ನಟ ಸುದೀಪ್ ಫ್ಯಾನ್ಸ್ ರೆಡಿ ಆಗಿದ್ದಾರೆ. ಈ ಬಾರಿ ತಮ್ಮ ನೆಚ್ಚಿನ ಕಿಚ್ಚ ಸುದೀಪ್ ಅವರ ಹುಟ್ಟು ಹಬ್ಬವನ್ನು ತುಂಬಾ ಡಿಫೆರೆಂಟ್ ಆಗಿ ಆಚರಿಸಲು ಸಿದ್ಧತೆ ನಡೆಸಿದೆ. ಅದು ಹೇಗೆ? ಇಲ್ಲಿದೆ ಫುಲ್‌ ಡಿಟೈಲ್ಸ್.
ಬಾದ್ ಷಾ ಎಷ್ಟು ಬ್ರಿಲಿಯಂಟ್ ಅಷ್ಟೇ ಕ್ಲೆವರ್ ಅವರ ಫ್ಯಾನ್ಸ್ ಅನ್ನೋದು ಮತ್ತೊಮ್ಮೆ ಪ್ರೂ ಆಗಿದೆ. ಕೊರೊನಾ ಅಟ್ಟಹಾಸ ಇನ್ನೂ ಕಮ್ಮಿಯಾಗದ ಕಾರಣ ಈ ವರ್ಷವೂ ಬರ್ತ್ ಡೇ ಆಚರಣೆ ಬೇಡ ಅಂತ ಕಿಚ್ಚ ಸುದೀಪ್ ಹೇಳುವ ಮೊದಲೇ ಅವರ ಅಭಿಮಾನಿಗಳು ಅರ್ಥ ಮಾಡಿಕೊಂಡಿದ್ದಾರೆ. ಗುಂಪು ಸೇರುವುದು ಬೇಡ, ಸರ್ಕಾರದ ನೀತಿ ನಿಯಮವನ್ನೂ ಉಲ್ಲಂಘಿಸುವುದು ಬೇಡ ಅಂತ ತೀರ್ಮಾನಕ್ಕೆ ಬಂದಿರುವ ಸಕಲ ಅಭಿಮಾನಿಗಳು ಮಾಣಿಕ್ಯನೇ ಹೆಮ್ಮೆ ಪಡುವಂತಹ ಕೆಲಸಕ್ಕೆ ಕೈಹಾಕಿದ್ದಾರೆ.
ನವೀನ್ ಗೌಡ, ಜಗದೀಶ್ ಜಗ್ಗಿ
ಶಾಂತಿ ನಿವಾಸದ ಮುಂದೆ ಜಮಾಯಿಸೋಕೆ ಆಗಲ್ಲ, ಸಾಗರೋ ಪಾದಿಯಲ್ಲಿ ಜನ ಸೇರುವುದಕ್ಕೆ ಸರ್ಕಾರ ಪರ್ಮಿಷನ್ ಕೊಡಲ್ಲ. ದೀಪಣ್ಣನ ಹುಟ್ಟುಹಬ್ಬವನ್ನು ಆಚರಣೆ ಮಾಡೋದಕ್ಕೆ ಅವಕಾಶ ಸಿಗಲ್ಲ. ಹಾಗಂತ, ಕೈಕಟ್ಟಿ ಕೂರೋದಕ್ಕೆ ಆಗುತ್ತಾ? ನೋ ವೇ ಚಾನ್ಸೇ ಇಲ್ಲ ಎಂದ ಬಾದ್ ಷಾ ಬಳಗ ಕರುನಾಡಿನ ತುಂಬೆಲ್ಲಾ ಡಿಫೆರೆಂಟ್ ಆಗಿಮಾಣಿಕ್ಯನ ಹುಟ್ಟುಹಬ್ಬ ಆಚರಣೆ ಮಾಡಬೇಕು ಅಂತ ನಿರ್ಧಾರ ಮಾಡಿದ್ದಾರೆ. ಜಿಲ್ಲೆ,ತಾಲೂಕು ಮಾತ್ರವಲ್ಲ ಪ್ರತಿ ಹಳ್ಳಿಯಲ್ಲೂ ರನ್ನ ಭೂಮಿಗೆ ಬಂದ ದಿನವನ್ನು ಸಂಭ್ರಮಿಸುವುದಕ್ಕೆ ಸಿದ್ದತೆ ಮಾಡಿಕೊ ಳ್ಳುತ್ತಿದ್ದಾರೆ.
