ್ದೂರಿಯೇ.
ಆರ್. ಚಂದ್ರು ಅವರ ಅದ್ದೂರಿ ಕನಸಿನ ʼಕಬ್ಜʼ ಕೋಟೆಗೆ ನಾವು ಲಗ್ಗೆ ಹಾಕಿದ್ದೇ ಬೇರೆ. ಎಲ್ಲರೂ ಅದರ ದ್ವಾರ ಭಾಗಿಲಿನಲ್ಲಿ ನುಸುಳಿ ಬಂದರು. ಆದರೆ ನಾವಿಲ್ಲಿ ಅದರ ಇನ್ನೊಂದು ದಾರೀಲಿ ನುಸುಳಿ ಬಂದೆವು. ಅಲ್ಲಿ ಹೆಕ್ಕಿ ತಂದ ಫುಲ್‌ ಡಿಟೈಲ್ಸ್‌ ಇಲ್ಲಿದೆ, ಅದೇನು ಅಂತ ನೀವೇ ನೋಡಿ….
`ಕಬ್ಜ’ ಆಲ್‌ಒವರ್ ಇಂಡಿಯಾ ಎದುರು ನೋಡ್ತಿರುವ ಕನ್ನಡದ ಮತ್ತೊಂದು ಪ್ಯಾನ್ ಇಂಡಿಯಾ ಸಿನ್ಮಾ. ಕೆಜಿಎಫ್ ನಂತರ ಕಬ್ಜ ಚಿತ್ರಕ್ಕಾಗಿ ಪ್ರೇಕ್ಷಕ ಕುಲ ಕಣ್ಣರಳಿಸಿ ಕಾಯ್ತಿದೆ. ಕಣ್ಣು ಕುಕ್ಕೋ ಮೇಕಿಂಗ್ ಜೊತೆಗೆ ಉಪ್ಪಿ ಹಾಗೂ ಕಿಚ್ಚ ಕಾಂಬೋ ಕಬ್ಜ ಮೇಲಿನ ನಿರೀಕ್ಷೆಯನ್ನ ಹೆಚ್ಚಿಸಿದೆ. ಇಬ್ಬರು ಖಡಕ್ ಲುಕ್ ಕೊಟ್ಟಿರೋ ಪೋಸ್ಟರ್ ಅಖಾಡದಲ್ಲಿ ಈಗಾಗಲೇ ಹವಾ ಎಬ್ಬಿಸಿದೆ. ಜಬರ್ದಸ್ತ್ ಪೋಸ್ಟರ್‌ನಿಂದ ಹಂಗಾಮ ಸೃಷ್ಟಿಸಿಕೊಂಡಿರುವ ಮುಕುಂದ ಮುರಾರಿ ಜೋಡಿ, ಥ್ರೋ ಔಟ್ ದಿ ಸಿನಿಮಾ ಮೂಲಕ ಇನ್ಯಾವ ರೀತಿ ಅಖಾಡವನ್ನ ಕಬ್ಜ ಮಾಡ್ಬೋದು ಎನ್ನುವ ಕೂತೂಹಲ ಸಿನಿರಸಿಕರಲ್ಲಿ ಮಾತ್ರವಲ್ಲ ಪ್ಯಾನ್ ಇಂಡಿಯಾ ಮಂದಿಯ ಮನಸ್ಸಲ್ಲೂ ರುದ್ರತಾಂಡವವಾಡ್ತಿದೆ.
ರಿಯಲ್‌ಸ್ಟಾರ್ ಉಪೇಂದ್ರರ ಕಬ್ಜ' ಚಿತ್ರದಲ್ಲಿ ಕಿಚ್ಚ ಹೆಂಗೆ ಕಾಣಿಸ್ತಾರೆ ಎನ್ನುವ ಕೌತುಕಕ್ಕೆ ಈಗಾಗಲೇ ಸ್ಕೆಚಸ್ ಪೋಸ್ಟರ್ ಬ್ರೇಕ್ ಹಾಕಿದೆ. ಆದರೆ, ಹಾಲಿವುಡ್‌ಗೆ ಸೆಡ್ಡು ಹೊಡೆಯುವ ರೇಂಜ್ ಗೆ ನಿರ್ಮಾಣಗೊಳ್ತಿರುವಕಬ್ಜ’ ಅಂಗಳಕ್ಕೆ ಕಿಚ್ಚ ಯಾವಾಗ ಧುಮ್ಕುತ್ತಾರೆ? ಕಬ್ಜ ಕೋಟೆಯಲ್ಲಿ ಕೋಟಿಗೊಬ್ಬ ಯಾವ್ ರೀತಿ ಧಗಧಗಿಸ್ತಾರೆ ಎನ್ನುವ ನಿರೀಕ್ಷೆ ಮಾತ್ರ ಸುದೀಪಿಯನ್ಸ್ ಕಣ್ಣಲ್ಲಿ ನರ್ತನ ಶುರುವಿಟ್ಟುಕೊಂಡಿದೆ. ಅಟ್ ದಿ ಸೇಮ್ ಟೈಮ್ ಸೂಪರ್‌ರಂಗ ಫ್ಯಾನ್ಸ್ ಕೂಡ ಎಕ್ಸೈಟೆಡ್ ಆಗಿದ್ದಾರೆ. ಮಲ್ಟಿಸ್ಟಾರರ್ ಮಹಾಕಾಂಬೋ ನೋಡೋದಿಕ್ಕೆ ಒಂಟಿಕಾಲಿನಲ್ಲಿ ನಿಂತಿದ್ದಾರೆ. ಹೀಗಾಗಿಯೇ, ಕಬ್ಜ' ಫಿಲ್ಮ್ ಕ್ಯಾಪ್ಟನ್ ಕೋಟಿ ಕೋಟಿ ಸುರಿದು ಅಖಾಡ ರೆಡಿಮಾಡಿಸುತ್ತಿದ್ದಾರೆ. ನೀಲ್ ಕಲ್ಪನೆಯಂತೆ ʼಕೆಜಿಎಫ್ʼ ಕೆತ್ತಿಕೊಟ್ಟ ಕಲಾನಿರ್ದೇಶಕ ಶಿವಕುಮಾರ್, ಇದೀಗ ಚಂದ್ರು ಕನಸಿನಂತೆಕಬ್ಜ’ ಕೋಟೆಯನ್ನ ನಿರ್ಮಾಣ ಮಾಡಿಕೊಡ್ತಿದ್ದಾರೆ.
ಕೊರೊನಾಗೂ ಮೊದಲು ʼಕಬ್ಜʼ ಕೋಟೆ ತಲೆ ಎತ್ತಿತ್ತು. ಬೆಂಗಳೂರಿನ ಮಿನರ್ವ ಮಿಲ್‌ನಲ್ಲಿ ಕೋಟಿ ಕೋಟಿ ಬೆಲೆಬಾಳುವ ಸೆಟ್‌ಗಳನ್ನು ನಿರ್ಮಾಣ ಮಾಡಲಾಗಿತ್ತು. ನರಾಚಿ ಲೋಕವನ್ನು ಸೃಷ್ಟಿಮಾಡಿಕೊಟ್ಟ ಶಿವುಕುಮಾರ್ ಅಂಡ್ ಟೀಮ್ `ಕಬ್ಜ’ ಚಿತ್ರಕ್ಕಾಗಿ ಹೆಚ್ಚುಕಮ್ಮಿ ೪೦ ಸೆಟ್‌ಗಳನ್ನ ನಿರ್ಮಿಸಿಕೊಟ್ಟಿದ್ದರು. ಕೋಟಿ ಬೆಲೆಬಾಳುವ ಕಾಸ್ಟ್ಲಿ ಸೆಟ್ಟುಗಳಲ್ಲಿ ʼಕಬ್ಜʼ ಟೀಮ್ ಚಿತ್ರೀಕರಣ ಮಾಡಿಕೊಳ್ಳುತ್ತಿತ್ತು, ಶೇಕಡ ೬೦ರಷ್ಟು ಚಿತ್ರೀಕರಣವು ಮುಗಿದಿತ್ತು. ಈ ಮಧ್ಯೆ ಕೊರೊನಾ ಮೊದಲನೇ ಅಲೆ ಹಾಗೂ ಎರಡನೇ ಅಲೆಯ ಅಟ್ಟಹಾಸದಿಂದ ಶೂಟಿಂಗ್‌ಗೆ ಬ್ರೇಕ್ ಬಿತ್ತು. ಮಿನರ್ವ ಮಿಲ್ ಅಂಗಳದಲ್ಲಿ ತಲೆಎತ್ತಿದ್ದ ಕೋಟಿ ಸೆಟ್ಟುಗಳು ಬಿಸಿಲು-ಮಳೆ-ಗಾಳಿಗೆ ಮುರಿದುಬಿದ್ದವು. ಇದ್ರಿಂದ ಕೋಟಿ ಕೋಟಿ ನಷ್ಟಾನೂ ಆಯ್ತು . ಆದರೆ ಇದಕ್ಕೆಲ್ಲ ಲೆಕ್ಕಿಸದ ನಿರ್ಮಾಪಕರು ಹಾಳಾದ ಸೆಟ್ಟುಗಳನ್ನ ರೀ ಕನ್‌ಸ್ಟ್ರಕ್ಷನ್‌ ಮಾಡಿಸಿದ್ದಾರೆ. ಜೊತೆಗೆ ಹೊಸದಾಗಿ ೨೦ ಸೆಟ್ಟುಗಳನ್ನು ನಿರ್ಮಿಸುವುದಕ್ಕೆ ಮುಂದಾಗಿದ್ದಾರೆ. ಇತ್ತೀಚೆಗೆ ಕೋಟಿಸೆಟ್‌ನಲ್ಲಿ ಪೂಜೆ ನೆರವೇರಿಸಿ ಸೆಟ್ವರ್ಕ್ ಗೆ ಚಾಲನೆ ಕೊಟ್ಟಿದ್ದಾರೆ. ಅದರ ಎಕ್ಸ್ಲೂಸಿವ್ ಫೋಟೋಗಳು ಸಿನಿಲಹರಿಗೆ ಲಭ್ಯವಾಗಿವೆ.
