Categories
ಗ್ಲಾಮರ್‌ ಕಾರ್ನರ್

ತಾಪಂಡರ ಸಿನಿಮಾ ಕೃಷಿ! ಪಡ್ಡೆಗಳ ಫೇವರೇಟ್‌ ಚೆಲುವೆಯ ನಗುಮೊಗದ ಹಾಡು


“ನನಮೇಲೆ ನನಗೀಗ ಅನುಮಾನ ಶುರುವಾಗಿದೆ…”
– ಇದು ತುಂಬಾ ಜನಪ್ರಿಯ ಗೀತೆ. ನಿರ್ದೇಶಕ ಕುಶಾಲ್‌ಗೌಡ ನಿರ್ದೇಶನದ “ಕನ್ನಡಕ್ಕಾಗಿ ಒಂದನ್ನು ಹೊತ್ತಿ” ಸಿನಿಮಾದಲ್ಲಿ ಅವರೇ ಗೀಚಿದ ಹಾಡಿದು. ಈ ಹಾಡು ಹಿಟ್‌ ಆದಷ್ಟು ಸಿನಿಮಾ ಹಿಟ್‌ ಆಗಲಿಲ್ಲ. ಆದರೆ, ಹಾಡಿನ ಮೂಲಕವೇ ಸಿನಿಮಾ ಬಗ್ಗೆ ಮಾತಾಡುವಂತಾಗಿದ್ದು ಸುಳ್ಳಲ್ಲ.

ಒಂದೊಳ್ಳೆಯ ಕಥೆ, ಚಿತ್ರಕಥೆ, ಮಾತುಕತೆ ಎಲ್ಲವನ್ನೂ ಒಳಗೊಂಡು ಈ ಚಿತ್ರ ಕನ್ನಡಿಗರಿಗೆ ಇಷ್ಟವಾಗಿದ್ದು ದಿಟ. ಈಗ ಈ ಚಿತ್ರದ ಬಗ್ಗೆ ಇಷ್ಟೊಂದ ಪೀಠಿಕೆ ಯಾಕೆ ಗೊತ್ತಾ? ಈ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿರೋದು ಕೃಷಿ ತಾಪಂಡ.

ಸದಾ ಹಸನ್ಮುಖಿಯಾಗಿರುವ ಕೃಷಿ ತಾಪಂಡ, ಪಡ್ಡೆ ಹುಡುಗರ ಹಾಟ್‌ ಫೇವರೇಟ್‌ ಕೂಡ ಹೌದು. ಅವರ ಸೋಶಿಯಲ್‌ ಮೀಡಿಯಾದಲ್ಲಿ ಗ್ಲಾಮರಸ್‌ ಫೋಟೋಗಳು ಒಂದಷ್ಟು ಸುದ್ದಿ ಮಾಡುತ್ತಿವೆ. “ಅಕಿರ”, “ಕಹಿ” ಸಿನಿಮಾಗಳಲ್ಲಿ ನಟಿಸಿದ್ದ ಕೃಷಿ ತಾಪಂಡ, ಮೆಲ್ಲನೆ ಬಿಗ್‌ಬಾಸ್‌ ಮನೆಗೂ ಎಂಟ್ರಿಯಾಗಿದ್ದರು.

ಸಾಕಷ್ಟು ನಗುವಲ್ಲೇ ಮೋಡಿ ಮಾಡುವ ಕೃಷಿತಾಪಂಡ, ಅವರೀಗ ಒಂದಷ್ಟು ಫೋಟೋಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ. ಸದ್ಯಕ್ಕೆ ಒಂದಷ್ಟು ಫೋಟೋಗಳ ಝಲಕ್‌ ಇಲ್ಲಿದೆ.

Categories
ಗ್ಲಾಮರ್‌ ಕಾರ್ನರ್ ಸಿನಿ ಸುದ್ದಿ

ಹರಿಪ್ರಿಯಾ ಎಂಬ ಸೀರೆಪ್ರಿಯೆ , ಈ ಕುಮುದಾಗೆ ಸೀರೆ ಯಾಕೆ ಅಂದ?

ಹೆಣ್ಣಿಗೆ ಸೀರೆ ಯಾಕೆ ಅಂದಾ? ಬೆಳ್ಳಿತೆರೆ ಮೇಲೆ ಮಾದಕ ನಟಿ ಶ್ರೀದೇವಿಕಾ ಅವರಿಗೆ ಕ್ರೇಜಿಸ್ಟಾರ್ ರವಿಚಂದ್ರನ್ ಹೀಗೇಕೆ ಕೇಳಿದ್ರೋ ಗೊತ್ತಿಲ್ಲ, ಆದರೆ ಹೆಣ್ಣಿಗೆ ಸೀರೇನೆ ಚಂದ ಅಲ್ವಾ? ಇಲ್ಲಿ ಹೌದು ಅಂತ, ಸಖತ್ ಆದ ಸೀರೆಯುಟ್ಟು ದೀವಿನಾದ ಪೋಸು ನೀಡುತ್ತಾರೆ ಗ್ಲಾಮರಸ್ ನಟಿ ಹರಿಪ್ರಿಯಾ.

ಆದ್ರೆ, ಗ್ಲಾಮರಸ್ ನಟಿ ಹರಿಪ್ರಿಯಾ ಅಂದಾಕ್ಷಣ ಸಿನಿಮಾ ಪ್ರೇಕ್ಷಕರಿಗೆ ನೆನಪಾಗೋದು ʼನೀರ್ ದೋಸೆ ʼಚಿತ್ರದ ಕುಮುದಾ ಪಾತ್ರ. ಜಗ್ಗೇಶ್ ಅಭಿನಯದ ಈ ಚಿತ್ರದಲ್ಲಿ ಹರಿಪ್ರಿಯಾ ಅಭಿನಯಿಸಿದ್ದು ವೇಶೆ ಪಾತ್ರ.ಈ ಕುಮುದಾ ಸಿಕ್ಕಾಪಟ್ಟೆ ಹಾಟ್. ಉಡುಗೆ, ತೊಡುಗೆ ಮಾತ್ರವಲ್ಲ ಅವರ ಮಾತು ಕೂಡ ಅಷ್ಟೇ ಹಸಿ ಬಿಸಿ. ಹಾಗಾಗಿ ಸಿನಿಮಾ ಅಂದಾಕ್ಷಣ ಕನ್ನಡ ಸಿನಿಮಾ ಪ್ರೇಕ್ಷಕ ನಿಗೆ ಹಾಟ್ ಹರಿಪ್ರಿಯಾ ನೆನಪಾದರೂ, ನಿಜ ಜೀವನದಲ್ಲಿ ಅವರು ಇರೋದೇ ಬೇರೆ.

ಪಕ್ಕಾ ಸಂಪ್ರದಾಯ ಸ್ಥ ಕುಟುಂಬದ ಹಿನ್ನೆಲೆ ಹರಿಪ್ರಿಯಾ ಅವರದು. ಶುದ್ಧ ದೈವ ಭಕ್ತೆ. ಹಾಗೆಯೇ ಸೀರೆಯೇ ಅವರ ನೆಚ್ಚಿ‌ನ ಉಡುಗೆ. ಸೋಷಲ್ ಮೀಡಿಯಾದಲ್ಲಿ ಅವರ ಇನ್ಸ್ಟಾ, ಪೇಸ್ ಬುಕ್ , ಟ್ವಿಟರ್ ಖಾತೆ ತೆರೆದರೆ ದಿನ ನಿತ್ಯ ತರಾಹೇವಾರಿ ಬಣ್ಣದ ಸೀರೆಗಳುಟ್ಟು ಪೋಸು ನೀಡಿರುವುದು ನಿಮಗೂ ಗೊತ್ತು. ಅಷ್ಟೇ ಅಲ್ಲ, ತೆರೆ ಮೇಲೂ ಹರಿಪ್ರಿಯಾ ಸೀರೆಯಲ್ಲಿ ಕಾಣಿಸಿಕೊಂಡರೆ ಚೆಂದ.

ಹಾಗಂತ ಅವರ ಅಭಿಮಾನಿಗಳು ಬಯಸುತ್ತಾರಂತೆ. ಮುನಿರತ್ನ ಕುರುಕ್ಷೇತ್ರದಲ್ಲಿ ನಟಿ ಹರಿಪ್ರಿಯಾ ಚೆಂದದ ಸೀರೆಯುಟ್ಟು ಕಾಣಿಸಿಕೊಂಡಿದ್ದಕ್ಕೂ ಆಗಾಧ ಮೆಚ್ಚುಗೆ ಸಿಕ್ಕಿತ್ತು. ಇದೇ ಕಾರಣಕ್ಕೋ ಏನೋ, ಸೀರೆಯಲ್ಲಿ ಸದಾ ಮಿಂಚುತ್ತಾರೆ ನಟಿ ಹರಿಪ್ರಿಯಾ‌.

