‘ಕಿಸ್ ‘ ಚೆಲುವೆಗೆ ಇದೆಲ್ಲ ಬೇಕಿತ್ತಾ? ಕನ್ನಡ ದ ಸಿನಿಮಾ ಪ್ರೇಕ್ಷಕರು ಹೀಗೆಂದುಕೊಳ್ಳುತ್ತಿದ್ದಾರೆ . ಅದಕ್ಕೆ ಅವರ ವೈಯಕ್ತಿಕ ವಿಚಾರ. ಅದನ್ನು ಬಯಲು ಮಾಡಿಕೊಡಿದ್ದು ಅವರೇ. ಇಷ್ಟಕ್ಕೂ ಅದೆನೆಂದರೆ ನಟಿ ಶ್ರೀಲೀಲಾ ಅಪ್ಪ ಯಾರು ಅಂತ. ಕನ್ನಡದ ಮಟ್ಟಿಗೆ ಶ್ರೀಲೀಲಾ ಸಿನಿಮಾರಂಗಕ್ಕೆ ಬಂದು ಮೂರ್ನಾಲ್ಕು ವರ್ಷಗಳೇ ಅದವು. ಅಲ್ಲಿಂದ ಇಲ್ಲಿ ತನಕ ನಟಿ ಶ್ರೀ ಲೀಲಾ ತಂದೆ ಯಾರು ಅಂತನೆ ಗೊತ್ತಿರಲಿಲ್ಲ. ಆ ಬಗ್ಗೆ ಇಲ್ಲಿನ ಮಾಧ್ಯಮವೂ ಕೂಡ ಅವರಿಗೆ ಪ್ರಶ್ನೆ ಮಾಡಿರಲಿಲ್ಲ. ಅದರೆ ಈಗ ನಟಿ ಶ್ರೀಲೀಲಾ ಟಾಲಿವುಡ್ ಗೆ ಕಾಲಿಟ್ಟಿದ್ದಾರೆ. “ಪೆಳ್ಳಿ ಸಂದಡಿ” ಹೆಸರಿನ ಚಿತ್ರದ ಮೂಲಕ ಹೈದ್ರಾಬಾದ್ ವಾಸಿ ಆಗಿದ್ದಾರೆ.
ಅನೇಕ ಕಾರಣಕ್ಕೆ ಅ‌ಸಿನಿಮಾ ಸಖತ್ ಸದ್ದು ಮಾಡುತ್ತಿದೆ. ಶ್ರೀಲೀಲಾ ಅವರ ಹಾಟ್ ಲುಕ್ ಅಂತೂ ಟಾಲಿವುಡ್ ಬೆಚ್ಚಿ ಬೀಳುವಂತೆ ಮಾಡಿದೆ. ಇದೇ ಹಿನ್ನೆಲೆಯಲ್ಲಿ ಮಾಧ್ಯಮದಲ್ಲಿ ಸಖತ್ ಸುದ್ದಿಯಾಗುತ್ತಿರುವ ಒಂದು ವಾಹಿನಿ ಸಂದರ್ಶನ ದಲ್ಲಿ ಮಾತನಾಡುತ್ತಾ ತಮ್ಮ‌ತಂದೆ ಕುರಿತು ಹೇಳಿಕೊಂಡಿದ್ದರು. ಅವರು ಕೂಡ ಅಂಧ್ರದವರೆ ಅಂತ ಹೆಮ್ಮೆ ಯಿಂದ ಹೇಳಿಕೊಂಡಿದ್ದರು. ಒಳ್ಳೆಯ ಪಾತ್ರಗಳನ್ನು ಮಾಡುತ್ತಾ ಗುರುತಿಸಿಕೊಳ್ಳುತ್ತಿರುವ ನಟಿ ಶ್ರೀಲೀಲಾ ಖ್ಯಾತ ಉದ್ಯಮಿ ಸುರಪನೇನಿ ಸುಭಾಕರ ರಾವ್ ಅವರ ಮಗಳು ತಾನು ಎಂದು ಹೇಳಿಕೊಂಡಿದ್ದರು. ಅದೀಗ ವಿವಾದ ಎಬ್ಬಿಸಿದೆ.
