ಸ್ಯಾಂಡಲ್‌ವುಡ್ ಕ್ವೀನ್ ರಮ್ಯಾ ದಿವ್ಯಸ್ಪಂಧನಾಗೆ ಹುಟ್ಟುಹಬ್ಬದ ಸಂಭ್ರಮ. 39 ವರ್ಷಗಳನ್ನು ಪೂರೈಸಿರುವ ಮೋಹಕತಾರೆ 40ನೇ ವಸಂತಕ್ಕೆ ಕಾಲಿಟ್ಟಿದ್ದು ಸಪ್ತಸಾಗರದಾಚೆ ಬರ್ತ್ ಡೇನಾ ಸೆಲೆಬ್ರೇಟ್ ಮಾಡಿಕೊಳ್ತಿದ್ದಾರೆ. ಚಂದನವನದ ಪದ್ಮಾವತಿಗೆ ಶುಭಾಷಯಗಳ ಮಹಾಪೂರವೇ ಹರಿದುಬರುತ್ತಿದ್ದು ಸೋಷಿಯಲ್ ಮೀಡಿಯಾದ ಮೂಲಕ ರಮ್ಯಾ ಧನ್ಯವಾದ ಅರ್ಪಿಸುತ್ತಿದ್ದಾರೆ. ಮಾಸ್ಕ್ ಹಾಕಿಕೊಂಡಿರುವ ಫೋಟೋ ಹಾಕಿ ಅಭಿಮಾನಿ ದೇವರುಗಳಿಗೆ ಹಾಗೂ ಆಪ್ತರಿಗೆ ಥ್ಯಾಂಕ್ಸ್ ಹೇಳ್ತಿರೋ ಗೌರಮ್ಮ, ದಯವಿಟ್ಟು ಎಲ್ಲರೂ ಮಾಸ್ಕ್ ಹಾಕಿಕೊಳ್ರಿ ಎಂದು ರಿಕ್ವೆಸ್ಟ್ ಮಾಡಿಕೊಂಡಿದ್ದಾರೆ.
ಅಟ್ಲಾಂಟಿಕ್ ಸಾಗರ ದಾಟಿ ಹೋಗಿರುವ ಗೌರಮ್ಮನಿಗೆ ಲೈಟಾಗಿ ಹೆಲ್ತ್ ಅಪ್‌ಸೆಟ್ ಆಗಿದೆ ಅನ್ಸುತ್ತೆ. ಹೀಗಾಗಿಯೇ ಟ್ವೀಟ್ ಮೂಲಕ `ನಂಗ್ಯಾಕೋ ಸುಸ್ತಾಗ್ತಿದೆ, ನಿದ್ದೆ ಕೂಡ ಬರ‍್ತಿದೆ, 39 ವರ್ಷ ಕಳೆದಿರುವುದಕ್ಕೆ ಖುಷಿಯಿದೆ ಅಂತ ಬರೆದುಕೊಂಡಿದ್ದಾರೆ. ಕಳೆದ ಎರಡು ದಿನದ ಹಿಂದೆ ಸ್ವಿಮ್ಮಿಂಗ್ ಮಾಡ್ತಿರುವ ಫೋಟೋಗಳನ್ನು ಇನ್ಸ್ಟಾ ಸ್ಟೇಟಸ್‌ನಲ್ಲಿ ಹಾಕಿಕೊಂಡಿದ್ದರು. ಸಪ್ತಸಾಗರವನ್ನು ದಾಟಿ ಹೋಗಿರುವ ಹಿಂಟ್ ಕೊಟ್ಟಿದ್ದರು. ಕೊನೆಗೆ ಗೌರಮ್ಮನೇ ಟ್ವೀಟ್ ಮೂಲಕ ಅಟ್ಲಾಂಟಿಕ್ ಸಾಗರದಲ್ಲೆಲ್ಲೋ ತಂಗಿರುವುದಾಗಿ ತಿಳಿಸಿದ್ದಾರೆ. 40 ನೇ ವರ್ಷದ ಹುಟ್ಟುಹಬ್ಬವನ್ನು ಅಲ್ಲೆ ಎಲ್ಲೋ ಸೆಲಬ್ರೇಟ್ ಮಾಡಿಕೊಳ್ಳಲಿದ್ದಾರೆ.