ಅಂದ ಹಾಗೆ ಹರಿಪ್ರಿಯಾ ಈಗ ಕನ್ನಡದ ಬ್ಯುಸಿ ನಟಿಯರಲ್ಲಿ ಒಬ್ಬರು. ಉಗ್ರಂ ನಂತರ ಹರಿಪ್ರಿಯಾ ಅವರದ್ದು ಸೆಕೆಂಡ್ ಇನ್ನಿಂಗ್ಸ್.‌ಉಗ್ರಂ ಮೂಲಕ ಸಿಕ್ಕ ದೊಡ್ಡ ಸಕ್ಸಸ್ ನಂತರ ಹರಿಪ್ರಿಯಾ , ನೀರ್ ದೋಸೆ ಮೂಲಕ ಫಿನಿಕ್ಸ್ ನಂತೆ ಎದ್ದು ಕುಳಿತರು.ಸಾಲು ಸಾಲು ಸಿನಿಮಾಗಳು ಅವರ ಕೈಯಲ್ಲಿವೆ. ಈಗಷ್ಟೇ ಅವರು ವಿಜಯ್ ಪ್ರಸಾದ್ ನಿರ್ದೇಶನದ’ ಪೆಟ್ರೋಮ್ಯಾಕ್ಸ್’ ಚಿತ್ರರ ಚಿತ್ರೀಕರಣ ಮುಗಿಸಿದ್ದಾರೆ.

Categories
ಗ್ಲಾಮರ್‌ ಕಾರ್ನರ್

ಸ್ಯಾಂಡಲ್‌ ವುಡ್ ಬೆಡಗಿ, ಹಾಟ್ ಹುಡುಗಿ- ಅಬ್ಬಾ, ಬೀಚ್‌ ಅಂದ್ರೆ ಈಕೆಗೆ ಅದೆಂತಹ ಪ್ರೀತಿ…?

ಅಬ್ಬರಿಸುವ ಅಲೆಗಳೆದುರು ………….ನೀಲಾಂಬರಿ !

ಅಬ್ಬಾ , ಸಂಜೆ ಹೊತ್ತು ಕಡಲ ಕಿನಾರೆಯ ಎದುರು ನಿಂತು ಅಬ್ಬರಿಸಿ ಬರುವ ಅಲೆಗಳ ಮುಂದೆ ಮೈ ಯೊಡ್ಡಿ ಅನುಭವಿಸುವ ತಣ್ಣನೆಯ ಹಿತಾನುಭವೇ ಅತ್ಯಾದ್ಬುತ. ‘ಸವಿದವರಿಗೆ ಗೊತ್ತು ಬೆಲ್ಲದ ಸವಿಯ’ ಎನ್ನುವ ಹಾಗೆ ಅದು ಅನುಭವಿಸಿದವರಿಗೇ ಗೊತ್ತು. ಅದರಲ್ಲಂತೂ ಸುಡು ಬಿಸಿಲಿನ ನಡುವೆ ತುಂಡುಡುಗೆ ತೊಟ್ಟು, ಅಬ್ಬರಿಸಿ ಬರುವ ಅಲೆಗಳಿಗೆ ಎದೆಯಾನಿಸಿ ನಿಂತರೆ,… ಅಯ್ಯೋ, ಅದೊಂದು ಸ್ವರ್ಗ ಕಂಡ ಹಿತ. ಅಂತಹ ಆನಂದದಲ್ಲೀಗ ಮೈ ಮರೆತು ಪೋಸು ಕೊಟ್ಟವಳು ಈಕೆ ಕನ್ನಡದ ನಟಿ !

ಹೆಸರು ಕಯಾದು ಲೋಹರ್. ಅರೆ, ಇವರಾರು ? ಯಾವ ಸಿನಿಮಾದ ನಾಯಕಿ ? ಹೆಸರು ಹೇಳಿದ ತಕ್ಷಣ ನಿಮಗೊಂದು ಅಚ್ಚರಿ. ಯಾಕಂದ್ರೆ, ಈಗಷ್ಟೇ ಸ್ಯಾಂಡಲ್ ವುಡ್ ಗೆ ಎಂಟ್ರಿಯಾದ ನಟಿ ಈಕೆ. ಕ್ರೇಜಿ ಸ್ಟಾರ್ ರವಿಚಂದ್ರನ್ ಪುತ್ರ ಮನುರಂಜನ್ ನಾಯಕರಾಗಿ ಅಭಿನಯಿಸುತ್ತಿರುವ “ಮುಗಿಲ್ ಪೇಟೆ’ ಚಿತ್ರದ ನಾಯಕಿ. ಈಗಾಗಲೇ ಈ ಚಿತ್ರಕ್ಕೆ ಮುಕ್ಕಾಲು ಭಾಗ ಚಿತ್ರೀಕರಣ ಆಗಿದೆ.

ಅದೆಲ್ಲ ಆಗಿದ್ದು ಕೊರೋನಾ ಶುರುವಿಗೂ ಮುನ್ನ. ಕೊರೋನಾ ಬಂತು. ಚಿತ್ರದ ಚಿತ್ರೀಕರಣಕ್ಕೂ ಬ್ರೇಕ್ ಇತ್ತು. ಅಲ್ಲಿಂದ ಮನೆಯಲ್ಲಿಯೇ ಇದ್ದ ಕಯಾದು ಲೋಹರ್, ಲಾಕ್ ಡೌನ್ ತೆರವಾದ ನಂತರ ಬಲೆಯಿಂದ ಹಾರಿದ ಹಕ್ಕಿಯಂತೆ ಎಂಜಾಯ್ ಮಾಡುತ್ತಿದ್ದಾರೆ. ಅವರ ಶೂಟಿಂಗ್ ರಜೆಯ ಮಜಾ ಹೇಗಿದೆ ಅನ್ನೋದಿಕ್ಕೆ ಒಂದು ಸ್ಯಾಂಪಲ್ ಈ ಅವರ ಬೀಚ್ ಫೋಟೋ ಶೂಟ್.

ಕಯಾದು ಲೋಹರ್ ನಿಂತಿರುವುದು ಚೆರೈ ಕೊಚ್ಚಿ ಬೀಚ್ ನಲ್ಲಿ. ಕೇರಳದ ಸುಂದರ ಬೀಚ್ ಗಳಲ್ಲಿಯೇ ಚೆರೈ ಬೀಚ್ ಸಿಕ್ಕಾಪಟ್ಟೆ ಫೇಮಸ್ ಪ್ಲೇಸ್. ಸೆಲಿಬ್ರಿಟಿಗಳ ಹಾಟ್ ಸ್ಪಾಟ್. ಅಷ್ಟೇ ದುಬಾರಿ ಅಡ್ಡ. ಅಲ್ಲಿ ರಜೆಯ ಮಜಾ ಅನುಭವಿಸಿರುವ ಪೂಣೆ ಮೂಲದ ಈ ಚೆಲುವೆ, ಸಮುದ್ರವೇ ನಾಚಿ ನೀರಾಗುವ ಹಾಗೆ ಬಿಕಿನಿ ತೋಟ್ಟು ಪೋಸು ನೀಡಿರುವ ರೀತಿ ಭಯಾನಕ ವಾಗಿದೆ. ಪಡ್ಡೆ ಹುಡುಗರ ಎದೆ ನಡುಗಿಸುವ ಹಾಗಿದೆ ಕಯಾದು ಅವರ ಹಾಟ್ ಲುಕ್.

ಸದ್ಯಕ್ಕೆ ಮರಾಠಿ ಚಿತ್ರರಂಗದೊಂದಿಗೆ ಸ್ಯಾಂಡಲ್ ವುಡ್ ಅಂಗಳಕ್ಕೆ ಕಾಲಿಟ್ಟಿರುವ ಕಯಾದು ಲೋಹರ್, ಅಷ್ಟೇನು ಬ್ಯುಸಿ ನಟಿ ಅಲ್ಲ. ಹಾಗಾಗಿ, ಈಗ ಪೋಸು ಕೊಡುವುದರಲ್ಲೇ ಕಾಲ ಕಳೆಯುತ್ತಿರುವಂತಿದೆ ಸೋಷಲ್ ಮೀಡಿಯಾದಲ್ಲಿನ ಫೋಟೋ ಕ್ರೇಜ್. ಇರಲಿ, ಮುಗಿಲ್ ಪೇಟೆ ತೆರೆ ಕಂಡರೆ ಕನ್ನಡದಲ್ಲಿ ನೆಲೆ ನಿಲ್ಲುತ್ತಾರೆಯೇ ಅನ್ನೋದು ಮಾತ್ರ ಕುತೂಹಲ.

 

 

Categories
ಗ್ಲಾಮರ್‌ ಕಾರ್ನರ್

ನಿಖಿತಾ ಸ್ವಾಮಿ ಸಿನಿ ಜರ್ನಿ  ಸದ್ದು ಜೋರು – ಸಾಫ್ಟ್‌ವೇರ್‌ ಹುಡುಗಿಯ ಗ್ಲಾಮರ್‌ ಕನಸು

ಫೇಸ್‌ಬುಕ್‌ ತಂದ ಅವಕಾಶ

ಈ ಸಿನಿಮಾ ಮೇಲಿನ ಪ್ರೀತಿಯೇ ಅಂಥದ್ದು. ಬಹುತೇಕ ಸಾಫ್ಟ್‌ವೇರ್‌ ಮಂದಿಯೇ ಈ ಸಿನಿಮಾರಂಗವನ್ನು ಸ್ಪರ್ಶಿಸಿದೆ. ಈಗಲೂ ಒಬ್ಬೊಬ್ಬರು ಕಾಲಿಡುತ್ತಲೇ ಇದ್ದಾರೆ. ಅಂತಹವರ ಸಾಲಿಗೆ ನಿಖಿತಾಸ್ವಾಮಿ ಕೂಡ ಒಬ್ಬರು. ಈ ನಿಖಿತಾಸ್ವಾಮಿ ಅಪ್ಪಟ ಕನ್ನಡದ ಚೆಲುವೆ. ಈ ಹುಡುಗಿ ಗಾಂಧಿನಗರದ ಅಂಗಳಕ್ಕೆ ಬರೋಕೆ ಕಾರಣವೇ ರೋಚಕ. ಅಷ್ಟಕ್ಕೂ ಈ ಹುಡುಗಿ ಯಾರು, ಯಾವ ಸಿನಿಮಾ ಮಾಡಿದ್ದಾರೆ, ಇಲ್ಲಿಗೆ ಬಂದದ್ದು ಹೇಗೆ? ಈ ಕುರಿತಂತೆ “ಸಿನಿಲಹರಿ”ಯ ಒಂದು ರೌಂಡಪ್.‌

