ಬ್ಯಾಡ್ ಮ್ಯಾನರ್ಸ್ ತಂಡ ಸೇರಿದ ತಾರಾ – ಅಂಬರೀಷ್ ಜೊತೆ ನಟಿಸಿದ್ದ ಅವರೀಗ ರೆಬೆಲ್ ಮಗನ ಜೊತೆಯೂ ನಟನೆ

ಕನ್ನಡ ಚಿತ್ರರಂಗದಲ್ಲಿ ಬಹುತೇಕ ಹಿರಿಯ ನಟರಿಂದ ಹಿಡಿದು ಅನೇಕ ಸ್ಟಾರ್ ನಟರ ಜೊತೆ ನಟಿಸಿರುವ ನಟಿ‌ ತಾರಾ, ಸಾಕಷ್ಟು ಹೊಸ ಪ್ರತಿಭೆಗಳ ಜೊತೆಯಲ್ಲೂ ಕಾಣಿಸಿಕೊಡಿದ್ದಾರೆ. ಇದೀಗ, ಅಭಿಷೇಕ್ ಅಂಬರೀಶ್ ಜೊತೆ ನಟಿಸುತ್ತಿದ್ದಾರೆ.

ಹೌದು, “ಬ್ಯಾಡ್ ಮ್ಯಾನರ್ಸ್” ಚಿತ್ರಕ್ಕೆ ಈಗ ರಾಷ್ಟ್ರ ಪ್ರಶಸ್ತಿ ವಿಜೇತೆ, ನಟಿ ತಾರಾ ಅನುರಾಧ ಅವರ ಎಂಟ್ರಿಯಾಗಿದೆ.ತಾರಾ ಅವರು ರೆಬೆಲ್ ಸ್ಟಾರ್ ಅಂಬರೀಷ್ ಅವರೊಂದಿಗೂ ನಟಿಸಿದ್ದರು. ಈಗ ಅಂಬರೀಶ್ ಅವರ ಪುತ್ರ ಅಭಿಷೇಕ್ ಅಂಬರೀಶ್ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ. ವಿಶೇಷ ಅಂದರೆ, ನಿರ್ದೇಶಕ “ದುನಿಯಾ” ಸೂರಿಯವರ ಚಿತ್ರದಲ್ಲಿ ತಾರಾ ಮೊದಲ ಸಲ ನಟಿಸುತ್ತಿದ್ದಾರೆ. ಹೀಗಾಗಿ‌ತಾರಾ ಅವರು ಸಹಜವಾಗಿಯೇ ಖುಷಿಯಾಗಿದ್ದಾರೆ. ಸದ್ಯಕ್ಕೆ ತಾರಾ ಅವರೀಗ, ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ.