ಸಿನಿಮಾ ರಿಲೀಸ್ ಗೂ ಮೊದಲೇ ನಿರ್ಮಾಪಕದ್ವಯರಾದ ಕಾರ್ತಿಕ್ ಗೌಡ ಹಾಗೂ ಯೋಗಿ ಜಿ ರಾಜ್, ನಾಯಕ ದಿಗಂತ್ ಹಾಗೂ ಇಡೀ ತಂಡದಿಂದ ಟೆಂಪಲ್ ರನ್ ಮಾಡಿದೆ.
ಮೈಸೂರಿನ ಚಾಮುಂಡಿ ದೇವಿ, ಶ್ರೀರಂಗಪಟ್ಟಣದ ನಿಮಿಷಾಂಬ ದೇವಿ ಹಾಗೂ ಕಾರ್ತಿಕ್ ಗೌಡ ಹುಟ್ಟೂರು ಕೊಡಗಳ್ಳಿ ರಾಮಗಿರಿ ಅಮ್ಮನ ದರ್ಶನ ಪಡೆದು ಗೆಲುವಿಗಾಗಿ ಆಶೀರ್ಚಿವಾದ ಪಡೆದಿದೆ ಚಿತ್ರತಂಡ.
ಆಗಸ್ಟ್ 23ಕ್ಕೆ ಸಿನಿಮಾ ರಾಜ್ಯಾದ್ಯಂತ ತೆರೆಗೆ ಬರುತ್ತಿದೆ. ಈ ಹಿಂದೆ ಗುಲ್ಟು ನಿರ್ದೇಶಿಸಿದ್ದ ಜನಾರ್ದನ್ ಚಿಕ್ಕಣ್ಣ ಈ ಸಿನಿಮಾದ ನಿರ್ದೇಶಕ. ಕಾರ್ತಿಕ್ ಗೌಡ, ಯೋಗಿ ಜಿ. ರಾಜ್, ವಿಜಯ್ ಸುಬ್ರಹ್ಮಣ್ಯಂ ನಿರ್ಮಾಣದ ಸಿನಿಮಾವಿದು.
ಸದ್ಯ ದೇವರ ಮೊರೆ ಹೋಗಿರುವ ಸಿನಿಮಾ ತಂಡ ಗೆಲುವಿಗೆ ಬಲವಾಗಿ ಪ್ರಾರ್ಥಿಸಿದೆ. ಚಿತ್ರಮಂದಿರಕ್ಕೆ ಜನರೇ ಬರುತ್ತಿಲ್ಲ ಎಂಬ ಕೂಗು ಇತ್ತು. ಈಗ ಒಂದಷ್ಟು ಸಿನಿಮಾ ಮಂದಿ ಮೊಗದಲ್ಲಿ ಮಂದಹಾಸ ಮೂಡಿದೆ. ಒಳ್ಳೆಯ ಸಿನಿಮಾಗಳನ್ನು ಕೊಟ್ಟರೆ ಖಂಡಿತ ಜನ ಚಿತ್ರಮಂದಿರದತ್ತ ಮುಖ ಮಾಡುತ್ತಾರೆ ಎಂಬುದಕ್ಕೆ ಕೃ಼ಷ್ಣಂ ಪ್ರಣಯ ಸಖಿ ಹಾಗು ಭೀಮ ಸಿನಿಮಾಗಳು ಸಾಬೀತುಪಡಿಸಿವೆ.