ಕನ್ನಡ ಚಿತ್ರರಂಗಕ್ಕೆ ದಿನ ಕಳೆದಂತೆ ಅನೇಕ ನಟಿಯರು ಎಂಟ್ರಿಯಾಗುತ್ತಲೇ ಇದ್ದಾರೆ. ಗ್ಲಾಮರ್‌ ಜೊತೆಗೆ ಪ್ರತಿಭೆಯನ್ನೂ ಇಲ್ಲಿ ಪ್ರದರ್ಶಿಸಲು ಅಣಿಯಾಗಿದ್ದಾರೆ. ಆದರೆ, ಅದೃಷ್ಟ ಅನ್ನೋದು ಇಲ್ಲಿ ಬಹುಮುಖ್ಯ. ಸ್ಯಾಂಡಲ್‌ವುಡ್‌ನಲ್ಲಿ ತಾನು ನೆಲೆಯೂರಬೇಕು ಎಂದು ಕಪ್ಪು-ಬಿಳಿ ಕಣ್ಣಲ್ಲಿ ಕಲರ್‌ಫುಲ್‌ ಕನಸು ಕಟ್ಟಿಕೊಂಡು ಬರುವ ಹುಡುಗಿಯರಿಗೇನೂ ಕಮ್ಮಿ ಇಲ್ಲ. ಇಲ್ಲಿ ನೂರಾರು ನಟಿಮಣಿಗಳು ಕನ್ನಡಕ್ಕೆ ಕಾಲಿಟ್ಟಿದ್ದಾರೆ, ಅಂತಹವರ ಪೈಕಿ ಒಂದಷ್ಟು ಹುಡುಗಿಯರು ಸುದ್ದಿಯಾಗಿದ್ದಾರೆ. ಇನ್ನು ಕೆಲವರು ನೆಲೆ ನಿಲ್ಲೋಕೆ ಮುಂದಾಗಿದ್ದಾರೆ. ಇಲ್ಲೀಗ ಗಟ್ಟಿನೆಲೆ ನಿಲ್ಲಲು ಪೂರ್ಣ ಪ್ರಮಾಣದಲ್ಲಿ ತಯಾರಾಗಿರುವ ನಟಿಯೊಬ್ಬರು ಸಿನಿಮಾ ಮೇಲೊಂದು ಸಿನಿಮಾ ಮಾಡಿ, ಇಲ್ಲೊಂದಷ್ಟು ನೆಲೆ ಕಾಣುವ ಕನಸು ಕಾಣುತ್ತಿದ್ದಾರೆ. ಆ ನಿಟ್ಟಿನಲ್ಲಿ ಅವರೀಗ ಒಂದಷ್ಟು ಮೆಟ್ಟಿಲನ್ನೂ ಏರಿದ್ದಾರೆ.

ಹೌದು, ಮೊದಲೇ ಹೇಳಿದಂತೆ ನಿಖಿತಾ ಸ್ವಾಮಿ ಅಪ್ಪಟ ಕನ್ನಡದ ಹುಡುಗಿ. ಈ ಬಣ್ಣದ ಲೋಕಕ್ಕೆ ಬರುವ ಮುನ್ನ, ಎಂಜಿನಿಯರಿಂಗ್‌ ಪದವಿ ಮುಗಿಸಿ, ಇನ್ಫೋಸಿಸ್‌ ಸಂಸ್ಥೆಯಲ್ಲಿ ಕೆಲಸ ಮಾಡಿದವರು. ಅದರ ಜೊತೆಯಲ್ಲೇ ಅವರು ಮಾಡೆಲಿಂಗ್‌ ಕೂಡ ಮಾಡಿಕೊಂಡಿದ್ದಾರೆ. ನಿಖಿತಾ ಸ್ವಾಮಿ ಅವರಿಗೆ ಕನ್ನಡ ಚಿತ್ರರಂಗದಲ್ಲಿ ತಾನೊಬ್ಬ ಒಳ್ಳೆಯ ಕಲಾವಿದೆ ಆಗಬೇಕು ಎಂಬ ಬಹುದ ದೊಡ್ಡ ಕನಸು. ಒಂದರ ಮೇಲೊಂದರಂತೆ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿರುವ ಈ ಹುಡುಗಿಯ ಒಂದಷ್ಟು ಸಿನಿಮಾಗಳು ಸಾಲು ಸಾಲಾಗಿ ಪ್ರೇಕ್ಷಕರ ಮುಂದೆ ಬರಲು ರೆಡಿಯಾಗಿವೆ. ನಿಖಿತಾ ಸ್ವಾಮಿ ಕನ್ನಡದ ಜೊತೆ ಜೊತೆಗೆ ಪರಭಾಷೆಯಲ್ಲೂ ಒಂದು ಸಿನಿಮಾ ಮಾಡಿದ್ದಾರೆ. ಈಗಾಗಲೇ ಆ ಚಿತ್ರ ರಿಲೀಸ್‌ಗೂ ರೆಡಿಯಾಗಿದೆ.


ತಮ್ಮ ಸಿನಿಪಯಣದ ಕುರಿತು ಸ್ವತಃ ನಿಖಿತಾ ಸ್ವಾಮಿ ಅವರು ಹೇಳುವುದಿಷ್ಟು. “ನಾನು ಮೂಲತಃ ಬೆಂಗಳೂರಿನವಳು. ಸಿನಿಮಾಗೆ ಬರಬೇಕು ಎಂಬ ಯಾವ ಉದ್ದೇಶವೂ ಇರಲಿಲ್ಲ. ಒಮ್ಮೆ ಫೇಸ್‌ಬುಕ್‌ನಲ್ಲಿ ಒಂದಷ್ಟು ಫೋಟೋಗಳನ್ನು ಅಪ್‌ಲೋಡ್‌ ಮಾಡಿದ್ದೆ. ಅವುಗಳನ್ನು ನೋಡಿ ಒಂದು ಚಿತ್ರತಂಡ, ನನಗೆ ಸಿನಿಮಾದಲ್ಲಿ ನಟಿಸುವಂತೆ ಕೇಳಿಕೊಂಡಿತು. ಬಯಸದೆ ಬಂದ ಅವಕಾಶ ಅಂದುಕೊಂಡು ನಾನೂ ಗ್ರೀನ್‌ಸಿಗ್ನಲ್‌ ಕೊಟ್ಟೆ. ನನ್ನ ಮೊದಲ ಚಿತ್ರ “ಸದ್ದು”. ಅಲ್ಲಿಂದ ನನ್ನ ಸಿನಿಮಾ ಜರ್ನಿ ಶುರುವಾಯಿತು.

ನಾನು ಎಂಜಿನಿಯರಿಂಗ್‌ ಪದವಿ ಓದಿದ್ದೇನೆ. ಮಾಡೆಲಿಂಗ್‌ ಮಾಡಿಕೊಂಡಿದ್ದವಳಿಗೆ ಸಿನಿಮಾ ಜಗತ್ತು ಮೆಲ್ಲನೆ ಕೈ ಬೀಸಿ ಕರೆಯಿತು. ಹಾಗಾಗಿ ನಾನು ಈ ಬಣ್ಣದ ಲೋಕವನ್ನು ಸ್ಪರ್ಶಿಸಿದ್ದೇನೆ ಎಂದು ಹೇಳುವ ನಿಖಿತಾ ಸ್ವಾಮಿ, ಎಂಜಿನಿಯರಿಂಗ್‌ ಮುಗಿದ ಬಳಿಕ ನಾನು ಇನ್ಫೋಸಿಸ್‌ ಸಂಸ್ಥೆಯಲ್ಲಿ ಕೆಲಸ ಮಾಡುವುದರ ಜೊತೆಯಲ್ಲೇ ಮಾಡೆಲಿಂಗ್‌ ಮಾಡಿಕೊಂಡಿದ್ದೆ. ಅಲ್ಲಿಂದ ನನಗೆ ಕೆಲವು ಬ್ರಾಂಡ್‌ಕಂಪೆನಿಗಳಲ್ಲಿ ಜಾಹಿರಾತು ಮಾಡುವ ಅವಕಾಶ ಸಿಕ್ಕಿತು. ಹಾಗೆ ಸಿಕ್ಕ ಅವಕಾಶವನ್ನು ನಾನು ಚೆನ್ನಾಗಿಯೇ ಬಳಸಿಕೊಂಡೆ. ಹೇರ್‌ ಆಯಿಲ್‌, ಜ್ಯೂವೆಲ್ಸ್‌ ಹಾಗೂ ಉಡುಪು ಜಾಹಿರಾತುಗಳಲ್ಲಿ ಕಾಣಿಸಿಕೊಂಡೆ. ಹಲವು ಜಾಹಿರಾತುಗಳಲ್ಲಿ ಕಾಣಿಸಿಕೊಂಡಿದ್ದೇ ತಡ, ಒಂದಷ್ಟು ಅವಕಾಶ ಬರಲು ಶುರುವಾದವು.


ಒಂದು ವರ್ಷ ಮಾತ್ರ ನಾನು ಇನ್ಫೋಸಿಸ್‌ಸಂಸ್ಥೆಯಲ್ಲಿ ಕೆಲಸ ಮಾಡಿದೆ. ಆಮೇಲೆ ಸಿನಿಮಾರಂಗಕ್ಕೆ ಎಂಟ್ರಿಯಾದೆ. “ಸದ್ದು” ಮೂಲಕ ಸಿನಿಮಾ ರಂಗಕ್ಕೆ ಎಂಟ್ರಿಯಾದೆ. ಈ ಸಿನಿಮಾಗೆ ಆಯ್ಕೆಯಾಗಿದ್ದೇ ಒಂದು ರೋಚಕ ಎನ್ನುವ ನಿಖಿತಾಸ್ವಾಮಿ, ನಾನು ಫೇಸ್‌ಬುಕ್‌ನಲ್ಲಿ ನನ್ನ ಮಾಡೆಲ್‌ಫೋಟೋಸ್‌ಗಳು ಹಾಗೂ ಜಾಹಿರಾತುಗಳ ಕ್ಲಿಪ್ಪಿಂಗ್‌ಹಾಕಿದ್ದನ್ನು ನೋಡಿದ “ಸದ್ದು” ಚಿತ್ರತಂಡ, ಚಿತ್ರದಲ್ಲಿ ನಾಯಕಿಯಾಗಿ ನಟಿಸುವ ಅವಕಾಶ ಕಲ್ಪಿಸಿತು. ಆ ಬಳಿಕ ನಾನು ಒಂದಷ್ಟು ನಟನೆಯಲ್ಲೂ ಗಟ್ಟಿಗೊಳ್ಳಬೇಕು ಅಂತ ನಿರ್ಧಾರ ಮಾಡಿದೆ.

 

ಉಮಾ ಮಹೇಶ್ವರಿ ಎನ್ನುವವರ ಬಳಿ ನಾನು ನಟನೆ ತರಬೇತಿ ಪಡೆದುಕೊಂಡೆ. ಅಲ್ಲಿ ಸಾಕಷ್ಟು ಕಲಿತುಕೊಳ್ಳಲು ಸಾಧ್ಯವಾಯಿತು. ಅದೀಗ ನನಗೆ ಸಾಕಷ್ಟು ಸುಲಭವಾಗಿದೆ ಎಂಬುದು ಅವರ ಮಾತು. ಮೊದಲ ಚಿತ್ರ “ಸದ್ದು” ಮಾಡುತ್ತಿದ್ದಂತೆಯೇ ನನಗೆ ಒಂದರ ಮೇಲೊಂದು ಚಿತ್ರಗಳಲ್ಲಿ ನಟಿಸುವ ಅವಕಾಶ ಒದಗಿ ಬಂತು. ಆ ಚಿತ್ರದ ನಂತರ ನಾನು “ಬ್ರಹ್ಮಪುತ್ರ” ಚಿತ್ರದಲ್ಲಿ ನಟಿಸಿದೆ. ಅದಾದ ನಂತರ “ಸನ್ಮಾನ್ಯ” ಸಿನಿಮಾ ಹುಡುಕಿ ಬಂತು. ಅಲ್ಲಿಂದ ನಾನು “ಜಲ್ಲಿಕಟ್ಟು”, “ಒಂದು ದಿನ ಒಂದು ಕ್ಷಣ”,” ಆಕಾಶವಾಣಿ” ಚಿತ್ರಗಳಲ್ಲಿ ನಟಿಸಿದ್ದೇನೆ. ಸದ್ಯಕ್ಕೆ “ಜಲ್ಲಿಕಟ್ಟು”, ತೆಲುಗಿನ “ಇಪ್ಪುಡುನುಂಚಿ ಆರಂಭ”, “ಬ್ರಹ್ಮ ಪುತ್ರ”, “ಆಕಾಶವಾಣಿ”, “ಧ್ರುಗಾಂತ” ಚಿತ್ರಗಳು ಬಿಡುಗಡೆಯಾಗಬೇಕಿದೆ” ಎಂದು ವಿವರ ಕೊಡುತ್ತಾರೆ ನಿಖಿತಾ ಸ್ವಾಮಿ.

ಟಕಿಲಾ ನಶೆಯಲ್ಲಿ
ಇನ್ನು, ಹೊಸಬರ ಚಿತ್ರಗಳಲ್ಲಿ ನಟಿಸುತ್ತಿದ್ದರೂ, ನನಗೆ ಹಿರಿಯ ನಿರ್ದೇಶಕರ ಜೊತೆ ನಟಿಸುವ ಅವಕಾಶವೂ ಸಿಕ್ಕಿದೆ. ಹೌದು, “ಟಕಿಲಾ” ಎಂಬ ಚಿತ್ರದಲ್ಲೂ ನಾನು ನಟಿಸುತ್ತಿದ್ದೇನೆ. ಈ ಸಿನಿಮಾಗೆ ಪ್ರವೀಣ್‌ನಾಯಕ್‌ನಿರ್ದೇಶಕರು. ಇದು ನಾಗಚಂದ್ರ ನಿರ್ಮಾಣದ ಚಿತ್ರ. ಈ ಸಿನಿಮಾಗೆ ಧರ್ಮ ಕೀರ್ತಿರಾಜ್‌ಹೀರೋ. ಅವರಿಗೆ ನಾನು ನಾಯಕಿಯಾಗಿ ನಟಿಸಿದ್ದೇನೆ. ನಿರ್ದೇಶಕ ಮರಡಿಹಳ್ಳಿ ನಾಗಚಂದ್ರ ಈಗ ಚಿತ್ರ ನಿರ್ಮಾಣದ ಸಾಹಸಕ್ಕೆ ಮುಂದಾಗಿದ್ದಾರೆ ಎಂಬುದು ವಿಶೇಷ.

“ಟಕಿಲಾ” ಎಂಬ ಪದ ಕೇಳುತ್ತಿದ್ದಂತೆಯೇ, ಎಲ್ಲರಿಗೂ ಹಾಗೊಮ್ಮೆ ಪಬ್‌ನೆನಪಾಗುತ್ತದೆ. ಹೌದು, ಶೀರ್ಷಿಕೆ ಹೀಗಿದ್ದಾಕ್ಷಣ, ಸಿನಿಮಾದಲ್ಲೂ ಆ ನಶೆಯೇ ತೇಲಾಡುತ್ತದೆ ಅಂತೇನಿಲ್ಲ. “ಟಿಕಿಲಾ” ಅಂದರೇನೆ ನಶೆ. ಆದರೆ, ಅದನ್ನು ಈ ಚಿತ್ರದಲ್ಲಿ ಮನರಂಜನೆಯ ಮೂಲಕ ಪ್ರೇಕ್ಷಕರಿಗೆ ನೀಡಲು ಹೊರಟಿದ್ದಾರೆ ಎಂಬುದು ಅವರ ಮಾತು.


“ಟಕಿಲಾ” ಈ ತಿಂಗಳ ಅಂತ್ಯದಲ್ಲಿ ಶುರುವಾಗಲಿದೆ. ಈಗಾಗಲೇ ಚಿತ್ರದ ಪ್ರೀ ಪ್ರೊಡಕ್ಷನ್‌ಕೆಲಸಗಳು ಮುಗಿದಿವೆ. ಇದೊಂದು ಲವ್‌, ಸೆಂಟಿಮೆಂಟ್‌ ಹಾಗೂ ಥ್ರಿಲ್ಲರ್ ಕಥಾ ಹಂದರದ ಚಿತ್ರ. ಅಂದಹಾಗೆ, ನಿರ್ದೇಶಕ ಕೆ. ಪ್ರವೀಣ್‌ನಾಯಕ್‌ಅವರಿಗೆ ಇದು ನಾಲ್ಕನೇ ಚಿತ್ರ. ಈಗಾಗಲೇ ಅವರು ʼಜಡ್‌ʼ, ʼಹೂಂ ಅಂತೀಯಾ, ಉಹೂಂ ಅಂತೀಯಾʼ ಹಾಗೂ ʼಮೀಸೆ ಚಿಗುರಿದಾಗʼ ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ.

ಅದೇ ಅನುಭವದಲ್ಲೀಗ “ಟಕಿಲಾ” ಚಿತ್ರಕ್ಕೆ ಕೈ ಹಾಕಿದ್ದಾರೆ. ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶನದ ಜವಾಬ್ದಾರಿಯನ್ನೂ ಪ್ರವೀಣ್‌ನಾಯಕ್‌ಹೊತ್ತಿದ್ದಾರೆ. ಚಿತ್ರಕ್ಕೆ ಪಿ.ಕೆ.ಎಚ್.‌ದಾಸ್‌ಛಾಯಾಗ್ರಹಣವಿದೆ. ಟಾಪ್‌ಸ್ಟಾರ್‌ರೇಣು ಸಂಗೀತವಿದೆ. ಗಿರೀಶ್‌ಸಂಕಲನವಿದೆ. ಪ್ರಶಾಂತ್‌ಕಲಾನಿರ್ದೇನವಿದೆ. ಚಿತ್ರದಲ್ಲಿ ಸುಮನ್‌, ಜಯರಾಜ್‌, ಸುಷ್ಮಿತಾ, ಪ್ರವೀಣ್‌ನಾಯಕ್‌ಇದ್ದಾರೆ. ಬೆಂಗಳೂರು, ನೆಲಮಂಗಲ, ದೇವರಾಯನ ದುರ್ಗ ಹಾಗೂ ಸಕಲೇಶಪುರ ಸುತ್ತಮುತ್ತ ಚಿತ್ರೀಕರಣ ನಡೆಯಲಿದೆ.