ಮಿನರ್ವ ಮಿಲ್‌ನಲ್ಲಿ ʼಕಬ್ಜʼ ಚಿತ್ರದ ಸೆಟ್ವರ್ಕ್ ಕೆಲಸ ಭರದಿಂದ ಸಾಗ್ತಿದೆ. ಇಂಟರ್‌ನ್ಯಾಷನಲ್ ಲೆವಲ್ ಆಫ್ ಕಂಟೆಂಟ್ ಪ್ಲಸ್ ಮೇಕಿಂಗ್‌ವುಳ್ಳ ಚಿತ್ರ ಆಗಿರೋದ್ರಿಂದ ಕಲಾನಿರ್ದೇಶಕ ಶಿವು ಅಂಡ್ ಟೀಮ್ ಕಣ್ಣಲ್ಲಿ ಕಣ್ಣಿಟ್ಟು ಕೆಲಸ ಮಾಡ್ತಿದ್ದಾರೆ. ಸೆಟ್-ಪ್ರಾಪರ್ಟಿ, ಕಾಸ್ಟ್ಯೂಮ್ಸ್‌, ವೆಹಿಕಲ್ಸ್ ಹೀಗೆ ಪಿನ್ ಟು ಪಿನ್ ಹೀಗೆ ಬರಬೇಕು ಅಂತ ನಿರ್ದೇಶಕ ಚಂದ್ರು ಅವರು ಪ್ಲ್ಯಾನ್ ರೂಪಿಸಿದ್ದು, ಕೆಜಿಎಫ್ ಚಿತ್ರದ ತಂತ್ರಜ್ಞರ ಬಳಗ ಪ್ಲ್ಯಾನ್ ಎಕ್ಸಿಕ್ಯೂಟ್ ಮಾಡುವಲ್ಲಿ ನಿರತವಾಗಿದೆ. ೧೦ ದಿನದಲ್ಲಿ ಸೆಟ್ ವರ್ಕ್ ಕಂಪ್ಲೀಟ್ ಆಗಲಿದ್ದು, ರಿಯಲ್‌ಸ್ಟಾರ್ ಉಪೇಂದ್ರ ಜೊತೆಗೆ ಕೋಟಿಗೊಬ್ಬ ಕಿಚ್ಚ ಧುಮುಕಲಿದ್ದಾರೆ. ಭಾರ್ಗವ್ ಭಕ್ಷಿ ಪಾತ್ರದಲ್ಲಿ ಅಬ್ಬರಿಸಲಿರುವ ಕಿಚ್ಚ ಸುದೀಪ್, ರಿಯಲ್‌ಸ್ಟಾರ್ ಜೊತೆಗೆ ಗ್ಯಾಂಗ್‌ಸ್ಟರ್ ಆಗ್ತಾರಾ ಅಥವಾ ಗ್ಯಾಂಗ್‌ಸ್ಟರ್ ಉಪ್ಪಿಯೊಟ್ಟಿಗೆ ಕಾದಾಡ್ತಾರಾ ? ಈ ಕೂತೂಹಲದ ಪ್ರಶ್ನೆಗೆ ಸದ್ಯಕ್ಕೆ ಉತ್ತರವಿಲ್ಲ. ಆದರೆ ಇವರಿಬ್ಬರು ಒಂದಾಗಿ ಇತಿಹಾಸ ಸೃಷ್ಟಿಸೋದು ಮಾತ್ರ ಪಕ್ಕಾ.
ʼಕಬ್ಜʼ ಔಟ್ ಅಂಟ್ ಔಟ್ ಗ್ಯಾಂಗ್‌ಸ್ಟರ್ ಚಿತ್ರ. ಭೂಗತ ಲೋಕವನ್ನ ರೆಟ್ರೋ ಸ್ಟೈಲ್ ನಲ್ಲಿ ಎಕ್ಸ್ಟ್ರಾಡಿನರಿಯಾಗಿ ತೋರಿಸಬೇಕು ಎನ್ನುವುದು ತಾಜ್‌ಮಹಲ್ ಸಾರಥಿ ಚಂದ್ರು ಕನಸು. ಆ ಮಹಾಕನಸಿನ ಸಾಕಾರಕ್ಕೆ ಭೂಗತ ಲೋಕದಲ್ಲಿ ಓಂ' ಕಾರ ಬರೆದ ಉಪೇಂದ್ರ ಹಾಗೂ ಪೈಲ್ವಾನ್ ಕಿಚ್ಚ ಸಾಥ್ ಕೊಟ್ಟಿದ್ದಾರೆ. ೧೯೪೭ರ ಘಟನೆಯನ್ನ ಪ್ರೇರಣೆಯಾಗಿಟ್ಟುಕೊಂಡು ಕಬ್ಜ ಮಾಡಲು ಹೊರಟಿರುವ ನಿರ್ದೇಶಕ ಆರ್ ಚಂದ್ರು, ಇತಿಹಾಸಕ್ಕೆ ಸಾವಿಲ್ಲ ಎಂದು ಮುನ್ನುಗಿದ್ದಾರೆ. ರಿಯಲ್ ಪ್ಯಾನ್ ಇಂಡಿಯಾ ಸ್ಟಾರ್‌ಗಳನ್ನ ಹಾಕಿಕೊಂಡು, ಮೇಕಿಂಗ್ ಹಂತದಲ್ಲೇ ದೊಡ್ಡಮಟ್ಟದಲ್ಲಿ ಸೌಂಡ್ ಮಾಡುತ್ತಿದ್ದಾರೆ. ಜಗಪತಿ ಬಾಬು-ಕಬೀರ್ ದುಹಾನ್ ಸಿಂಗ್- ಪ್ರಮೋದ್ ಶೆಟ್ಟಿ-ಅನುಪ್ ರೇವಣ್ಣ ಸೇರಿದಂತೆ ದೊಡ್ಡ ಸ್ಟಾರ್‌ಕಾಸ್ಟ್ಕಬ್ಜ’ ಚಿತ್ರದಲ್ಲಿದೆ. ಪ್ರಿ ಕ್ಲೈಮ್ಯಾಕ್ಸ್ ಚಿತ್ರೀಕರಣ ಬೆಂಗಳೂರಿನಲ್ಲಿ ನಡೆಯಲಿದ್ದು, ಹೈದ್ರಬಾದ್ ಅಖಾಡದಲ್ಲಿ ಕ್ಲೈಮ್ಯಾಕ್ಸ್‌ಗೆ ಕುಂಬಳಕಾಯಿ ಒಡೆಯಲಿದ್ದಾರೆ. ಎಂಟಿಬಿ ನಾಗರಾಜ್ ಸಾರಥ್ಯದಲ್ಲಿ ಒಟ್ಟು ಏಳು ಭಾಷೆಯಲ್ಲಿ ನಿರ್ಮಾಣವಾಗುತ್ತಿರುವ ʼಕಬ್ಜʼ ಸಿನಿಮಾ ಎರಡು ಭಾಗದಲ್ಲಿ ಅದ್ದೂರಿಯಾಗಿ ಮೂಡಿಬರಲಿದೆ. ಅಸಿಸ್ಟೆಂಟ್ ಡೈರೆಕ್ಟೆರ್ ಆಗಿ, ರೈಟರ್ ಆಗಿ ಕೊನೆಗೆ ಡೈರೆಕ್ಟರ್ ಕ್ಯಾಪ್ ತೊಟ್ಟಿರುವ ಆರ್ ಚಂದ್ರು ಈಗ ಪ್ಯಾನ್ ಇಂಡಿಯಾ ಡೈರೆಕ್ಟರ್ ಕಮ್ ಪ್ರೊಡ್ಯೂಸರ್ ಆಗಿರುವುದು ಕನ್ನಡ ಚಿತ್ರರಂಗಕ್ಕೆ ಹೆಮ್ಮೆಯ ವಿಷಯ ಅಲ್ಲವೇ.?
