“ಕೆಂಡ ಸಂಪಿಗೆ” ಹುಡುಗ ವಿಕ್ಕಿ ವರುಣ್ ಅವರು ಹೊಸ ಚಿತ್ರ “ಕಾಲಾಪತ್ಥರ್” ಅನೌನ್ಸ್ ಮಾಡಿದ್ದು ಗೊತ್ತೇ ಇದೆ. ಈ ಚಿತ್ರಕ್ಕೆ ನಾಯಕಿ ಯಾರು ಎಂಬುದನ್ನು ಚಿತ್ರತಂಡ ಗೌಪ್ಯವಾಗಿಟ್ಟಿತ್ತು. ಈಗ ತಂಡ ನಾಯಕಿ ಯಾರೆಂಬುದನ್ನು ಹೇಳಿದೆ. ಹೌದು, “ಕಾಲಾಪತ್ಥರ್” ಚಿತ್ರಕ್ಕೆ ‘ಅಪೂರ್ವ’ ಆಯ್ಕೆಯಾಗಿದ್ದಾರೆ. ಅಪೂರ್ವ ಅವರು ಈ ಹಿಂದೆ ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರ “ಅಪೂರ್ವ” ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಯಾಗಿದ್ದರು. ಅದಾದ ಬಳಿಕ “ವಿಕ್ಟರಿ 2” ಚಿತ್ರದಲ್ಲೂ ಅಪೂರ್ವ ನಟಿಸಿದ್ದರು. ಈಗ ವಿಕ್ಕಿ ವರುಣ್ ಅವರಿಗೆ “ಕಾಲಪತ್ಥರ್” ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.
ಅಂದಹಾಗೆ, “ಕಾಲಾಪತ್ಥರ್” ಚಿತ್ರದ ಟೈಟಲ್ ಲಾಂಚ್ ಆದ ದಿನವೇ ಒಂದಷ್ಟು ಗೊಂದಲವಾಗಿತ್ತು. ಆ ಶೀರ್ಷಿಕೆ ಕಾಂಟ್ರೋವರ್ಸಿಯೂ ಆಗಿತ್ತು. ಟೈಟಲ್ ಗೆ ಬೆಂಗಳೂರಿನ ಮಾಜಿ ರೌಡಿಯೊಬ್ಬರು ಆಕ್ಷೇಪಣೆ ಎತ್ತಿದ್ದಾರೆನ್ನುವ ಸುದ್ದಿ ಇತ್ತು. ಆದರೆ, ಅದು ನಿಜಾನ? ಅನ್ನೋದು ಕನ್ಫರ್ಮ್ ಇರಲಿಲ್ಲ. ಆದರೆ ಹಾಗೊಂದು ಸುದ್ದಿ ಗಾಂಧಿನಗರದಲ್ಲಿ ಹರಿದಾಡಿದ್ದಂತೂ ನಿಜ. ಟೈಟಲ್ಗೆ ಆಕ್ಷೇಪ ಎತ್ತಿ ಮಾಜಿ ರೌಡಿಯೊಬ್ಬರು ಚಲನಚಿತ್ರ ವಾಣಿಜ್ಯ ಮಂಡಳಿಗೆ ದೂರು ನೀಡಿದ್ದಾರಂತೆ.
ತಮ್ಮದೇ ಬಯೋಗ್ರಪಿ ಎತ್ತಿಕೊಂಡು ಕೆಲವರು ಸಿನಿಮಾ ಮಾಡುತ್ತಿದ್ದಾರೆ. ಇದಕ್ಕೆ ಅವಕಾಶ ಕೊಡಬಾರದು ಎಂಬುದಾಗಿ ಅವರು ದೂರು ಸಲ್ಲಿಸಿದ್ದರಂತೆ ಎಂಬುದಾಗಿ ಸುದ್ದಿ ಇತ್ತು. ಆದರೆ ಈ ಕುರಿತು ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯೇ ಸ್ಪಷ್ಟಪಡಿಸಿದ್ದು, ಆ ರೀತಿಯ ಯಾವುದೇ ದೂರು ಬಂದಿಲ್ಲ ಎಂದಿತ್ತು. ಅದೇನೆ ಇರಲಿ, ವಿಕ್ಕಿ ವರುಣ್ ಅಭಿನಯದ “ಕಾಲಾ ಪತ್ಥರ್ʼ ಚಿತ್ರ ಸದ್ಯ ಸುದ್ದಿ ಮಾಡುತ್ತಿದೆ. ಚಿತ್ರದ ಶೀರ್ಷಿಕೆಯೇ ಮಾಸ್ ಆಗಿದೆ. ಕಥೆ ಕೂಡ ಹಾಗೆಯೇ ಇದೆ ಎಂಬುದು ಅವರ ಮಾತು.
ತೆಲುಗು ನಾಡಿನಲ್ಲೂ ಅಭಿಮಾನಿಗಳನ್ನು ಹೊಂದಿರುವ ಉಪೇಂದ್ರರ ಹಲವಾರು ಕನ್ನಡ ಚಿತ್ರಗಳು ತೆಲುಗಿಗೆ ರೀಮೇಕ್ ಆಗಿವೆ. ಇನ್ನು ಅವರ ಪ್ಯಾನ್ ಇಂಡಿಯಾ ‘ಕಬ್ಜ’ ಸಿನಿಮಾದ ಕೆಲಸಗಳೂ ಚಾಲ್ತಿಯಲ್ಲಿವೆ.