Categories
ಗ್ಲಾಮರ್‌ ಕಾರ್ನರ್

ಸುಮ್‌ ಸುಮ್ನೆ ಅಲ್ಲ , ಈ ಸುಮನ್ , ಸಾನ್ವಿ  ಸಿನಿ‌ ಕೆರಿಯರ್ ಗೆ ಸಾಥ್ ಕೊಟ್ಟ  ಗ್ರೇಟ್ ಮದರ್‌ !

ಕಿರಿಕ್ ಚೆಲುವೆ ರಶ್ಮಿಕಾ ಮಂದಣ್ಣ , ಬಿಗ್‌ ಬಿ ಅಮಿತಾಭ್‌ ಬಚ್ಚನ್‌ ಅವರಿಗೆ ಮಗಳಾದ್ರೂ ಅಂದ್ರೆ ತಮಾಷೆನಾ?

ಸಿನಿಮಾದ ಮಟ್ಟಿಗೆ ಟ್ಯಾಲೆಂಟ್ ಅಥವಾ ಗ್ಲಾಮರ್ ಎರಡು ಇದ್ದಾಕ್ಷಣ ಸಕ್ಸಸ್ ಸಿಗುತ್ತೆ ಅನ್ನೋದು ಶುದ್ದ ಸುಳ್ಳು.‌ಎರಡೂ ಇದ್ದೂ ಅವಕಾಶ ಇಲ್ಲದೆ ಸೈಡ್ ಗೆ ಸರಿದವರು ಇಲ್ಲಿ ಸಾಕಷ್ಟು ನಟಿಯರಿದ್ದಾರೆ‌. ಅವರೆಡು ಇದ್ದಾಗಿಯೂ ಇಲ್ಲಿ ಅದೃಷ್ಟ ಎನ್ನುವುದು ಇರಬೇಕು. ಜತೆಗೆ ಸರಿಯಾದ ಮಾರ್ಗದರ್ಶನವೂ ಮುಖ್ಯ. ಅವೆಲ್ಲವೂ ಒಟ್ಟಿಗೆ ಸೇರಿಕೊಂಡಾಗ ಸ್ಟಾರ್ ಪಟ್ಟ ಸಿಗುತ್ತೆ ಎನ್ನುವುದಕ್ಕೆ ಬೆಸ್ಟ್ ಎಕ್ಸಾಂಪಲ್ ಕೊಡಗಿನ‌ಬೆಡಗಿ ರಶ್ಮಿಕಾ‌ಮಂದಣ್ಣ ಸಾಕ್ಷಿ‌. 

 

ಕನ್ನಡದ ಸಿನಿ ಪ್ರೇಕ್ಷಕರಿಗೆ ಒಂಥರ ಸೋಜಿಗ. ಇನ್ನೊಂಥರ  ಹೊಟ್ಟೆ ಉರಿ. ಮತ್ತೊಂದೆಡೆ ಕನ್ನಡದ ಹುಡುಗಿ ಅಲ್ಬಾ, ಇರಲಿ ಬಿಡಿ, ಆ ಮಟ್ಟಕ್ಕೆ ಬೆಳೆದಿದ್ದಾಳೆ ಅಂದ್ರೆ ಒಂಚೂರು ಖುಷಿ ಪಡೋಣ ಎನ್ನುವ ಸಮಾಧಾನ….

ಸ್ಯಾಂಡಲ್ ವುಡ್ ನಲ್ಲಿ ಸದ್ಯ ಈಗ ಹೀಗೆಲ್ಲ ಲೆಕ್ಕಚಾರಕ್ಕೆ ಕಾರಣ ಆದವರು ಕಿರಿಕ್‌ ಚೆಲುವೆ ರಶ್ಮಿಕಾ ಮಂದಣ್ಣ. ಟಾಲಿವುಡ್‌ ನಲ್ಲಿ ಇಷ್ಟು ದಿನ  ಸ್ಟಾರ್‌ ಸಿನಿಮಾಗಳಿಗೆಲ್ಲ ನಾಯಕಿ ಆಗಿ ಕನ್ನಡದಲ್ಲೂ  ಭರ್ಜರಿಯಾಗಿಯೇ ಸುದ್ದಿ‌ ಮಾಡುತ್ತಿದ್ದ  ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ಈಗ ಅಲ್ಲಿಂದ ಬಾಲಿವುಡ್‌ ಗೂ ಕಾಲಿಟ್ಟಿದ್ದಾರೆ.
ವಿಕಾಸ್‌ ಬಾಲ್‌ ನಿರ್ದೇಶನದ ‘ ಮಿಷನ್‌ ಮಜ್ನು’  ಹೆಸರಿನ ಚಿತ್ರಕ್ಕೆ  ರಶ್ಮಿಕಾ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಆ ಮೂಲಕ ಬಾಲಿವುಡ್ ನಲ್ಲೂ ಖಾತೆ ತೆರೆದರೂ ಎನ್ನುವುದರ ಜತೆಗೆ, ಆ ಚಿತ್ರದಲ್ಲಿ ಅವರು,  ಬಿಗ್‌ ಬಿ ಅಮಿತಾಬ್‌ ಬಚ್ಚನ್‌ ಮಗಳಾಗಿ ಕಾಣಿಸಿಕೊಳ್ಳುತ್ತಿದ್ದಾರೆನ್ನುವುದು ದೊಡ್ಡ ಸುದ್ದಿ.

ಯಾರಿಗುಂಟು ಯಾರಿಗಿಲ್ಲ ಇಂತಹ ಅವಕಾಶ? ಪ್ರೇಕ್ಷಕರಿರಲಿ, ಸ್ವತಹಃ  ರಶ್ಮಿಕಾ ಕೂಡ ನಟಿಯಾಗಿ ಇಂತಹ ಆವಕಾಶ ಸಿಗುತ್ತೆ ಅಂತ ಕನಸು ಕಂಡಿರಲಿಲ್ಲವೋ ಏನೋ. ಆದ್ರೆ ಅದೃಷ್ಟ ಅನ್ನೋದು ಇದೆಯಲ್ಲಾ, ಅದು ಈಗ ಅವರಿಗೆ ಅಚ್ಚರಿ ಎನ್ನುವಂತ ಅವಕಾಶ ಹೊತ್ತು ತರುತ್ತಿದೆ. ಯಾರಿಗೆ ಗೋತ್ತು, ದೀಪಿಕಾ ಪಡುಕೋಣೆ ತರಹ ರಶ್ಮಿಕಾ ಮಂದಣ್ಣ ಕೂಡ ಬಾಲಿವುಡ್‌ನ‌ ಬಹುಬೇಡಿಕೆಯ ನಟಿಯಾಗಬಹುದು. ಅದೇ ಈಗ ಬಾಲಿವುಡ್‌ ಆಚೆ ಟಾಲಿವುಡ್‌, ಸ್ಯಾಂಡಲ್‌ ವುಡ್‌ ಸೇರಿದಂತೆ ಸೌತ್‌ ಸಿನಿ ದುನಿಯಾದಲ್ಲೇ ದೊಡ್ಡ ಸುದ್ದಿ ಆಗಿದೆ. ಇದೆಲ್ಲವನ್ನು ಕಂಡ  ಕನ್ನಡದ ಸಿನಿ ಪ್ರೇಕ್ಷಕರ ಪೈಕಿ ಕೆಲವರಿಗೆ  ರಶ್ಮಿಕಾ ಕನ್ನಡದ ಹುಡುಗಿ ಎನ್ನುವ ಹೆಮ್ಮೆ. ಮತ್ತೆ ಕೆಲವರಿಗೆ ಅವರೀಗ ಟಾಲಿವುಡ್ ಬೆಡಗಿ ಅಂತ ಬೇಸರ. ಇನ್ನು  ಕನ್ನಡ ಮರೆತರು ಅಂತ ಕೆಲವರಿಗೆ ಹೊಟ್ಟೆ ಉರಿ. ಅದೆಲ್ಲ ಯಾಕೆ ? ರಶ್ಮಿಕಾ ಕನ್ನಡದವರೇ ಆದರೂ,ಅವರ ಮೇಲೆ  ಯಾಕೆ ಇಂತಹ ಬೇಸರ? ಉತ್ತರ ಎಲ್ಲರಿಗೂ ಗೊತ್ತು !!