ನಟ ಡಾರ್ಲಿಂಗ್‌ ಕೃಷ್ಣ ಮತ್ತಷ್ಟು, ಮೊಗೆದಷ್ಟು ಬ್ಯುಸಿ ಆಗುತ್ತಿದ್ದಾರೆ. ʼಲವ್‌ ಮಾಕ್ಟೆಲ್‌ʼ ನಂತರ ಅವರ ಸ್ಟಾರ್‌ ಇಮೇಜೇ ಬದಲಾಯಿತು. ಕೆರಿಯರ್‌ ಗ್ರಾಪ್‌ ಒಂದೇ ಸಮನೆ ಮುಗಿಲೆತ್ತರಕ್ಕೆ ಚಿಮ್ಮಿತು. ವೃತ್ತಿ ಬದುಕು, ಮತ್ತೊಂದೆಡೆ ಖಾಸಗಿ ಬದುಕು ಎರಡಲ್ಲೂ ಅವರಿಗೆ ಅದೃಷ್ಟವೇ ಖುಲಾಯಿಸಿತು. ಅವರ ಕೈಯಲ್ಲೀಗ ಸಾಲು ಸಾಲು ಸಿನಿಮಾಗಳಿವೆ. ಈ ನಡುವೆಯೇ ಈಗ ರೋಮಿಯೋ ಖ್ಯಾತಿಯ ನಿರ್ದೇಶಕ ಪಿ.ಸಿ. ಶೇಖರ್ ನಿರ್ದೇಶನದ ಹೊಸ ಸಿನಿಮಾಕ್ಕೆ ನಟ ಡಾರ್ಲಿಂಗ್‌ ಕೃಷ್ಣ ನಾಯಕರಾಗಿ ಕಮಿಟ್‌ ಆಗಿದ್ದಾರೆ. ನಿರ್ದೇಶಕ ಪಿ.ಸಿ. ಶೇಖರ್ ಇದನ್ನು ಅಧಿಕೃತವಾಗಿ ಹೇಳಿಕೊಂಡಿದ್ದಾರೆ. ನಟ, ನಿರ್ಮಾಪಕ ಕಡ್ಡಿಪುಡಿ ಚಂದ್ರು ಈ ಚಿತ್ರದ ನಿರ್ಮಾಪಕರು.ಚಿತ್ರಕ್ಕೆ ಈಗಷ್ಟೇ ಮಾತುಕತೆ ಫೈನಲ್‌ ಆಗಿದೆ. ಡಾರ್ಲಿಂಗ್‌ ಕೃಷ್ಣ ನಾಯಕರಾಗಿ ಅಭಿನಯಿಸುತ್ತಿದ್ದಾರೆ. ಉಳಿದಂತೆ ನಾಯಕಿ ಸೇರಿದಂತೆ ಉಳಿದ ಪಾತ್ರವರ್ಗಕ್ಕೆ ಬೇಕಾದ ಪಾತ್ರಧಾರಿಗಳ ಆಯ್ಕೆಗೆ ನಿರ್ದೇಶಕರು ಈಗಷ್ಟೇ ತಲೆಕೆಡಿಸಿಕೊಳ್ಳಬೇಕಂತೆ.
ʼಇದು ಇನ್ನು ತುಂಬಾಪ್ರೈಮರಿ ಹಂತ. ಚಿತ್ರಕ್ಕೆ ಡಾರ್ಲಿಂಗ್‌ ಕೃಷ್ಣ ಅವರು ಫಿಕ್ಸ್‌ ಆಗಿ ಈಗಷ್ಟೇ ಎರಡು ದಿನ ಕಳೆದಿವೆ. ಇನ್ನು ಮೇಲೆ ಉಳಿದ ಪಾತ್ರಗಳಿಗೆ ಕಲಾವಿದರ ಆಯ್ಕೆ ನಡೆಯಬೇಕಿದೆ. ದೊಡ್ಡ ತಾರಾಗಣವೇ ಇರಲಿದೆ. ಕತೆಯ ಪಾತ್ರವರ್ಗಗಳ ಅನುಸಾರ ಯಾರೆಲ್ಲ ಆಗಬಹುದು ಅಂತ ಅಂದಾಜು ಮಾಡಿಕೊಂಡಿದ್ದೇನೆ. ದೊಡ್ಡ ತಾರಾಬಳಗವನ್ನೇ ತರಬೇಕೆನ್ನುವ ಆಸೆಯಂತೂ ಇದೆ. ನಿರ್ಮಾಪಕರ ಬೆಂಬಲವೂ ಇದಕ್ಕಿದೆ. ಅಕ್ಟೋಬರ್‌ ನಲ್ಲಿ ಶುರು ಮಾಡೋಣ ಅಂತಂದುಕೊಂ ಡಿದ್ದೇವೆ. ಅಷ್ಟೊರಳಗೆ ಕಲಾವಿದರು, ತಂತ್ರಜ್ಜರ ಆಯ್ಕೆ ಫೈನಲ್‌ ಮಾಡಿಕೊಂಡು, ಚಿತ್ರಕ್ಕೆ ಮುಹೂರ್ತ ಮುಗಿಸಿಕೊಂಡು ಚಿತ್ರೀಕರಣಕ್ಕೆ ಹೋಗುವ ಆಲೋಚನೆ ಇದೆʼಎನ್ನುತ್ತಾರೆ ನಿರ್ದೇಶಕ ಪಿ.ಸಿ. ಶೇಖರ್. ನಿರ್ದೇಶಕ ಪಿ.ಸಿ. ಶೇಖರ್ ಈಗಾಗಲೇ ಇಂಡಸ್ಟ್ರಿಯಲ್ಲಿ ಹಲವು ಸ್ಟಾರ್‌ ಜತೆಗೆ ಕೆಲಸ ಮಾಡಿದ್ದಾರೆ. ಗಣೇಶ್ ಅಭಿನಯದ ʼರೋಮಿಯೋʼ ಚಿತ್ರ ಬಜಾರ್‌ ನಲ್ಲಿ ಸಾಕಷ್ಟು ಸದ್ದು ಮಾಡಿತು. ಮುಂದೆ ಕಾಮಿಡಿ ಸ್ಟಾರ್‌ ಮಿತ್ರ ಹೀರೋ ಆಗಿ ಕಾಣಿಸಿಕೊಂಡ ರಾಗಾ ಸಿನಿಮಾ ಅಪಾರ ಮೆಚ್ಚುಗೆ ಪಡೆದಿದ್ದು ಮಾತ್ರವಲ್ಲ, ಬೆಸ್ಟ್ ಡೆಬ್ಯುಟ್‌ ಆಕ್ಟರ್‌ ಆವಾರ್ಡ್‌ಗೂ ಪಾತ್ರವಾಯಿತು. ಅಲ್ಲಿಂದ ಗ್ಲಾಮರಸ್‌ ನಟಿ ರಾಗಿಣಿ ಕಾಂಬಿನೇಷನ್‌ ಮೂಲಕ ದಿ ಟೆರರಿಸ್ಟ್‌ ಎನ್ನುವ ಯೂನಿವರ್ಷಲ್‌ ಸಬ್ಜೆಕ್ಟ್‌ ಮೇಲೊಂದು ಸಿನಿಮಾ ಮಾಡಿದರು. ಅದು ನಿರೀಕ್ಷಿತ ಸಕ್ಸಸ್‌ ಪಡೆದುಕೊಳ್ಳಲಿಲ್ಲ ಎನ್ನುವುದನ್ನು ಬಿಟ್ಟರೆ, ಒಂದೊಳ್ಳೆಯ ಪ್ರಯತ್ನವಾಗಿ ಕಾಣಿಸಿಕೊಂಡಿತು. ಅಲ್ಲಿಂದ ಒಂದಷ್ಟು ಗ್ಯಾಪ್‌ ಬಳಿಕ ಟಗರು ಪುಟ್ಟಿ ಮಾನ್ವಿತಾ ಕಾಮತ್‌ ಕಾಂಬಿನೇಷನ್‌ ಮೂಲಕ ಹಕ್ಕಾ ಹಳ್ಳಿ ಸೊಗಡಿನ ಶೈಲಿಯ ಸಿನಿಮಾವೊಂದನ್ನು ನಿರ್ದೇಶಿಸುತ್ತಿದ್ದು, ಆ ಸಿನಿಮಾಕ್ಕೆ ಸೆಪ್ಟೆಂಬರ್ ಮೊದಲ ವಾರದಿಂದ ಚಿತ್ರೀಕರಣ ಶುರುವಾಗಲಿದೆಯಂತೆ.