ಕೋಟಿಗೊಬ್ಬ ಕಿಚ್ಚನ ಜನ್ಮದಿನವನ್ನು ಪ್ರತಿವರ್ಷ ಅವರ ಫ್ಯಾನ್ಸ್ ಅದ್ದೂರಿಯಾಗಿ ಸೆಲಬ್ರೇಟ್ ಮಾಡ್ತಾರೆ. ದಸರಾ ಹಾಗೂ ದೀಪಾವಳಿ ಹೀಗೆ ಇರುತ್ತೆ ಅಂತ ಜಡ್ಜ್ ಮಾಡಬಹುದು ಆದರೆ ವೀರಮದಕರಿಯ ಬರ್ತ್ ಡೇ ಹೀಗೆ ಇರುತ್ತೆ ಅಂತ ಜಡ್ಜ್ ಮಾಡೋದಕ್ಕೆ ಆಗಲ್ಲ. ಯಾಕಂ ದ್ರೆ ದೀಪಣ್ಣನ ಫ್ಯಾನ್ಸ್ ನಿರೀಕ್ಷೆಗೂ ಮೀರಿದ ಪ್ರಿಪ್ರೇಷನ್ ಮಾಡಿಕೊಂ ಡಿರ್ತಾರೆ. ಹಳ್ಳಿ ಹಳ್ಳಿಯಲ್ಲಿ ಈ ಭಾರಿ ಯಾವ ರೀತಿ ಆಚರಣೆ ಮಾಡ್ತಾರೋ ಗೊತ್ತಿಲ್ಲ. ಆದರೆ, ಹಸಿದವರಿಗೆ-ನೊಂದವರಿಗೆ- ಕಷ್ಟದಲ್ಲಿರುವವರಿಗೆ ನೆರವಾಗುವುದಂತೂ ಸತ್ಯ.ಈ ಬಗ್ಗೆ ಕಿಚ್ಚನ ಅಭಿಮಾನಿ ಸಂಘದ ಮುಖ್ಯ ಅಧ್ಯಕ್ಷರಾಗಿರುವ ನವೀನ್ ಹಾಗೂ ಜಗದೀಶ್ ಈಗಾಗಲೇ ಸೋಷಿಯಲ್ ಮೀಡಿಯಾ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ.
ಸಿನಿಮಾದಿಂದ ಸಿನಿಮಾಗೆ ತನ್ನ ಅಭಿಮಾನಿಗಳಿಗೆ ಕಿಚ್ಚ ಸಪ್ರೈಸ್ ಕೊಡ್ತಾರೆ. ಅದರಂತೇ ತಮ್ಮ ಬಾಸ್ ಗೋಸ್ಕರ ಫ್ಯಾನ್ಸ್ ಕೂಡ ಸ್ಪೆಷಲ್ ಗಿಫ್ಟ್ ಕೊಡುವುದರಲ್ಲಿ ಹಿಂದೆ ಬಿದ್ದಿಲ್ಲ. ಪ್ರತಿವರ್ಷ ಆರಾಧಕ ಸುದೀಪ್ ಹುಟ್ಟುಹಬ್ಬದಂದು ಫ್ಯಾನ್ಸ್ ಕಾಮನ್ ಡಿಪಿ ಡಿಸೈನ್ ಮಾಡಿಸ್ತಾರೆ. ವಿಶೇಷ ಅತಿಥಿ ಕಡೆಯಿಂದ ಸಿಡಿಪಿ ರಿಲೀಸ್ ಮಾಡ್ಸಿ ಮಾಣಿಕ್ಯನಿಗೆ ಸಪ್ರೈಸ್ ಕೊಡ್ತಾರೆ. ಈ‌ಭಾರಿ ಕ್ರಿಕೆಟ್ ದಿಗ್ಗಜ ಅನಿಲ್‌ಕುಂಬ್ಳೆ ಅವ್ರಿಂದ ಕಾಮನ್ ಡಿಪಿ ಬಿಡುಗಡೆ ಮಾಡಿಸಲಿದ್ದಾರೆ. ಆಗಸ್ಟ್ 21 ರಂದು ಸೋಷಿಯಲ್ ಲೋಕದಲ್ಲಿ ಬಿಡುಗಡೆಯಾಗಲಿದ್ದು ವಿಕ್ರಾಂತ್ ರೋಣನ ಕಾಮನ್ ಡಿಪಿ ಟ್ರೆಂಡ್ ಆಗಲಿದೆ.
ಅಭಿನಯ ಚಕ್ರವರ್ತಿಯ ಹುಟ್ಟುಹಬ್ಬಕ್ಕೆ 12 ದಿನಗಳು ಬಾಕಿಯಿವೆ. ಸೆಪ್ಟೆಂಬರ್ 2 ರಂದು 49 ವರ್ಷ ಪೂರೈಸಲಿರುವ ಬಾದ್ ಷಾ, 50 ನೇ ವಸಂತಕ್ಕೆ ಕಾಲಿಡಲಿದ್ದಾರೆ. ದಸರಾ- ದೀಪಾವಳಿಯಷ್ಟೇ ರಂಗುರಂಗಾಗಿ ಬಚ್ಚನ್ ಬರ್ತ್ ಡೇ ನಡೆಯಲಿದೆ. ಮಾಣಿಕ್ಯ ಹೆಮ್ಮೆ ಪಡುವಂತಹ ಕೆಲಸ ಕಾರ್ಯಗಳಿಗೆ ಅಭಿಮಾನಿ ದೇವರುಗಳು ಚಾಲನೆ ಕೊಡ್ತಾರೆ. ಇಡೀ ಸ್ಯಾಂಡಲ್ ವುಡ್ ತಿರುಗಿ ನೋಡುವ ಕೆಲಸ ಮಾಡ್ತಾರೆ. ಸೋ ಸೆಪ್ಟೆಂಬರ್ 2 ರವರೆಗೂ ವೇಯ್ಟ್ ಅಂಡ್ ಸೀ.
- ವಿಶಾಲಾಕ್ಷಿ, ಎಂಟರ್ ಟೈನ್ಮೆಂಟ್ ಬ್ಯೂರೋ ಸಿನಿಲಹರಿ