ರಶ್ಮಿಕಾ ಸಿನಿ ಜಗತ್ತಿಗೆ ಆಕಸ್ಮಿಕವಾಗಿ ಬಂದ ಹುಡುಗಿ. ಆದರೂ ಇಷ್ಟು ಬೇಗ ಇದೆಲ್ಲ ಘಟಿಸುತ್ತೆ, ಅಚ್ಚರಿಯ ಬೆಳವಣಿಗೆಗಳು ಆಗಬಹುದು, ಅತೀ ಕಡಿಮೆ ಅವದಿಯಲ್ಲೆ ದೊಡ್ಡ. ಆದರ್ ಪಟ್ಟ ಸಿಗಬಹುದು ಅಂತೆಲ್ಲ ಕನಸು ಕೂಡ ಕಂಡಿರಲ್ಲಿಲ್ಲವೋ ಏನೋ. ಆದರೆ ಅದೆಲ್ಲ ಹಣೆಬರಹ. ಮೊದಲ ಚಿತ್ರ ‘ ಕಿರಿಕ್ ಪಾರ್ಟಿ’ ಬಂತು. ಅದು ದೊಡ್ಡ ಗೆಲುವು ಕಂಡಿತು‌. ಸಾನ್ವಿ ಎನ್ನುವ ಚಳಾಸಿನ ಹುಡುಗಿ ಕೋಟ್ಯಾಂತರ ಹುಡುಗರ ಮನ ಗೆದ್ದಳು. ಅದು ರಶ್ಮಿಕಾಗೂ ದೊಡ್ಡ ಯಶಸ್ಸು ಸಿಗುವಂತೆ ಮಾಡಿತು. ರಾತ್ರೋರಾತ್ರಿ ರಶ್ಮಿಕಾ ಪಡ್ಡೆ ಹುಡುಗರ ನಿದ್ದೆ ಗೆಡಿಸಿದರು. ಎಲ್ಲಲ್ಲೂ ಅವರದೇ ಮಾತು ಎನ್ನುವಂತಾಯಿತು. ಇನ್ನೇನು ಕನ್ನಡದಲ್ಲಿ ರಶ್ಮಿಕಾ ಸ್ಟಾರ್ ನಟಿ ಆಗುತ್ತಾರೆನ್ನುವ
ಷ್ಟರಲ್ಲಿಯೇ ತೆಲುಗು ಆಫರ್ ಬಂತು. ವಿಜಯ್‌ ದೇವರ ಕೊಂಡ ಅಭಿನಯದ ʼಗೀತಾ ಗೋವಿದಂʼ ಚಿತ್ರಕ್ಕೆ ನಾಯಕಿಯಾದರು. ಅಲ್ಲಿಂದ ರಶ್ಮಿಕಾ ಅವರ ತಾರಾ ವರ್ಚಸ್ಸು ಬದಲಾಗಿ ಹೋಯಿತು. ಅಲ್ಲಿಂದ‌ ಮುಂದೇನಾಯ್ತು? ಎಲ್ಲವೂ ಗೊತ್ತಿರುವ ವಿಚಾರ.

ತೆಲುಗಿಗೆ ಇಷ್ಟ, ಕನ್ನಡಕ್ಕೆ ಕಷ್ಟ ಎನ್ನುವಂತಾದರೂ ರಶ್ಮಿಕಾ. ಟಾಲಿವುಡ್‌ ಎಂಟ್ರಿ ಮೂಲಕ ದುಬಾರಿಯಾದ ರಶ್ಮಿಕಾ ಅವರ ಸಂಭಾವನೆಗೆ ಬೆಚ್ಚಿ ಬಿದ್ದ ಗಾಂಧಿ ನಗರದ ಮಂದಿ, ರಶ್ಮಿಕಾ ಕನ್ನಡ ದ್ರೋಹಿ ಎನ್ನುವ ಪಟ್ಟ ಕಟ್ಟಿದರು. ಬಣ್ಣದ ಲೋಕಕ್ಕೆ ಪರಿಚಯಿಸಿದವರನ್ನೇ ಮರೆತು, ಹಣದ ಹಿಂದೆ ಹೊರಟರು ಅಂತೆಲ್ಲ ದೂರಿದರು. ಆದರೆ ಅದ್ಯಾವುದಕ್ಕೂ ತಲೆ ಕಡೆಸಿಕೊಳ್ಳದ ರಶ್ಮಿಕಾ ಮಾತ್ರ, ಟಾಲಿವುಡ್‌ ಜತೆಗೆ ಸ್ಯಾಂಡಲ್‌ವುಡ್‌ ನಲ್ಲೂ ಅಭಿನಯಿಸುತ್ತಾ ಬಂದರು. ಅದರ ಫಲವೇ ಎನ್ನುವ ಹಾಗೆ ದೊಡ್ಡ ಎತ್ತರಕ್ಕೆ ಬೆಳೆದರು. ಸೌತ್‌ ಇಂಡಸ್ಟ್ರಿಯಲ್ಲೇ ಸಂಚಲನ ಸೃಷ್ಟಿಸಿದರು. ಅಲ್ಲಿಂದೀಗ ಬಾಲಿವುಡ್ ಜರ್ನಿ.

ಹಾಗಂತ ಕನ್ನಡದ ನಟಿಯರಿಗೇನು ಬಾಲಿವುಡ್‌ಗೆ ಹೊಸದಲ್ಲ. ರಶ್ಮಿಕಾ ಮೊದಲಿಗರು ಅಲ್ಲ.ಆದರೆ  ಬಾಲಿವುಡ್‌ ಆಫರ್‌ ಗಳೇ ದೊಡ್ಡ ಆಫರ್‌ ಅಂತೆಲ್ಲ ಭರ್ಜರಿ ಪ್ರಚಾರ ಗಿಟ್ಟಿಸಿಕೊಂಡು ಮುಂಬೈ ಫ್ಲೈಟ್‌ ಹತ್ತಿದ ಅನೇಕ ನಟಿಯರ ಪೈಕಿ, ಕೆಲವರು ಅಲ್ಲಿಗೆ ಹೋದಷ್ಟೇ ವೇಗದಲ್ಲೇ ವಾಪಾಸ್‌ ಬೆಂಗಳೂರಿಗೆ ಬಂದಿದ್ದೂ ಇದೆ. ಕೆಲವರು ಬಹುಕಾಲ ಅಲ್ಲಿಯೇ ಇದ್ದರೂ, ದೊಡ್ಡ ಅವಕಾಶ ಸಿಗದೆ ಬೇಸತ್ತು ಹೋದರು. ಹಾಗೆ ನೋಡಿದರೆ ಇಲ್ಲಿಂದ ಅಲ್ಲಿಗೆ ಹೋಗಿ ದೊಡ್ಡ ಸಕ್ಸಸ್‌ ಕಂಡಿದ್ದು ದೀಪಿಕಾ ಪಡುಕೋಣೆ ಮಾತ್ರ. ಸದ್ಯಕ್ಕೆ ಅದೇ ರೇಂಜ್‌ ನಲ್ಲಿ ಈಗ ಗಮನ ಸೆಳೆದವರು ರಶ್ಮಿಕಾ ಮಂದಣ್ಣ. ಎಂಟ್ರಿಯಲ್ಲೇ ಬಿಗ್‌ ಬಿ ಅಮಿತಾಬ್‌ ಬಚ್ಚನ್‌ ಜತೆಗೆ ತೆರೆ ಹಂಚಿಕೊಳ್ಳುತ್ತಿದ್ದಾರೆಂದರೆ, ಅದೇನು ಸಣ್ಣ ಅವಕಾಶ ಅಲ್ಲ. ಮುಂದೆ ಬಾಲಿವುಡ್‌ ಗೆ  ಬಿಗ್‌ ಎಂಟ್ರಿಯ ಸೂಚನೆಯೂ ಆಗಿರಬಹುದು.

ರಶ್ಮಿಕಾ ಅವರಿಗೆ ಇದೆಲ್ಲ ಹೇಗೆ ಸಾಧ್ಯವಾಯಿತು ? ಅವರ ಬೆಳವಣಿಗೆ ಕಂಡವರಿಗೆ ಮೊದಲು ಏದುರಾಗುವ ಪ್ರಶ್ನೆ ಅದು.ಅದಕ್ಕೆ ಸಿಗುವ ಉತ್ತರ ಅವರ ಅಮ್ಮ‌ಸುಮನ್ ಮಂದಣ್ಣ. ಅದೃಷ್ಟ ಇದ್ದರೂ ಒಂದಷ್ಟು ವಿವಾದ, ಬೇಸರಗಳ ನಡುವೆಯೂ ರಶ್ಮಿಕಾ ಈ ಮಟ್ಟಕ್ಕೆ ಬೆಳೆಯುವುದಕ್ಕೆ ಅವರೇ ಮೂಲ ಕಾರಣ .ರಶ್ಮಿಕಾಗೆ ತೆಲುಗು ಆಫರ್‌ ಬಂದಾಗಿನಿಂದ ಅವರೆಲ್ಲ ಬೇಕು, ಬೇಡಗಳನ್ನು ಡಿಸೈಡ್‌ ಮಾಡೋದೇ ಅವರ ತಾಯಿ. ಅದು ಸಿನಿಮಾ‌ ಮಾಧ್ಯಮದವರಿಗೆಲ್ಲ ಗೊತ್ತು. ರಶ್ಮಿಕಾ ಅವರ ಸಂಪರ್ಕಕ್ಕೆ ಯಾರೇ ಫೋನಾಯಿಸಿದರೂ, ಮೊದಲು ಫೋನ್ ಫಿಕ್ ಮಾಡೋದೇ ಅವರ ತಾಯಿ ಸುಮನ್.

ಹಾಗೆ ನೋಡಿದರೆ ರಶ್ಮಿಕಾ ಅವರಿಗೇನು ಸಿನಿಮಾದ ದೊಡ್ಡ ಹಿನ್ನೆಲೆ ಇಲ್ಲ. ಅವರ ಕುಟುಂಬದಿಂದಲೂ ಈ ಮುಂಚೆ ಯಾರು ಸಿನಿಮಾ ಜಗತ್ತಿಗೆ ಬಂದವರಲ್ಲ. ರಶ್ಮಿಕಾನೇ ಅವರ ಫ್ಯಾಮಿಲಿಗೆ ಮೊದಲ ನಟಿ. ಇಷ್ಟಾಗಿಯೂ, ರಶ್ಮಿಕಾ ನಟಿಯಾಗಿ ಅತೀ ಕಡಿಮೆ ಅವದಿಯಲ್ಲಿ ದೊಡ್ಡ ಸಕ್ಸಸ್‌ ಕಂಡಿದ್ದು, ಬಾಲಿವುಡ್‌ ಮಟ್ಟಕ್ಕೆ ಹಾರಿದ್ದು ಎಲ್ಲವೂ ಅವರ ಟ್ಯಾಲೆಂಟ್‌ ಜತೆಗೆ ಅವರ ತಾಯಿಯ ಬೆಂಬಲವೂ ಕಾರಣ ಎನ್ನುತ್ತಿವೆ ಮೂಲಗಳು.