ಈ ಚಿತ್ರಕ್ಕೆ ಟೈಟಲ್‌ ಇನ್ನು ಫೈನಲ್‌ ಆಗಿಲ್ಲ.ಲೀಡ್‌ ರೋಲ್‌ ನಲ್ಲಿ ಮಾನ್ವಿತಾ ಇದ್ದಾರೆ ಎನ್ನುವುದನ್ನು ಬಿಟ್ಟರೆ ಬಹುತೇಕ ಹೊಸಬರೇ ಇಲ್ಲಿದ್ದಾರಂತೆ. ಈ ನಡುವೆ ಈಗ ʼಲವ್‌ ಮಾಕ್ಟೆಲ್‌ʼ ಖ್ಯಾತಿಯ ಡಾರ್ಲಿಂಗ್‌ ಕೃಷ್ಣ ಕಾಂಬಿನೇಷನ್‌ ಮೂಲಕ ಮತ್ತೊಂದು ಸಿನಿಮಾಕ್ಕೆ ಆಕ್ಷನ್‌ ಕಟ್‌ ಹೇಳಲು ರೆಡಿಯಾಗಿದ್ದಾರೆ. ಡಾರ್ಲಿಂಗ್‌ ಕೃಷ್ಣ ಅಂದಾಕ್ಷಣ, ಈ ಸಿನಿಮಾದ ಕಥೆಯ ಬಗ್ಗೆ ದೊಡ್ಡ ಕುತೂಹಲ ಹುಟ್ಟುವುದು ಅಷ್ಟೇ ಸಹಜ. ಆ ಬಗ್ಗೆ ನಿರ್ದೇಶಕ ಪಿ.ಸಿ. ಶೇಖರ್ ಹೇಳುವುದೇನು ಗೊತ್ತಾ? ʼ ಇದೊಂದು ರೋಮ್‌ ಕಾಮ್‌ ಕಥೆ ಅನ್ನೋದರಲ್ಲಿ ನೋ ಡೌಟ್. ಒಂದೊಳ್ಳೆಯ ಪ್ರೇಮ ಕಥೆ ಹೆಣೆದಿದ್ದೇನೆ. ಕಾರ್ಪೋರೇಟ್‌ ಜಗತ್ತಿನಲ್ಲಿ ನಡೆಯುವ ಕಥೆ. ಅಟ್ ದಿ ಸೇಮ್ ಟೈಮ್ ಅದಕ್ಕೆ ಹಳ್ಳಿ ಸೊಗಡು ಕೂಡ ಇದೆ. ಅವೆರಡರ ನಡುವೆ ಅಂತಹ ವಿಶೇಷ ಇದೆ ಅನ್ನೋದೆ ಇಲ್ಲಿನ ಕುತೂಹಲ ಅಂತಾರೆ ನಿರ್ದೇಶಕ ಪಿ.ಸಿ. ಶೇಖರ್.
ಸರಿಗಮಪ ಲಿಟ್ಲ್‌ ಚಾಂಪ್ಸ್‌ ಖ್ಯಾತಿಯ ಬೇಬಿ ಡಾಲ್‌ ಆದ್ಯಾ ಬರ್ತ್‌ ಡೇ ಸಂಭ್ರಮದಲ್ಲಿದ್ದಾರೆ. ʼಕೋಟಿಗೋಬ್ಬ -3ʼ ಚಿತ್ರ ತಂಡ ಆದ್ಯಾಗೆ ಸ್ಪೆಷಲ್ ಗಿಫ್ಟ್‌ ಕೊಟ್ಟಿದೆ. ಹಾಗೆಯೇ ಸಿಂಗಿಂಗ್‌, ಆಕ್ಟಿಂಗ್‌ ಜತೆಗೀಗ ಬ್ರಾಂಡ್‌ ಅಂಬಾಸಿಡರ್‌ ಆಗಿಯೂ ಮಿಂಚುತ್ತಿದ್ದಾರೆ. ಅವರ ಜರ್ನಿಯ ಒಂದು ಝಲಕ್‌ ಇಲ್ಲಿದೆ…
ಸರಿಗಮಪ ಲಿಟ್ಲ್‌ ಚಾಂಪ್ಸ್‌ ಖ್ಯಾತಿಯ ಬೇಬಿ ಡಾಲ್‌ ಆದ್ಯಾ, ಬರ್ತ್‌ಡೇ ಸಂಭ್ರಮದಲ್ಲಿದ್ದಾರೆ. ಭಾನುವಾರ ಫ್ಯಾಮಿಲಿ ಜತೆಗೆ ಕೇಕ್‌ ಕತ್ತರಿಸಿ ಬರ್ತ್‌ಡೇ ಆಚರಿಸಿಕೊಂಡಿದ್ದಾರೆ. ಈ ನಡುವೆ ಬೇಬಿ ಡಾಲ್‌ ಆದ್ಯಾಗೆ ʼಕೋಟಿಗೊಬ್ಬ-3ʼ ಚಿತ್ರ ತಂಡ ಸ್ಪೆಷಲ್ ಗಿಫ್ಟ್‌ ಕೊಟ್ಟಿದೆ. ಬಾಲ ನಟಿ, ಗಾಯಕಿ ಆದ್ಯಾಗೆ ಬರ್ತ್‌ ಡೇ ವಿಶ್‌ ಮಾಡಿ ಸ್ಪೆಷಲ್ ಪೋಸ್ಟರ್ ಲಾಂಚ್‌ ಮಾಡಿದೆ. ಸೋಷಲ್‌ ಮೀಡಿಯಾದಲ್ಲಿ ಈ ಪೋಸ್ಟರ್ ವೈರಲ್‌ ಆಗಿದೆ. ಅಭಿನಯ ಚಕ್ರವರ್ತಿ ಕಿಚ್‌ ಸುದೀಪ್ ಜತೆಗೆ ಬೇಬಿ ಡಾಲ್‌ ಆದ್ಯಾ ನಿಂತಿರೋ ಫೋಸ್ಟರ್‌ ಅದು. ಕಿಚ್ಚನ ಅಭಿಮಾನಿಗಳ ಜತೆಗೆ ಬೇಬಿ ಡಾಲ್‌ ಆದ್ಯಾ ಫ್ಯಾನ್ಸ್ ಕೂಡ ಅದನ್ನು ಕರುನಾಡಿನ ತುಂಬಾ ಹಂಚಿದ್ದಾರೆ. ಸಹಜವಾಗಿಯೇ ಇದು ಬಾಲ ನಟಿ ಆದ್ಯಾಗೂ ಖುಷಿ ತಂದಿದೆ.
ಸರಿಗಮಪ ಲಿಡ್ಲ್‌ ಚಾಂಪ್ಸ್‌ ರಿಯಾಲಿಟಿ ಶೋ ಮನೆ ಮಾತಾದ ಪುಟಾಣಿ ಆದ್ಯಾ, ಈಗ ಬಾಲ ನಟಿಯಾಗಿಯೂ ಮಿಂಚುತ್ತಿದ್ದಾರೆ. ಬಹುತೇಕ ಸ್ಟಾರ್‌ ಸಿನಿಮಾಗಳ ಮೂಲಕವೇ ಬೆಳ್ಳಿತೆರೆಯ ಮೇಲೆ ಕಾಣಿಸಿಕೊಳ್ಳುವ ಅದೃಷ್ಟ ಆದ್ಯಾಗೆ ಸಿಕ್ಕಿದೆ. ಉಪೇಂದ್ರ ಅಭಿನಯದ ʼಹೋಮ್‌ ಮಿನಿಸ್ಟರ್‌ʼ ಹಾಗೂ ಕಿಚ್ಚ ಸುದೀಪ್ ಅಭಿನಯದ ʼಕೋಟಿಗೊಬ್ಬ-೩ʼ ಚಿತ್ರದಲ್ಲಿ ಆದ್ಯಾ ಬಾಲ ನಟಿಯಾಗಿ ಅಭಿನಯಸಿದ್ದಾರೆ. ಇದಲ್ಲದೆ ಪುಷ್ಕರ್‌ ಮಲ್ಲಿಕಾರ್ಜುನಯ್ಯ ನಿರ್ಮಾಣದ ʼಭೀಮ ಸೇನ ನಳಮಹಾರಾಜʼ ಚಿತ್ರದಲ್ಲೂ ಆದ್ಯಾ ಅಭಿನಯಸಿದ್ದರು. ಆ ಚಿತ್ರ ಅಮೆಜಾನ್‌ ಪ್ರೈಂ ಮೂಲಕ ಈಗಾಗಲೇ ಪ್ರೇಕ್ಷಕರ ಮುಂದೆ ಬಂದಿದೆ. ಉಳಿದಂತೆ ಹೋಮ್‌ ಮಿನಿಸ್ಟರ್‌ ಹಾಗೂ ʼಕೋಟಿಗೊಬ್ಬ -3ʼ ಚಿತ್ರಗಳು ತೆರೆ ಕಾಣುವುದು ಬಾಕಿಯಿದೆ.