ನಟಿ ಶ್ರೀಲೀಲಾ ಅವರ ಈ ಹೇಳಿಕೆ ಟಾಲಿವುಡ್ ನಲ್ಲಿ ಸಂಚಲನ ಮೂಡಿಸಿತ್ತು. ಅದೆಷ್ಟು ಜನ ಮೂಗಿನ ಮೇಲೆ‌ಬೆರಳಿಟ್ಟುಕೊಂಡಿದ್ದರು. ಇದಾದ ಬೆನ್ನಲೇ ಉದ್ಯಮಿ ಸುಭಾಕರ್ ಅವರು ನೀಡಿರುವ ಸ್ಪಷ್ಟನೆ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗುತ್ತಿದೆ. ಶ್ರೀಲೀಲಾ ಹೇಳಿಕೆಗೆ ತೆಲುಗು ವಾಹಿನಿಯೊಂದರ ಜೊತೆ ಮಾತನಾಡುತ್ತಾ ಸ್ಪಷ್ಟನೆ ನೀಡಿದ ಸುಭಾಕರ ರಾವ್, ಶ್ರೀಲೀಲಾ ನನ್ನ ಮಗಳು ಅಲ್ಲ, ನನ್ನ ಪತ್ನಿಯ ಜೊತೆ ಡಿವೋರ್ಸ್ ಆದ ಬಳಿಕ ಶ್ರೀಲೀಲಾ ಜನಿಸಿದ್ದಾಳೆ. ನಾನು ನನ್ನ ಪತ್ನಿ 20 ವರ್ಷದಿಂದ ಬೇರೆಯಾಗಿದ್ದೇವೆ. ಡಿವೋರ್ಸ್ ಕೇಸ್ ಇನ್ನೂ ಕೋರ್ಟ್‍ನಲ್ಲಿ ಬಾಕಿ ಇದೆ. ನಾನು ಅವಳ ತಂದೆಯಲ್ಲ. ಶ್ರೀಲೀಲಾ ಮಾಧ್ಯಮಗಳ ಸಂದರ್ಶನದಲ್ಲಿ ನನ್ನ ಹೆಸರು ಬಳಸುತ್ತಿದ್ದಾರೆ. ನನ್ನ ಆಸ್ತಿಯಲ್ಲಿ ಪಾಲು ಕೇಳಲೆಂದು ನನ್ನ ಹೆಸರು ಬಳಕೆ ಮಾಡುತ್ತಿದ್ದಾರೆ. ಈ ವಿಚಾರದಲ್ಲಿ ನಾನು ಕಾನೂನು ಹೋರಾಟ ಮಾಡುವುದಾಗಿ ಹೇಳಿದ್ದಾರೆ ಉದ್ಯಮಿ ಸುಭಾಕರ್.
ಶ್ರೀಲೀಲಾ ಯು.ಎಸ್‍.ನಲ್ಲಿ ಜನಿಸಿದರು, ನಂತರ ತಾಯಿ ಜೊತೆಗೆ ಬೆಂಗಳೂರಿನಲ್ಲಿ ನೆಲೆಸಿದರು. ಈಕೆಯ ತಾಯಿ ಡಾ.ಸ್ವರ್ಣಲತಾ ವೃತ್ತಿಯಲ್ಲಿ ವೈದ್ಯರಾಗಿದ್ದಾರೆ. ಶ್ರೀಲೀಲಾ ಮಾಡೆಲಿಂಗ್ ಮತ್ತು ರಾಂಪ್ ವಾಕ್‍ನಲ್ಲಿ ತೊಡಗಿಸಿಕೊಂಡಿದ್ದರು. 2019 ರಲ್ಲಿ ಎಪಿ ಅರ್ಜುನ್ ಅವರ ರೋಮ್ಯಾಂಟಿಕ್ ಎಂಟರ್‌ಟೇನರ್ ಸಿನಿಮಾವಾಗಿರುವ ಕಿಸ್ ಸಿನಿಮಾ ಮೂಲಕವಾಗಿ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ನಂತರ ಭರಾಟೆ ಸಿನಿಮಾದಲ್ಲಿ ನಟಿಸಿ ಮನೆ ಮಾತಾಗಿದ್ದಾರೆ.
ಕಿಸ್, ಭರಾಟೆ ಕನ್ನಡ ಸಿನಿಮಾಗಳ ಮೂಲಕ ಸ್ಯಾಂಡಲ್‍ವುಡ್‍ನಲ್ಲಿ ತಮ್ಮದೇ ಛಾಪು ಮೂಡಿಸಿದ್ದ ನಟಿ ಶ್ರೀಲೀಲಾ ಅವರು ತೆಲುಗು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದಾರೆ. ಅವರು ಅಭಿನಯಿಸಿರುವ ತೆಲುಗು ಸಿನಿಮಾ ಪೆಳ್ಳಿ ಸಂದಡಿ ಸಿನಿಮಾ ಬಿಡುಗಡೆಯಾಗಿ ಚಿತ್ರಮಂದಿರಗಳಲ್ಲಿ ಒಳ್ಳೆಯ ಪ್ರದರ್ಶನವನ್ನು ಕಾಣುತ್ತಿದೆ. ಶ್ರೀಲೀಲಾ ಅ, ನಟನೆಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಆದರೆ ಇದೀಗ ಹೊಸದೊಂದು ಸುಳಿಗೆ ಸಿಲುಕಿಕೊಂಡು ಸುದ್ದಿಯಾಗಿದ್ದಾರೆ.