Categories
ಗ್ಲಾಮರ್‌ ಕಾರ್ನರ್

ಪಾರ್ಟಿ ಸಾಂಗ್ ನಲ್ಲಿ ಸೊಂಟ ಬಳುಕಿಸಿದ ಸ್ಟಾರ್ ನಟಿ !

ಚಂದನ್ ಶೆಟ್ಟಿ  ಆಲ್ಬಂ ನಲ್ಲಿ‌ ಗ್ಲಾಮರಸ್ ನಟಿ ನಿಶ್ವಿಕಾ ನಾಯ್ಡು

 

ಕನ್ನಡದ ಗ್ಲಾಮರಸ್ ನಟಿ ನಿಶ್ವಿಕಾ ನಾಯ್ಡು ಪಾರ್ಟಿ ಸಾಂಗ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ನ್ಯೂ ಈಯರ್ ಪಾರ್ಟಿಗಳಲ್ಲಿ ಯಂಗ್ ಜನರೇಷನ್ ಗೆ ಫುಲ್ ಕಿಕ್ ನೀಡುವಂತಹ ಹಾಡಿಗೆ ನಿಶ್ವಿಕಾ‌ ನಾಯ್ಡು ಸಖತ್ ಸ್ಟೆಪ್ ಹಾಕಿದ್ದಾರೆ.

ಕನ್ನಡದ ರಾಪ್ ಸಿಂಗರ್ ಚಂದನ್ ಶೆಟ್ಟಿ, ಹೊರ ತಂದಿರುವ ‘ಪಾರ್ಟಿ ಫ್ರೀಕ್’ ಹೆಸರಿನ ಅದ್ದೂರಿ ವೆಚ್ಚದ ಮ್ಯೂಜಿಕ್ ವಿಡಿಯೋ ಆಲ್ಬಂ ನಲ್ಲಿ ನಿಶ್ವಿಕಾ ಸೊಂಟ ಬಳುಕಿಸಿರುವ ಪರಿಯೇ ಮಾದಕವಾಗಿದೆ. ಕಿಕ್ ನೀಡುವ ಹಾಡು, ಝಗಮಗಿಸುವ ಬೆಳಕಲ್ಲಿ ನಿಶ್ವಿಕಾ ಅವರ ಕುಣಿತದ ಕಿಕೇ ಕಿಕ್.

ಅಂದ ಹಾಗೆ, ಇದು ಯುನೈಟೆಡ್ ಆಡಿಯೋ ಸಂಸ್ಥೆ ಮೂಲಕ ಲಾಂಚ್ ಆಗಿರುವ ಹಾಡು.‌ ಗಣಿ ಉದ್ಯಮಿ ಚೈತನ್ಯ ಲಖಂ ಸಾನಿ‌ ಇದರ ನಿರ್ಮಾಪಕ. ಚಂದನ್ ಶೆಟ್ಟಿ ಸಾಹಿತ್ಯ ಬರೆದು ಹಾಡಿದ್ದಾರೆ.ಹಾಗೆಯೇ ಸ್ಕ್ರೀನ್ ಮೇಲೂ ಅವರೇ ಇದ್ದಾರೆ. ಅವರೊಂದಿಗೆ ಚಂದನ್ ಪತ್ನಿ ನಿವೇದಿತಾ ಗೌಡ, ನಟಿ ನಿಶ್ವಿಕಾ ನಾಯ್ಡ, ನಟ ಧರ್ಮ ಸೇರಿದಂತೆ ದೊಡ್ಡ ತಂಡವೇ ಸ್ಕ್ರೀನ್ ಮೇಲೆ ಕಾಣಿಸಿಕೊಂಡಿದೆ. ವಿಶೇಷ ಅಂದ್ರೆ, ಇಲ್ಲಿ ನಿಶ್ವಿಕಾ ನಾಯ್ಡು.

‘ಅಮ್ಮ ಐ ಲವ್ ಯು’ ಚಿತ್ರದ ಮೂಲಕ‌ ಬೆಳ್ಳಿ ತೆರೆಗೆ ಕಾಲಿಟ್ಟ‌ ಚೆಂದದ ಚೆಲುವೆ ನಿಶ್ವಿಕಾ ನಾಯ್ಡ. ನಟಿಯಾಗಿ ಎಂಟ್ರಿಯಾಗಿದ್ದು’ ಅಮ್ಮ ಐ ಲವ್ ಯು’ ಚಿತ್ರವಾದರೂ, ಮೊದಲು ತೆರೆ ಕಂಡಿದ್ದು ವಾಸು ನೀನ್ ಪಕ್ಕಾ ಕಮರ್ಷಿಯಲ್ ಚಿತ್ರ‌ . ಇದು ಅನೀಶ್ ತೇಜೇಶ್ವರ್ ಅಭಿನಯದ ಚಿತ್ರ. ಆನಂತರ ನಿರ್ಮಾಪಕ ಮಂಜು ಪುತ್ರ ಫಸ್ಟ್ ಟೈಮ್ ಹೀರೋ ಆದ ‘ಪಡ್ಡೆ ಹುಲಿ’ ಮೂಲಕ ಗ್ಲಾಮರಸ್ ನಟಿಯಾಗಿ ಮಿಂಚಿದರು.

ಸದ್ಯಕ್ಕೀಗ ಯೋಗರಾಜ್ ಭಟ್ ನಿರ್ದೇಶನದ ‘ ಗಾಳಿಪಟ 2 ‘ ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದು, ಕನ್ನಡದ ಬೇಡಿಕೆ ಯ ನಟಿ ಎನಿಸಿಕೊಂಡಿರುವುದು ವಿಶೇಷ.ಈ‌ನಡುವೆಯೇ ಈಗ ಚಂದನ್ ಶೆಟ್ಟಿ‌ಅವರ ಪಾರ್ಟಿ ಫ್ರಿಕ್ ಮ್ಯೂಜಿಕ್ ವಿಡಿಯೋ ಆಲ್ಬಂ‌ನಲ್ಲಿ ಬಿಂದಾಸ್ ಆಗಿ ಕಾಣಿಸಿಕೊಂಡಿರುವುದು ಸಿನಿಮಾ ಮಂದಿಯ ಕಣ್ಣು ಕುಕ್ಕುವಂತೆ ಮಾಡಿರುವುದು ಸುಳ್ಳಲ್ಲ.

Categories
ಗ್ಲಾಮರ್‌ ಕಾರ್ನರ್

ನನ್ನಿಷ್ಟದ ಪಾತ್ರ ಸಿಕ್ಕರೆ ಅಭಿನಯಿಸಲು ನಾನ್‌ ರೆಡಿ

ಕಿಸ್‌ ಸುಂದರಿ ಶ್ರೀಲೀಲಾ ಎಲ್ಲಿ ಎನ್ನುವ ಪ್ರಶ್ನೆಗೆ ಕೊನೆಗೂ ಸಿಕ್ತು ಉತ್ತರ

ಸಿನಿಮಾ ಅಂತ ಹೊಸ ಪ್ರಾಜೆಕ್ಟ್ ಒಪ್ಪಿಕೊಂಡಿಲ್ಲ ಎನ್ನುವುದನ್ನು ಬಿಟ್ಟರೆ ಸೋಷಲ್ ಮೀಡಿಯಾದಲ್ಲಿ ಅಂದ ಚೆಂದದ ಫೋಟೋಗಳ ಮೂಲಕ ಶ್ರೀಲೀಲಾ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿರುವ ನಟಿ. ಈಗ ದಸರಾ ಹಬ್ಬಕ್ಕೂ ಅವರು ಒಂದು ಚೆಂದದ ಫೋಟೋಶೂಟ್ ಮಾಡಿಸಿ, ರಾಣಿಯಂತೆ ಪೋಸು ನೀಡಿರುವುದು ವಿಶೇಷ.

ಸಿನಿ ದುನಿಯಾವೇ ಹಾಗೆ. ಚಾಲ್ತಿಗೆ ಬಂದ ನಟ-ನಟಿಯರು ಇಲ್ಲಿ ಸದಾ ಸುದ್ದಿಯಲ್ಲಿರಬೇಕು. ಅದೆಲ್ಲ ಬೇಡ, ತಾವಾಯ್ತು ತಮ್ಮ ಪಾಡಾಯ್ತು ಅಂತ ಅವರೇನಾದ್ರು  ತೆರೆಮರೆಯಲ್ಲಿ ಕುಳಿತರೆ  ಇಲ್ಲಿ ದಿನಕ್ಕೊಂದು ಗಾಸಿಪ್. ಅದರಲ್ಲೂ ಒಂದು ಸಕ್ಸಸ್ ಫುಲ್ ಸಿನಿಮಾ‌ ಬಂದು‌ ಹೋದ ನಂತರ ಅದರ ನಟ ಅಥವಾ ನಟಿ ಮತ್ತೊಂದು ಸಿನಿಮಾ ಒಪ್ಪಿಕೊಳ್ಳುವುದು ತಡವಾದರೆ ಅವರ ಸುತ್ತ ಹತ್ತಾರು ಪ್ರಶ್ನೆ. ನೂರೆಂಟು ಗಾಳಿ‌ಮಾತು. ಸದ್ಯಕ್ಕೆ ಅಂತಹದೇ ಗಾಸಿಪ್ ‘ಕಿಸ್ ‘ ಚೆಲುವೆ ಶ್ರೀಲೀಲಾ‌ ಸುತ್ತಲೂ‌ ಇದೆ.