ಒಂದೆಡೆ ಸಿಂಗರ್‌ ಆಗಿ ದೊಡ್ಡ ಮಟ್ಟಕ್ಕೆ ಬೆಳೆಯುವ ಹಂಬಲ ಹೊತ್ತಿರುವ ಬಾಲಕಿ ಆದ್ಯಾ, ಈಗಾಗಲೇ ಎರಡು ಆಲ್ಬಂ ಸಾಂಗ್ಸ್‌ ಹೊರ ತಂದಿದ್ದಾರೆ. ಒಂದು ಆಲ್ಬಂ ಸಾಂಗ್‌ ನಲ್ಲಿ ಧ್ಬನಿ ನೀಡಿದ್ದರೆ, ಇನ್ನೊಂದನ್ನು ತಾವೇ ನಿರ್ಮಾಣ ಮಾಡಿ ಹೊರ ತಂದಿದ್ದಾರೆ. ಇದೇ ಮೊದಲ ಆದ್ಯತೆ ಆಗಿದ್ದರೂ, ಬಾಲ ನಟಿಯಾಗಿಯೂ ಆದ್ಯಾಗೆ ಬೇಡಿಕೆ ಹೆಚ್ಚಿದೆ. ಹೊಸಬರ ಅನೇಕ ಸಿನಿಮಾಗಳಲ್ಲಿ ಆದ್ಯಾ ಅಭಿನಯಿಸುವ ಆಫರ್‌ ಬಂದಿದ್ದರೂ, ಸದ್ಯಕ್ಕೆ ಚ್ಯೂಸಿ ಆಗಿದ್ದ ಸ್ಟಾರ್‌ ಸಿನಿಮಾಗಳಲ್ಲಿ ಮಾತ್ರ ಕಾಣಿಸಿಕೊಂಡಿದ್ದಾರೆ. ನಟನೆಯ ಜತೆಗೀಗ ಬೇಬಿ ಡಾಲ್‌ ಆದ್ಯಾ ಜಾಹೀರಾತು ಲೋಕಕ್ಕೆ ಲಗ್ಗೆ ಇಟ್ಟಿದ್ದಾರೆ.
ಬ್ರೈಟ್‌ ಎಕ್ಸ್‌ಫರ್ಟ್‌ ಹೆಸರಿನ ಒಂದು ಹೊಸ ಕಂಪನಿಯ ಡಿಟರ್ಜೆಂಟ್‌ ಪ್ರಾಡಕ್ಟ್ ಗೆ ಬ್ರಾಂಡ್‌ ಅಂಬಾಸಿಡರ್‌ ಆಗಿದ್ದಾರೆ ಬೇಬಿ ಡಾಲ್‌ ಆದ್ಯಾ. ಅಷ್ಟು ಮಾತ್ರವೇ ಅಲ್ಲ, ʼಅಶ್ವಿನಿ ನಕ್ಷತ್ರʼ ಸೀರಿಯಲ್‌ ಖ್ಯಾತಿಯ ನಟ ಜೆಕೆ ಅಲಿಯಾಸ್‌ ಜಯರಾಂ ಕಾರ್ತಿಕ್‌ ಕೂಡ ಇದರ ಬ್ರಾಂಡ್‌ ಅಂಬಾಸಿಡರ್‌. ಅವರೊಂದಿಗೆ ಆದ್ಯಾ ಕೂಡ ಇಲ್ಲಿ ಬ್ರಾಂಡ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಇದು ಅವರ ಪೋಷಕರಿಗೂ ಖುಷಿ ಕೊಟ್ಟಿದೆ.ʼ ನಾವು ಯಾವುದಕ್ಕೂ ಒತ್ತಾಯ ಮಾಡಿಲ್ಲ. ಸಿಂಗಿಂಗ್‌ ಆಕೆಯ ಆಸಕ್ತಿ. ಹಾಗೆಯೇ ನಟನೆಯೂ ಕೂಡ ಅವಳ ಪ್ರತಿಭೆಯಿಂದಲೇ ಸಿಕ್ಕ ಅವಕಾಶ. ಅದರ ಜತೆಗೆ ಈಗ ಜಾಹೀರಾತು ಕ್ಷೇತ್ರಕ್ಕೂ ಕಾಲಿಟ್ಟಿದ್ದಾಳೆ. ಎಲ್ಲವೂ ಒಂದ್ರೀತಿ ಅವಾಗಿಯೇ ಬರುತ್ತಿವೆ. ಅದರ ಜತೆಗೆ ಎಜುಕೇಷನ್‌ ಕೂಡ ಇಂಪಾರ್ಟೆಂಟ್‌ ಅಲ್ವಾ? ಹಾಗಾಗಿ ಅವಕಾಶ ಇದೆ ಅಂತ ಯಾವುದಕ್ಕೂ ಒತ್ತಾಯ ಮಾಡೋದಿಲ್ಲʼ ಅಂತಾರೆ ಆದ್ಯಾ ಅವರ ತಾಯಿ ಅಶ್ವಿನಿ. ಸಿನಿಲಹರಿ ಕಡೆಯಿಂದ ಆದ್ಯಾ ಗೆ ಹುಟ್ಟು ಹಬ್ಬದ ಶುಭಾಶಯ.
ನಾಡಿನಾದ್ಯಾಂತ ಶ್ರೀಕೃಷ್ಣಜನ್ಮಾಷ್ಟಮಿಯ ಆಚರಣೆ ಜೋರಾಗಿದೆ. ದೇವಾಲಯಗಳಲ್ಲಿ ಅದ್ಧೂರಿ ಆಚರಣೆಗೆ ಅವಕಾಶ ಸಿಕ್ಕಿಲ್ಲವಾದರೂ ಕೂಡ ಮನೆಮನೆಯಲ್ಲಿ ಗೋಪಾಲನ ಜಪ-ತಪ ಮುಗಿಲು ಮುಟ್ಟಿದೆ. ತಮ್ಮ ತಮ್ಮ ಮನೆಯ ಮುದ್ದುಕಂದಮ್ಮಗಳಿಗೆ ಶ್ರೀಕೃಷ್ಣನ ವೇಷ ಹಾಕಿಸಿ ಸಂತೋಷಪಡುತ್ತಿದ್ದಾರೆ. ಅದರಂತೇ, ಸರ್ಜಾ ಫ್ಯಾಮಿಲಿ ಹಾಗೂ ಪನ್ನಾಗಭರಣ ಫ್ಯಾಮಿಲಿಯಲ್ಲಿ ಬಾಲಕೃಷ್ಣರ ಸಂಭ್ರಮ-ಸಡಗರ ಭರ್ಜರಿಯಾಗಿಯೇ ನಡೆದಿದೆ. ಜೂನಿಯರ್ ಚಿರು ಹಾಗೂ ವೇದ್ ಭರಣ ಇಬ್ಬರು ಕೃಷ್ಣನ ವೇಷ ಧರಿಸಿಕೊಂಡು ಬಾಲಕೃಷ್ಣರಾಗಿ ಮಿಂಚಿರುವ ಫೋಟೋಗಳನ್ನ ನಟಿ ಮೇಘನಾ ರಾಜ್ ತಮ್ಮ ಸೋಷಿಯಲ್ ಪೇಜ್‌ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. `ನನ್ನ ಬೆಣ್ಣೆ ಮುದ್ದು ಬಂಗಾರ’ ಅಂತ ಟ್ವೀಟ್ ಮಾಡಿ ಖುಷಿಪಟ್ಟಿದ್ದಾರೆ.