ಮೋಹಕತಾರೆಯ ಅಭಿಮಾನಿ ದೇವರುಗಳು ತಮ್ಮ ನೆಚ್ಚಿನ ನಟಿಯ ಬರ್ತ್ಡೇನಾ ಅದ್ದೂರಿಯಾಗಿ ಸೆಲೆಬ್ರೇಟ್ ಮಾಡಬೇಕು, ಒಂದು ವರ್ಷವಾದರೂ ಕೂಡ ನಮ್ಮೊಟ್ಟಿಗೆ ನಮ್ಮ ಮೇಡಂ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಬೇಕೆಂದು ಕಾಯ್ತಿದ್ದಾರೆ. ಆದರೆ, ಚಿತ್ರರಂಗದಿಂದ ಕೊಂಚ ದೂರ ಉಳಿದಿರೋ ರಮ್ಯಾ ಮೇಡಂ ದಿಲ್ಲಿಗೆ ಹೋಗಿ ಸೆಟಲ್ ಆದ್ಮೇಲೆ ಫ್ಯಾನ್ಸ್ ಕೈಗೆ ಸಿಗ್ತಿಲ್ಲ. ವರ್ಷಕ್ಕೆ ಒಮ್ಮೆಯಾದರೂ ನೆಚ್ಚಿನ ತಾರೆಯ ದರುಶನ ಫ್ಯಾನ್ಸ್ ಗೆ ಸಿಗುತ್ತಿಲ್ಲ, ಸೆಲ್ಫಿಯಂತೂ ಇಲ್ಲವೇ ಇಲ್ಲ. ಅದ್ಯಾವಾಗ ಸ್ಯಾಂಡಲ್‌ವುಡ್ ಕ್ವೀನ್ ಜನುಮದಿನವನ್ನು ಆಚರಿಸುವ ಚಾನ್ಸ್ ಫ್ಯಾನ್ಸ್ ಗೆ ಸಿಗುತ್ತೋ? ಅದ್ಯಾವಾಗ ಲಕ್ಕಿ ಸುಂದರಿಯ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಸಂಭ್ರಮಿಸುವ ಅವಕಾಶ ಸಿಗುತ್ತೋ ಅಣ್ಣಮ್ಮ ತಾಯಿಗೆ ಗೊತ್ತು
ಬಣ್ಣದ ಲೋಕದಿಂದ ಅಂತರಕಾಯ್ದುಕೊಂಡಿರುವ ಊರಿಗೊಬ್ಳೆ ಪದ್ಮಾವತಿ `ಎಕ್ಸ್ಕ್ಯೂಸ್ ಮೀ’ ಎನ್ನುತ್ತಾ ಗಂಧದಗುಡಿಗೆ ಮರಳಬೇಕು. ಮತ್ತೆ ಬಣ್ಣ ಹಚ್ಚಿ ಬೆಳ್ಳಿತೆರೆ ಮೇಲೆ ದಿಬ್ಬಣ ಹೊರಡಬೇಕು ಎನ್ನುವುದು ಅದೆಷ್ಟೋ ಸಿನಿಪ್ರಿಯರ ಕನಸು. ಆ ಆಸೆ ಕನಸು ಅದ್ಯಾವ ಸುಂದರ ಗಳಿಗೆಯಲ್ಲಿ ಸಾಕಾರಗೊಳ್ಳುತ್ತೋ ಗೊತ್ತಿಲ್ಲ. ಆದರೆ, ಗೌರಮ್ಮನ ಅಭಿಮಾನಿಗಳು ಮಾತ್ರ ನಮ್ಮ ಮೇಡಂ ಡೆಲ್ಲಿ ಬಿಟ್ಟು ಬೆಂಗ್ಳೂರಿಗೆ ಬರುತ್ತಾರೆ, ಗಾಂಧಿನಗರದಲ್ಲಿ ಮತ್ತೊಮ್ಮೆ ಎಲ್ಲಾ ಸ್ಟಾರ್‌ಗಳ ಜೊತೆ ಬಿಗ್‌ಸ್ಕ್ರೀನ್ ನಲ್ಲಿ ಮಿಂಚ್ತಾರೆ ಎನ್ನುವ ಮಹದಾಸೆ ಇಟ್ಟುಕೊಂಡಿದ್ದಾರೆ. ಆ ದಿವ್ಯ ಕನಸು ಈಡೇರಲಿ. 40 ಆದರೂ ಕೂಡ ಟಿನೇಜ್ ಹುಡ್ಗಿ ಥರ ಲಕಲಕ ಹೊಳೆಯೋ ಲಕ್ಕಿ ಗರ್ಲ್ ರಮ್ಯಾ ಸಿಲ್ವರ್‌ಸ್ಕ್ರೀನ್ ಮೇಲೆ ಸೆಕೆಂಡ್ ಇನ್ನಿಂಗ್ಸ್ ಶುರುವಿಟ್ಟುಕೊಳ್ಳಲಿ. ದಶಕಗಳು ಉರುಳಿದರೂ ಅಳಿಯದ ಹಳೆಯ ಚಾರ್ಮ್ಗೆ ಲಿಫ್ಟಿಕ್- ಐ ಲೈನರ್ ಹಚ್ಚಿ ಹೊಸ ರಂಗು ತುಂಬಲಿ.
ವಿಶಾಲಾಕ್ಷಿ, ಎಂಟರ್‌ಟೈನ್ಮೆಂಟ್ ಬ್ಯೂರೋ ಸಿನಿಲಹರಿ
