ಸಿನಿಮಾ ಅಂದಮೇಲೆ ರಿಸ್ಕ್‌ ಇದ್ದೇ ಇರುತ್ತೆ. ಅದರಲ್ಲೂ ಈ ಸ್ಟಂಟ್‌ ವಿಚಾರಕ್ಕೆ ಬಂದರೆ, ಸಾಕಷ್ಟು ಎಚ್ಚರದಿಂದ ಇರಲೇಬೇಕು. ಎಷ್ಟೇ ಎಚ್ಚರವಹಿಸಿದರೂ, ಒಂದಷ್ಟು ಸಮಸ್ಯೆಗಳು ಸಹಜ. ಸಣ್ಣಪುಟ್ಟ ಗಾಯಗಳ ಜೊತೆಗೆ ಅದೆಷ್ಟೋ ಫೈಟರ್ಸ್‌, ಮಾಸ್ಟರ್ಸ್‌ ಕೂಡ ನೋವು ಅನುಭವಿಸಿರುವುದುಂಟು. ಇಲ್ಲೀಗ ಹೇಳಹೊರಟಿರುವ ವಿಷಯ, ಬಾಲಿವುಡ್‌ ನಟ ಜಾನ್ ಅಬ್ರಾಹಂ ಕುರಿತು. ಹೌದು, ಜಾನ್ ಅಬ್ರಾಹಂ ಅವರು ಶೂಟಿಂಗ್‌ ಟೈಮ್‌ನಲ್ಲಿ ಫೈಟ್‌ ಸೀನ್‌ ಮಾಡುವಾಗ ಗಾಯಗೊಂಡಿದ್ದಾರೆ.
“ಅಟ್ಯಾಕ್‌” ಎನ್ನುವ ಚಿತ್ರದ ಚಿತ್ರೀಕರಣ ಜೋರಾಗಿ ನಡೆಯುತ್ತಿದೆ. ಫೈಟ್‌ ಸೀನ್‌ ವೇಳೆ ಟ್ಯೂಬ್‌ಲೈಟ್‌ನಿಂದ ಡಾನ್‌ಗಳು ನಟ ಜಾನ್ ಅಬ್ರಾಹಂ ಅವರ ಮೇಲೆ ಹಲ್ಲೆ ಮಾಡುವ ದೃಶ್ಯವದು. ಈ ಸಂದರ್ಭದಲ್ಲಿ ಆಕಸ್ಮಿಕವಾಗಿ ಅಬ್ರಾಹಂ ಅವರಿಗೆ ಪೆಟ್ಟಾಗಿದೆ. ತಕ್ಷಣವೇ ಶೂಟಿಂಗ್‌ ನಿಲ್ಲಿಸಿದ ಚಿತ್ರತಂಡ ಅವರ ಆರೋಗ್ಯ ವಿಚಾರಿಸಿದೆ. ಈ ಕುರಿತಂತೆ ಪ್ರತಿಕ್ರಿಯಿಸಿರುವ ಜಾನ್ ಅಬ್ರಾಹಂ, “ನನಗೆ ಗಂಭೀರ ಗಾಯವಾಗಿಲ್ಲ. ಯಾರೂ ಕೂಡ ಭಯಪಡಬೇಕಿಲ್ಲ” ಎಂದು ಹೇಳಿದ್ದಾರೆ.