ಚಿರು ಹಾಗೂ ಪನ್ನಗ ಇಬ್ಬರು ಬೆಸ್ಟ್ ಫ್ರೆಂಡ್ಸ್ ಆಗಿದ್ದವರು ಈಗ ಜೂನಿಯರ್ ಚಿರು ಹಾಗೂ ಜೂನಿಯರ್ ವೇದ್ ಸ್ನೇಹಿತರಾಗಿದ್ದಾರೆ. ಮರಿ ಚಿರಂಜೀವಿಗೆ ಈಗಿನ್ನೂ ೧೦ ತಿಂಗಳು, ಇತ್ತ ವೇದ್‌ಗೆ ೩ ವರ್ಷ. ಇಬ್ಬರು ಕೂಡ ತಮ್ಮದೇ ಆದ ಪುಟ್ಟಪ್ರಪಂಚದಲ್ಲಿದ್ದಾರೆ. ಸ್ನೇಹ-ಗೆಳೆತನ- ದೋಸ್ತಿ ಇದ್ಯಾವುದರ ಅರಿವಿಲ್ಲ ಆದರೆ ಈ ಇಬ್ಬರ ಪುಟ್ಟಕಂದಮ್ಮಗಳ ಪೇರೆಂಟ್ಸ್ ಗೆ ಜೂನಿಯರ್ ಚಿರು ಹಾಗೂ ಜೂನಿಯರ್ ವೇದ್‌ನ ಬಾಲ್ಯದಿಂದಲೇ ಸ್ನೇಹಿತರನ್ನಾಗಿ ಮಾಡುವ ಕನಸಿದೆ. ಹೀಗಾಗಿ, ಹಬ್ಬ ಹರಿದಿನಗಳಲ್ಲಿ ಮೊದಲಿನಂತೆ ಒಟ್ಟಿಗೆ ಸೇರುತ್ತಾರೆ ಚಿರು ನೆನಪುಗಳನ್ನ ಮೆಲುಕು ಹಾಕುತ್ತಾ ಸಂಭ್ರಮಿಸುತ್ತಾರೆ. ಅದರಂತೇ, ಶ್ರೀಕೃಷ್ಣಜನ್ಮಾಷ್ಠಮಿಯಂದು ಒಂದೆಡೆ ಸೇರಿ ಜೂನಿಯರ್ ಚಿರು ಹಾಗೂ ವೇದ್‌ಗೆ ಬಾಲಕೃಷ್ಣನ ವೇಷಹಾಕಿಸಿ ಫೋಟೋಶೂಟ್ ಮಾಡಿಸಿದ್ದಾರೆ. ಮುದ್ದುಕೃಷ್ಣರಂತೆ ಇಬ್ಬರು ರಾರಾಜಿಸಿದ್ದನ್ನ ಕಂಡು ಎರಡು ಫ್ಯಾಮಿಲಿಯವರು ಖುಷಿಪಟ್ಟಿದ್ದಾರೆ.
`ಬ್ರದರ್ ಫ್ರಮ್ ಅನದರ್ ಮದರ್’ ಅಂತಾರೇ. ಅದರಂತೇ, ಮರಿ ಯುವಸಾಮ್ರಾಟನ ಪಾಲಿಗೆ ಮುಂದಿನ ದಿನಗಳಲ್ಲಿ ವೇದ್ ಭರಣ ಅಣ್ಣನ ಸ್ಥಾನ ತುಂಬುವುದರಲ್ಲಿ ಡೌಟೇ ಇಲ್ಲ .ಈಗಾಗಲೇ ತಮ್ಮನನ್ನ ಪ್ರ‍್ರೊಟೆಕ್ಟ್ ಮಾಡುವ ಕೆಲಸವನ್ನ ವೇದ್ ಶುರು ಹಚ್ಚಿಕೊಂಡಿದ್ದಾನಂತೆ. ಫೋಟೋಶೂಟ್ ವೇಳೆ ಜೂನಿಯರ್ ಚಿರುನಾ ವೇದ್ ಸಿಕ್ಕಾಪಟ್ಟೆ ಕೇರ್ ಮಾಡಿದ್ನಂತೆ. ಇಬ್ಬರು ಒಟ್ಟಿಗೆ ಬೆಲೆಕಟ್ಟಲಾಗದ ಸಮಯವನ್ನ ಕಳೆದಿದ್ದಾರಂತೆ, ಆ ಎಲ್ಲಾ ಕ್ಷಣಗಳನ್ನ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದಾರೆ. ಶೀಘ್ರದಲ್ಲೇ ಆ ಖುಷಿಯ ಕ್ಷಣಗಳನ್ನ ಅಭಿಮಾನಿಗಳ ಜೊತೆ ಹಂಚಿಕೊಳ್ಳಲಿದ್ದಾರೆ. ಸೀನಿಯರ್ಸ್ ನಂತರ ಜೂನಿಯರ್ಸ್ ನಡುವೆ ಇರುವ ಪ್ರೀತಿ ಹಾಗೂ ಬಾಂಡೇಜ್‌ನ ನೀವೆಲ್ಲಾ ನೋಡಬಹುದು. ಅಪ್ಪಂದಿರಂತೆ ಇವರಿಬ್ಬರು ಚಡ್ಡಿದೋಸ್ತ್‌ ಗಳಾಗಿ, ಕುಚುಕು ಗೆಳೆಯರಾಗಿ ಮುಂದುವರೆಯುತ್ತಾರೆ ಬಿಡಿ.
ಓ ಗೆಳೆಯ ಜೀವದ್ ಗೆಳೆಯ ನಿಂದು ತಾಯಿ ಪ್ರೀತಿ ಕಣೋ…ಪ್ರೀತಿಗೂ ಒಂದು ಕೈ ದೋಸ್ತಿ ಜಾಸ್ತಿ ಕಣೋ… ಹೀಗಂತ ಚಿರು ಹಾಗೂ ಪನ್ನಗ ಇಬ್ಬರು ಜೊತೆಯಾಗಿ ಹಾಡ್ತಿದ್ದರು. ಬರೀ ಹಾಡಿಗಷ್ಟೇ ಸೀಮಿತವಾಗದೇ ಹಾಗೆಯೇ ಬಾಳಿಬದುಕಿದರು. ಜೀವದ ಗೆಳೆಯರಾಗಿದ್ದ ಇವರಿಬ್ಬರ ನಡುವೆ ಒಡಹುಟ್ಟಿದ ಅಣ್ತಮ್ಮರಂತಹ ಬಾಂಧವ್ಯ- ಪ್ರೀತಿ ಹಾಗೂ ಒಡನಾಟವಿತ್ತು. ಗೆಳೆತನವನ್ನು ಹಾಗೂ ಸಹೋದರತ್ವವನ್ನು ಜೋಪಾನವಾಗಿ ಕಾಪಾಡಿಕೊಂಡು ಬಂದ ಚಿರು ಹಾಗೂ ಪನ್ನಗರನ್ನ ನೋಡಿದವರು ಇದ್ದರೇ ಇವರಂತಹ ಸ್ನೇಹಿತರಿರಬೇಕು ಅಂತ ಕೊಂಡಾಡುತ್ತಿದ್ದರು. ಹೀಗಿರುವಾಗಲೇ ವಾಯುಪುತ್ರ ಚಿರು ಏಕಾಏಕಿ ಉಸಿರು ಚೆಲ್ಲಿದರು. ಮುಂದೆಂದೂ ತಿರುಗಿ ಬಾರದ ಲೋಕಕ್ಕೆ ಹೊರಟೇಹೋದರು. ಈ ಕ್ಷಣಕ್ಕೂ, ಯುವಸಾಮ್ರಾಟ ಚಿರು ಇಲ್ಲದ ಕ್ಷಣವನ್ನ ಅವರ ಕುಟುಂಬಕ್ಕೆ ಊಹಿಸಿಕೊಳ್ಳೋದಕ್ಕೆ ಸಾಧ್ಯವಾಗಲ್ಲ. ಆದರೆ, ಜೂನಿಯರ್ ಚಿರು ಬಂದ ಘಳಿಗೆಯಿಂದ ಮರಿ ಯುವಸಾಮ್ರಾಟನ ಕಣ್ಣಲ್ಲಿ, ನಗುವಲ್ಲಿ ಚಿರುನಾ ಕಾಣುವುದಕ್ಕೆ ಅವಕಾಶ ಸಿಕ್ಕಿದೆ. ಸರ್ಜಾ ಕುಟುಂಬ ಮಾತ್ರವಲ್ಲ ಇಡೀ ಕರುನಾಡು ಜೂನಿಯರ್ ರಾಜಮಾರ್ತಾಂಡನ ಮೊಗದಲ್ಲಿ ಚಿರಂಜೀವಿ ಸರ್ಜಾರನ್ನ ನೋಡ್ತಿದ್ದಾರೆ.
ಹೊಡಿರೀ ಹಲಗಿ ಎನ್ನಬೇಕೋ? ಹಚ್ಚಿ ಪಟಾಕಿ ಅಂತ ಹೇಳಬೇಕೋ ಗೊತ್ತಿಲ್ಲ, ಆದರೆ ‘ಅರ್ವಿಯಾ’ ಹಂಚಿಕೊಂಡಿರುವ ಈ ವಿಶೇಷ ಸುದ್ದಿಯನ್ನ ನಿಮ್ಮೊಟ್ಟಿಗೆ ಹಂಚಿಕೊಳ್ಳಲೆಬೇಕು. ಬಿಗ್ ಬಾಸ್ ಸೀಸನ್ 8 ರ ಸ್ಪರ್ಧಿಗಳು, ಕ್ಯೂಟ್ ಜೋಡಿಯಾಗಿ ಕರುನಾಡಿನ ಅಂಗಳದಲ್ಲಿ ಮೆರವಣಿಗೆ ಹೊರಟವರು, ಅಭಿಮಾನಿ ದೇವರುಗಳಿಂದ ‘ಅರ್ವಿಯಾ ‘ ಅಂತ ನಾಮಕರಣ ಮಾಡಿಸಿಕೊಂಡವರು ಅರವಿಂದ್ ಕೆ.ಪಿ ಹಾಗೂ ದಿವ್ಯಾ ಉರುಡುಗ.
