ಗೋಲ್ಡನ್ ಕ್ವೀನ್ ಅಮೂಲ್ಯ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಕೊಟ್ಟಿದ್ದಾರೆ. ತಾಯಿಯಾಗ್ತಿರೋ ಸಂತಸದ ಸುದ್ದಿಯನ್ನು ಹಂಚಿಕೊಂಡಿದ್ದಾರೆ. ಈಗ ನಾವಿಬ್ಬರಲ್ಲ ಮೂವರಾಗುತ್ತಿದ್ದೇವೆ ಅನ್ನೋದನ್ನು ಸೋಷಿಯಲ್ ಮೀಡಿಯಾದ ಮೂಲಕ ಅಭಿಮಾನಿಗಳಿಗೆ ತಿಳಿಸಿದ್ದಾರೆ. 2022ರಲ್ಲಿ ಕಂದಮ್ಮನ ಆಗಮನವಾಗಲಿದ್ದು, ಚೊಚ್ಚಲ ಕಂದಮ್ಮನ ಬರುವಿಕೆಗಾಗಿ ಕುಟುಂಬ ಎದುರು ನೋಡ್ತಿದೆ.
ನಟಿ ಅಮೂಲ್ಯ 2017 ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದರು. ಫಾರಿನ್ ರಿಟರ್ನ್ ಜಗದೀಶ್ ರನ್ನು ವರಿಸಿದ್ದರು. ಸ್ಯಾಂಡಲ್ ವುಡ್ ಗೋಲ್ಡನ್ ಕ್ವೀನ್ ಕೈ ಹಿಡಿದ ಜಗದೀಶ್ ಅಮೂಲ್ಯರನ್ನು ಕಣ್ಣಲ್ಲಿ ಕಣ್ಣಿಟ್ಟು ನೋಡಿಕೊಳ್ತಿದ್ದಾದೆ. ಜಗದೀಶ್ ಜೊತೆ ಸುಖ ಸಂಸಾರ ಸಾಗಿಸ್ತಿರೋ ಅಮ್ಮು ಮದುವೆ ಆದ್ಮೇಲೆ ಬಣ್ಣದ ಲೋಕದಿಂದ ದೂರ ಉಳಿದರು. ಇದೀಗ ಫ್ಯಾಮಿಲಿ ಪ್ಲ್ಯಾನಿಂಗ್ ಮಾಡಿಕೊಂಡಿದ್ದಾರೆ. ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ.
