ಕೆಜಿಎಫ್ 2 ಭಾರತೀಯ ಚಿತ್ರರಂಗದಲ್ಲಿ ಬಹುನಿರೀಕ್ಷೆಯ ಚಿತ್ರ. ಚಿತ್ರದ ಮೊದಲ ಚಾಪ್ಟರ್ ಸಿಕ್ಕಾಪಟ್ಟೆ ಸೌಂಡ್ ಮಾಡಿದ್ದು ಗೊತ್ತೇ ಇದೆ. ಈಗ ಚಾಪ್ಟರ್ 2 ಸಮಯ. ಏಪ್ರಿಲ್ 14ರಂದು ವಿಶ್ವಾದ್ಯಂತ ಸಿನಿಮಾ ತೆರೆಗೆ ಅಪ್ಪಳಿಸಲಿದೆ.
ಈಗಾಗಲೇ ಚಿತ್ರದ ಪೋಸ್ಟರ್ ಗಳು ರಿಲೀಸ್ ಆಗಿದ್ದು, ಕುತೂಹಲ ಮೂಡಿಸಿವೆ. ಚಿತ್ರದ ಟೀಸರ್ವಮತ್ತು ಸಾಂಗ್ ಸಾಕಷ್ಟು ಮೆಚ್ಚುಗೆ ವ್ಯಕ್ತಪಡಿದ್ದು,ಗೊತ್ತು. ಈಗ ಟ್ರೇಲರ್ ರಿಲೀಸ್ ಆಗಿದೆ. ಎಲ್ಲೆಡೆ ದೊಡ್ಡ ಹವಾ ಎಬ್ಬಿಸಿದೆ.
ಹೌದು, ಕೆಜಿಎಫ್ 2 ಈಗ ಬಿಡುಗಡೆಯ ದಿನಗಳನ್ನು ಎಣಿಸುತ್ತಿದೆ. ಪ್ರಶಾಂತ್ ನೀಲ್ ನಿರ್ದೇಶನದ ಯಶ್ ಅಭಿನಯದ ಈ ಚಿತ್ರವನ್ನು ವಿಜಯ್ ಕಿರಗಂದೂರು ನಿರ್ಮಾಣ ಮಾಡಿದ್ದಾರೆ. ಮಾರ್ಚ್ 27 ರಂದು ಚಿತ್ರದ ಟ್ರೇಲರ್ ಜೊತೆ ಈವೆಂಟ್ ಕೂಡ ನಡೆಯಿತು. ಇದರ ವಿಶೇಷ ಅಂದರೆ, ಈವೆಂಟ್ ನ ಹೋಸ್ಟ್ ಆಗಿ, ಬಾಲಿವುಡ್ ನ ನಿರ್ದೇಶಕ , ನಿರೂಪಕ ಕರಣ್ ಜೋಹರ್ ಕಾರ್ಯ ನಿರ್ವಹಿಸಿದ್ದು. ಅವರೊಂದಿಗೆ ಕನ್ನಡದ ನಿರೂಪಕಿ ಅನುಶ್ರೀ ಸಾಥ್ ನೀಡಿದರು.
ಕೆಜಿಎಫ್ 2 ಚಿತ್ರದಲ್ಲಿ ಕಾಣಿಸಿಕೊಂಡಿರುವ ಬಹುತೇಕ ತಾರಾಬಳಗ ಒರಾಯನ್ ಮಾಲ್ ನಲ್ಲಿ ಜಮಾಯಿಸಿತ್ತು. ವಿಶೇಷವೆಂದರೆ, ಟ್ರೇಲರ್ ಮತ್ತು ಈವೆಂಟ್ ಗೆ ಬಾಲಿವುಡ್, ಟಾಲಿವುಡ್, ಕಾಲಿವುಡ್ ಸಿನಿಮಾ ಪತ್ರಕರ್ತರು ಆಗಮಿಸಿದ್ದರು.
ಚಿವರಾದ ಅಶ್ವತ್ಥನಾರಾಯಣ, ಶಿವರಾಜಕುಮಾರ್ ಆಕರ್ಷಣೆಯಾಗಿದ್ದರು. ನಾಗಾಭರಣ, ಮಾಳವಿಕ, ಅಯ್ಯಪ್ಪ, ವಸಿಷ್ಠ ಸಿಂಹ, ಗರುಡ ಖ್ಯಾತಿಯ ರಾಮ್ ಸೇರಿದಂತೆ ಹಲವರು ಟ್ರೇಲರ್ ಬಿಡುಗಡೆಗೆ ಸಾಕ್ಷಿಯಾದರು.
ಶಿವಣ್ಣ ಟ್ರೇಲರ್ ರಿಲೀಸ್ ಮಾಡಿ ಶುಭ ಕೋರಿದರು. ಐ ಲವ್ ಯೂವಯು ಯು ಶುಡ್ ಲವ್ ಯು… ಎಂದು ಸಿನಿಮಾಗೆ ಹಾರೈಸಿದರು.