ಬಿಗ್ ಬಾಸ್ ಅಂಗಳಕ್ಕೆ ಕಾಲಿಡುವಾಗ ಅಪರಿಚಿತರಾಗಿದ್ದರು. ಅದೇ ದೊಡ್ಮನೆಯಿಂದ ಹೊರಬರುವಷ್ಟರಲ್ಲಿ ಒಬ್ಬರಿಗೊಬ್ಬರು ಬಿಟ್ಟಿರಲಾರದಷ್ಟು ಹತ್ತಿರವಾದರು.ಕೆಲವರ ಕಣ್ಣಲ್ಲಿ ಬೆಸ್ಟ್ ಫ್ರೆಂಡ್ಸ್ ನಂತೆ ಸುಳಿದಾಡಿದರು.ಇನ್ನೂ ಕೆಲವರ ಕಣ್ಣಲ್ಲಿ ಪ್ರಣಯ ಪಕ್ಷಿಗಳಂತೆ ನಲಿದಾಡಿದರು. ಹೀಗಾಗಿ, ಇವರಿಬ್ಬರ ನಡುವಿರುವುದು ಸ್ನೇಹಾನೋ ಪ್ರೀತಿನೋ ಎನ್ನುವುದಕ್ಕೆ ಇನ್ನೂ ಕ್ಲ್ಯಾರಿಟಿ ಸಿಕ್ಕಿಲ್ಲ. ಅಷ್ಟರಲ್ಲಿ ಈ ಜೋಡಿ ಬಿಗ್ ಬಾಸ್ ಪಯಣ ಶುರು ಮಾಡಿ ಆರು ತಿಂಗಳು ಉರುಳಿವೆ. ಆ ಖುಷಿ ಹಾಗೂ ಸಂತೋಷವನ್ನ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಬಿಗ್ ಬಾಸ್ ರನ್ನರ್ ಅಪ್ಅರವಿಂದ್ ಕೆಪಿ ಸ್ಪೆಷಲ್ ಸಿಕ್ಸ್ ಅಂತ ಬರೆದುಕೊಂಡು ಮೂರು ಯೆಲ್ಲೋ, ಮೂರು ಬ್ಲಾಕ್ ಹಾರ್ಟ್ ಸಿಂಬಲ್ ಹಾಕಿಕೊಂಡಿದ್ದಾರೆ. ಇನ್ನೂ ದಿವ್ಯಾ ಉರುಡುಗ ಕೂಡ ಟ್ವೀಟ್ ಮಾಡಿದ್ದು ಆರು ತಿಂಗಳು ಹಂಗೇ ಕಳೆದೋಗಿದೆ ಇನ್ನೂ ಬಹುದೂರ ಹೋಗಬೇಕಿದೆ.ಪ್ರೀತಿಯಿರಲಿ ಎಂದಿದ್ದಾರೆ. ಕ್ಯೂಟಿ ಪೈ ದಿವ್ಯಾ ಒಂದು ಯೆಲ್ಲೋ ಹಾಗೂ ಒಂದು ಬ್ಲಾಕ್ ಹಾರ್ಟ್ ಕೊಟ್ಟಿದ್ದಾರೆ. ಅರವಿಂದ್ ಗಿಂತ ಕಮ್ಮಿ ಹಾರ್ಟ್ ಹಾಕಿ ಕಂಜೂಸ್ ಮಾಡಿದ್ದಾರೆ ದಿವ್ಯಾ ಮೇಡಂ.
ಅರ್ವಿಯಾ ಜೋಡಿಯ ಈ ಆರು ತಿಂಗಳ ಪಯಣವನ್ನ ಬರೀ ಅರವಿಂದ್ ಹಾಗೂ ದಿವ್ಯಾ ಮಾತ್ರ ಸಂಭ್ರಮಿಸಿಲ್ಲ, ಬದಲಾಗಿ ಇವರಿಬ್ಬರ ಫ್ಯಾನ್ಸ್ ಕೂಡ ಹಬ್ಬದಂತೆ ಸಂಭ್ರಮಿಸಿದ್ದಾರೆ. ಕಾಮನ್ ಡಿಪಿ ರಿಲೀಸ್ ಮಾಡಿ ತಮ್ಮ ಫೀಲಿಂಗ್ಸ್ ನ ಶೇರ್ ಮಾಡಿಕೊಂಡು ಅರ್ವಿಯಾ ಜೋಡಿನಾ ಸೋಷಿಯಲ್ ಲೋಕದಲ್ಲಿ ಹೊತ್ತು ಮೆರೆಸುತ್ತಿದ್ದಾರೆ. ಅರ್ವಿಯಾ ಕೇವಲ ಹೆಸರಲ್ಲ , ಅದೊಂದು ಎಮೋಷನ್ಸ್ ಅಂತೆಲ್ಲಾ ಭಾವುಕರಾಗಿ ಗೀಚುತ್ತಿದ್ದಾರೆ.
ಫ್ಯಾನ್ಸ್ ಸಮೂಹದಲ್ಲಿ ಕೆಲವರು ಅರ್ವಿಯಾ ಜೋಡಿ ಫ್ರೆಂಡ್ಸಾಗಿರಲಿ ಅಂತ ಹೇಳಿಕೊಂಡ್ರೆ, ಇನ್ನೂ ಕೆಲವರು ರಿಯಲ್ ಲೈಫ್ ನಲ್ಲಿ ಇವರಿಬ್ಬರು ಒಂದಾಗಬೇಕು ಅಂತ ಆಸೆಪಡ್ತಿದ್ದಾರೆ. ಅರ್ಧವರ್ಷ ಬಿಗ್ ಬಾಸ್ ಜರ್ನಿ ಕಂಪ್ಲೀಟ್ ಮಾಡಿರುವ ಅರವಿಂದ್ ಹಾಗೂ ದಿವ್ಯಾ ಜೀವನಪೂರ್ತಿ ಜೊತೆಯಾಗಿ ಬದುಕಬೇಕು ಅಂತ ಇಂಗಿತ ವ್ಯಕ್ತಪಡಿಸ್ತಿದ್ದಾರೆ. ಅಷ್ಟಕ್ಕೂ ಅರ್ವಿಯಾ ಜೋಡಿ ನಡುವೆ ಇರುವುದು ಸ್ನೇಹಾನೋ- ಪ್ರೀತಿನೋ ಗೊತ್ತಿಲ್ಲದೇ ಇರೋದ್ರಿಂದ ಅರವಿಂದ್ ಹಾಗೂ ದಿವ್ಯಾ ಉರುಡುಗ ಅವರಿಗೆ ಯಾವಾಗ ಫ್ಯಾನ್ಸ್ ಆಸೆ ಈಡೇರಿಸ್ತೀರಾ ಅಂತ ಕೇಳೋದು ಕಷ್ಟ. ಹೀಗಾಗಿ, ಅವರಿಬ್ಬರೇ ಅನೌನ್ಸ್ ಮಾಡುವರೆಗೆ ಕಾಯಬೇಕು.ಅಲ್ಲಿವರೆಗೂ ಬೊಂಬಾಟ್ ಜೋಡಿಯ ಬಿಗ್ ಬಾಸ್ ಕ್ಲಿಪಿಂಗ್ಸ್ ನೋಡಿಕೊಂಡು ಎಂಜಾಯ್ ಮಾಡಿ
ನಂಗೆ ಬಾಯಲ್ಲಿ ಒಂದಷ್ಟು ಪದಬರ್ತವೆ ಆದ್ರೆ, ಅದೆಲ್ಲ ಹೇಳೋದಿಕ್ಕೆ ಆಗೋದಿಲ್ಲ. ವ್ಯವಸ್ಥೆ ಬಗ್ಗೆ ಅಷ್ಟು ಸಿಟ್ಟು ಬರುತ್ತೆ….!
ಬಿಗ್ ಬಾಸ್ ಖ್ಯಾತಿಯ ನಟಿ ಮೇಘಶ್ರೀ ಹೀಗೆ ಆಕ್ರೋಶ ವ್ಯಕ್ತಪಡಿಸಿದ್ದು ಮೈಸೂರು ಘಟನೆಯ ವಿರುದ್ಧ. ಹೌದು, ಮೈಸೂರಿನಲ್ಲಿ ನಡೆದ ಗ್ಯಾಂಗ್ ರೇಪ್ ಪ್ರಕರಣಕ್ಕೆ ಸ್ಯಾಂಡಲ್ ವುಡ್ ಕೂಡ ಬೆಚ್ಚಿ ಬಿದ್ದಿದೆ. ಒಂದೆಡೆ ಗ್ಯಾಂಗ್ ರೇಪ್ ಪ್ರಕರಣದ ಬೆನ್ನಲೇ ಮೈಸೂರು ವಿಶ್ವ ವಿದ್ಯಾಲಯವೂ ವಿವಿ ಆವರಣದಲ್ಲಿ ವಿದ್ಯಾರ್ಥಿನಿಯರು ಸಂಜೆ 6.30 ರ ನಂತರ ಹೊರಗಡೆ ತಿರುಗಾಡುವಂತಿಲ್ಲ ಎಂದು ಆದೇಶಹೊರಡಿಸಿದ್ದು, ಇದು ಭಾರೀ ವಿರೋಧಕ್ಕೆ ಮಾಡಿಕೊಟ್ಟಿದೆ. ಅತ್ಯಾಚಾರ ನಡೆಯುತ್ತೆ, ಹೊರಗೆ ಹೋಗ್ಬೇಡಿ ಅಂತ ರೂಲ್ಸ್ ಮಾಡುವ ಮಹಿಳೆಯನ್ನು ಕಟ್ಟಿ ಹಾಕುವ ಹುನ್ನಾರ ನಡೆದಿದೆ. ಇದು ಖಂಡನೀಯ ಎಂದು ಹಲವು ನಟಿಯರು ರಿಯಾಕ್ಟ್ ಮಾಡಿದ್ದಾರೆ. ಅದೇ ರೀತಿ ನಟಿ ಮೇಘಶ್ರೀ ‘ಸಿನಿಲಹರಿ’ಯೊಂ ದಿಗೆ ಮಾತನಾಡುತ್ತಾ, ಮೈಸೂರು ಘಟನೆಯ ವಿರುದ್ಧ ಕೆಂಡಕಾರಿದರು. ಇಂತಹ ಕ್ರೂರಿಗಳಿಗೆ ಕಠಿಣ ಶೀಕ್ಷೆ ಆಗಬೇಕೆಂದು ಆಗ್ರಹಿಸಿದರು. ಹಾಗೆಯೇ ಮೈಸೂರು ವಿಶ್ವ ವಿದ್ಯಾಲಯದ ಆದೇಶದ ವಿರುದ್ಧವೂ ಹರಿಹಾಯ್ದರು.
‘ಹೆಣ್ಣು ಮಕ್ಕಳಿಗೆ ಒಂದು ಮಾತು ಹೇಳೋದಿಕ್ಕೆ ಇಷ್ಟ ಪಡುತ್ತೇನೆ, ದಯವಿಟ್ಟು ನೀವು ಸೇಪ್ ಆಗಿರಿ. ಯಾಕಂದ್ರೆ ಇಂಡಿಯಾದಲ್ಲಿ ಹೆಣ್ಮುಕ್ಕಳು ಸೇಪ್ ಇಲ್ಲ. ಅಟ್ ದ ಸೇಮ್ ಟೈಮ್, ರೇಪಿಸ್ಟ್ ಗಳಿಗೂ ಇಲ್ಲಿ ಸರಿಯಾದ ಶಿಕ್ಷೆ ಇಲ್ಲ. ಕಠಿಣ ಶಿಕ್ಷೆ ಇದಿದ್ದರೆ, ಇದೆಲ್ಲ ಆಗ್ತಿರಲಿಲ್ಲ. ನೀವೇ ನೋಡಿ, ಕೆಲವು ವರ್ಷಗಳ ಹಿಂದೆ ದೆಹಲಿಯಲ್ಲಿ ಒಂದು ಘಟನೆ ನಡೆಯಿತು. ಸಿಟಿ ಬಸ್ ನಲ್ಲಿಯೇ ಒಂದು ಹುಡುಗಿ ಮೇಲೆ ರೇಪ್ ನಡೆಯಿತು. ಆದಾದ ಮೇಲೆ ಏನಾಯ್ತು, ಈ ಪ್ರಕರಣ ದೊಡ್ಡಾಗಿ ಸುದ್ದಿ ಆಯ್ತು, ದೇಶದಲ್ಲಿ ಪ್ರತಿಭಟನೆ ನಡೆದವು. ಅದಕ್ಕೋಸ್ಕರ ಕೆಲವರನ್ನು ಹಿಡಿದ್ರು. ಅಲ್ಲಿಂದ ಅವರನ್ನು ಒಂದಷ್ಟು ವರ್ಷಗಳ ಕಾಲ ಅತ್ಯಾಚಾರ ಮಾಡಿದವರನ್ನು ಜೈಲಿಗೆ ಕಳುಹಿಸಿ, ಒಂದಷ್ಟು ಅವರಿಗೆ ಸೌಲಭ್ಯ ಕೊಟ್ಟು, ಒಂದಷ್ಟು ಸಾರ್ವಜನಿಕರ ಹಣ ಖರ್ಚು ಮಾಡಿ ಕೊನೆಗೆ ಗಲ್ಲಿಗೆ ಹಾಕಿದ್ರು. ಇಷ್ಟು ನಿಧಾನಗತಿಯ ಪ್ರಕ್ರಿಯೆಯವೇ ಇಷ್ಟೆಲ್ಲ ಅವಾಂತರಕ್ಕೆ ಕಾರಣ. ಕ್ರೂರಿಗಳಿಗೆ ಕಠಿಣ ಶಿಕ್ಷೆ ಅಂತ ಇದಿದ್ದರೆ, ಮಹಿಳೆಯರ ಮೇಲೆ ಇಂತಹ ಅಮಾನುಷ ಘಟನೆಗಳು ನಡೆಯುತ್ತಿರಲಿಲ್ಲ ಎಂದರು ನಟಿ ಮೇಘಶ್ರೀ.
ಆರು ಗಂಟೆಯ ಮೇಲೆ ವಿದ್ಯಾರ್ಥಿನಿಯರು 6.30 ಮೇಲೆ ಹೊರಗಡೆ ಹೋಗಬಾರದು ಅಂದ್ರೆ ಅದರರ್ಥ ಏನು? ಇವ್ರೆಲ್ಲ ಯಾವ್ ಥರ ಯೋಚ್ನೆ ಮಾಡುತ್ತಾರೋ ನಂಗೆ ಅರ್ಥವೇ ಆಗುತ್ತಿಲ್ಲ. ನಿಮ್ಮ ಪ್ರಕಾರ ಬೆಳಗ್ಗೆ ಹೊತ್ತು ಹುಡುಗಿಯರಮೇಲೆ ರೇಪ್ ಕೇಸ್ ನಡೆದಿಲ್ಲವೇ? ಚಿಕ್ಕ ಚಿಕ್ಕ ಮಕ್ಕಳ ಮೇಲೆಯೇ ರೇಪ್ ಆಗಿದೆ. ಹಂಗಂದ್ರೆ ಹೆಣ್ಣು ಮಕ್ಕಳು ಎಲ್ಲಿಗೂ ಹೋಗಬಾರದು ಅಂತನಾ? ನೀವೆಲ್ಲ ಯಾವ ಥರ ಯೋಚ್ನೆ ಮಾಡ್ತಿರೋ ಅರ್ಥ ಆಗ್ತಿಲ್ಲ. ನಂಗೆ ಬಾಯಲ್ಲಿ ಒಂದಷ್ಟು ಪದ ಬರ್ತವೆ ಆದ್ರೆ ಅದೆಲ್ಲ ಹೇಳಿದ್ರೆ ನಾವೇ ಸಣ್ಣವರಾಗ್ತೀವಿ, ಅದಿಲ್ಲ ಬೇಡ, ಮಹಿಳೆಯನ್ನು ರಕ್ಷಣೆ ಮಾಡಬೇಕಾದವರು ನೀವು, ನೀವು ಜವಾಬ್ದಾರಿಗಳನ್ನು ಮರೆತು ಹೆಣ್ಣು ಮಕ್ಕಳದ್ದೇ ತಪ್ಪು, ಅವರು ಎಲ್ಲಿಗೂ ಹೋಗಬಾರದು ಅಂತೆಲ್ಲ ಮಾತನಾಡುತ್ತಾ ಹೊರಟರೆ ಮಹಿಳೆಯರನ್ನು ಇದು ಕಟ್ಟಿ ಹಾಕುವ ಹುನ್ನಾರವೇ ಅಲ್ಲವೇ? ಹೆಣ್ಣು ಮಕ್ಕಳು ಎಲ್ಲಿಗೆ ಹೋಗಬಾರದು ಅಂತ ಹೇಳ್ತಾರೆ ಅಂದ್ರೆ, ಅವರು ಹೋದ್ರೆ ರೇಪ್ ಆಗುತ್ತೆ ಅಂತನಾ? ಹಾಗೆ ಅಲ್ವಾ ಇವ್ರ ಮಾತು? ಎನ್ನುತ್ತಾ ಖಾರವಾಗಿ ಪ್ರಶ್ನಿಸಿದರು ನಟಿ ಮೇಘಶ್ರೀ.