‘ಕಿಸ್ ‘ ಕೊಟ್ಟ ಕ್ಯೂಟ್ ಹುಡುಗಿ ಶ್ರೀ ಲೀಲಾ ಯಾಕೆ ಹೊಸ ಸಿನಿಮಾ ಒಪ್ಪಿಕೊ‌ಂಡಿಲ್ಲ  ?  ‘ಭರಾಟೆ ‘  ನಂತರ ಅವರ ಸಿನಿ‌ ಜರ್ನಿ ಏನಾಯ್ತು ? ಹೊಸ ಸಿನಿಮಾ‌ ಒಪ್ಪಿಕೊಂಡಿದ್ದರೆ ಅದು ಶುರುವಾಗುವುದು ಯಾವಾಗ? ಮೂರನೇ ಸಿನಿಮಾ ಯಾವ ಸ್ಟಾರ್ ಜತೆ ? ಸಿನಿಮಾ‌ ಪ್ರೇಮಿಗಳಲ್ಲಿ ಹೀಗೆಲ್ಲ ಕುತೂಹಲದ ಪ್ರಶ್ನೆಗಳಿವೆ.  ಹಾಗಂತ ಶ್ರೀಲೀಲಾ  ಸಿನಿಮಾ‌ ಬೇಡ ಅಂತ ‌ಸುಮ್ಮನಿದ್ದಾರಾ? ಖಂಡಿತಾ ಇಲ್ಲ‌.‌ ನೋ‌, ಚಾನ್ಸ್ . ‘ಭರಾಟೆ ‘ ನಂತರ ಶ್ರೀಲೀಲಾ ತಕ್ಷಣವೇ ಹೊಸ ಸಿನಿಮಾ ಒಪ್ಪಿಕೊಂಡಿಲ್ಲ ಎನ್ನುವುದು ನಿಜವೇ ಆಗಿದ್ದರೂ, ಅವರೇ ಹೇಳುವ ಪ್ರಕಾರ ಅದಕ್ಕೆ ಮೂರು ಕಾರಣ. ಮೊದಲನೇಯದು ಎಜುಕೇಷನ್. ಎರಡನೇಯದು ಒಳ್ಳೆಯ ಕತೆ ಮತ್ತು ಪಾತ್ರ. ಮೂರನೆಯದು ಕೊರೋನಾ.

‘ ನಂಗೆ  ಸಿನಿಮಾ‌ ಆಫರ್  ಇಲ್ಲ ಅಂತಲ್ಲ.  ‘ಭರಾಟೆ ‌”ರಿಲೀಸ್ ಆದ ನಂತರ ಎಕ್ಸಾಂ ಶುರುವಾದವು. ತಕ್ಷಣವೇ ಅತ್ತ  ಗಮನ‌ಹರಿಸಬೇಕಾಗಿ ಬಂತು‌. ಎಕ್ಸಾಂ ಸಿದ್ಧತೆಗಾಗಿಯೇ  ಒಂದಷ್ಟು ದಿನ ಕಳೆದವು. ಅಲ್ಲಿಂದ ಎಕ್ಸಾಂ ಮುಗಿಸುವುದಕ್ಕೂ ಒಂದಷ್ಟು‌‌ ಸಮಯ ಹಿಡಿಯಿತು. ಅದೆಲ್ಲ ಮುಗಿಸಿ ಇನ್ನೇನು ಹೊಸ ಪ್ರಾಜೆಕ್ಟ್  ಫೈನಲ್ ಮಾಡಿಕೊಳ್ಳೊಣ ಅನ್ನೋ ಹೊತ್ತಿಗೆ ಕೊರೋನಾ ಬಂತು. ಎಲ್ಲವೂ ಬಂದ್ ಆದವು. ಆಗ ನಮ್ದೇನು ಕೆಲಸ? ಹಾಯಾಗಿ ಮನೆಯಲ್ಲಿದ್ದೆ. ಒಂದಷ್ಟು ಓದು, ಅದರ ಜತೆಗೆ ಸಿನಿಮಾ ವೀಕ್ಷಣೆ ಅಂತ ಬ್ಯುಸಿಯಿದ್ದೆ. ‘ ಎನ್ನುತ್ತಾರೆ ಕಿಸ್ ಚೆಲುವೆ ಶ್ರೀಲೀಲಾ.

ಶ್ರೀಲೀಲಾ ಸದ್ಯಕ್ಕೆ ಸ್ಯಾಂಡಲ್ ವುಡ್ ನ ಬೇಡಿಕೆಯ ನಟಿ. ಮೋಹಕ‌ ನೋಟ ಹಾಗೂ ಮುದ್ದು ಮುಖದ ಮೂಲಕ ಎಂಟ್ರಿಯಲ್ಲೇ ಸಿನಿ ರಸಿಕರನ್ನು ಸೂಜಿಗಲ್ಲಿನಂತೆ ಆಕರ್ಷಿಸಿದ ನಟಿ.  ಹಾಗೆಯೇ ಅಭಿನಯ ಹಾಗೂ  ಮಾತಿನಲ್ಲೂ ಬುದ್ದಿವಂತೆ. ಹಾಗಾಗಅವರಿಗೆ ಸಿನಿಮಾ ಆಫರ್ ಇಲ್ಲ ಅಂತಲ್ಲ. ಸಾಕಷ್ಟಿವೆ‌. ಅದನ್ನು ಅವರೇ  ಒಪ್ಪಿಕೊಳ್ಳುತ್ತಾರೆ.

‘ ಭರಾಟೆ ‘ ನಂತರ‌  ಸರಿ ಸುಮಾರು 20 ಕ್ಕೂ ಹೆಚ್ಚು ಕತೆ ಕೇಳಿದ್ದೇನೆ ಅಂದ್ರೆ ನಿಮಗೆ ಅಚ್ಚರಿ ಎನಿಸಬಹುದು. ಕತೆ ಕೇಳುವುದು, ಚರ್ಚೆ ಮಾಡುವುದು ನಡೆದೇ ಇದೆ.ಆದ್ರೆ ನಂಗಿಷ್ಟವಾದ ಕತೆ ಮತ್ತು ಪಾತ್ರ ಸಿಕ್ಕಿಲ್ಲ ಎನ್ನುವ ಕಾರಣಕ್ಕಾಗಿ ಇದುವರೆಗೂ ಹೊಸ ಪ್ರಾಜೆಕ್ಟ್ ಒಪ್ಪಿಕೊಂಡಿಲ್ಲ‌ . ಇವತ್ತೇ, ಈಗಲೇ ನಂಗಿಷ್ಟವಾಗುವ ಕತೆ ಮತ್ತು ಪಾತ್ರ ಸಿಕ್ಕರೆ ನಾನು‌ಅಭಿನಯಿಸಲು ರೆಡಿ ಎನ್ನುವ ಮೂಲಕ ತಮ್ಮ ನಿರೀಕ್ಷೆಯ ಬೇಡಿಕೆಗಳನ್ನು ಮುಂದಿಡುತ್ತಾರೆ ನಟಿ ಶ್ರೀಲೀಲಾ.

Categories
ಗ್ಲಾಮರ್‌ ಕಾರ್ನರ್

ಕಲರ್‌ಫುಲ್‌ ಲೋಕಕ್ಕೆ ಬಂದ ಕಣ್‌ ಕುಕ್ಕುವ ಸುಂದರಿ !

ಮಾಡೆಲಿಂಗ್ ಜಗತ್ತಿನಿಂದ  ಸ್ಯಾಂಡಲ್‌ ವುಡ್‌ ಗೆ ಬಂದ ‘ ಬಾಬಿ’ ಡಾಲ್

ಮಾಡೆಲಿಂಗ್ ಜಗತ್ತಿಗೂ, ಸಿನಿಮಾಕ್ಕೂ ಒಂದ್ರೀತಿ ಅವಿನಾಭಾವ ಸಂಬಂಧ. ಊರಿಗೆ ಬಂದವರು, ನೀರಿಗೆ ಬಾರದಿರುತ್ತಾರಾ ಎನ್ನುವ ಗಾದೆ ಮಾತಿನ ಹಾಗೆ ಮಾಡೆಲಿಂಗ್ ಜಗತ್ತಿನಲ್ಲಿ ಹೆಜ್ಜೆ ಹಾಕಿದವರೆಲ್ಲ ಬಣ್ಣದ ಜಗತ್ತಿಗೆ ಬಂದ ಉದಾಹರಣೆಗಳು ಸಾಕಷ್ಟಿವೆ‌. ಆ ಸಾಲಿಗೀಗ ಹೊಸ ಸೇರ್ಪಡೆ ಮೋಹಕ‌ ತಾರೆ ಜೊಸಿಟ ಅನೂಲ.

ಮಾಡೆಲಿಂಗ್ ಬೆಡಗಿ

ಈಕೆ‌ ಕುಡ್ಲ ಕುವರಿ.‌ ಅಂದ್ರೆ ಕರಾವಳಿ ಸುಂದರಿ.  ಮಂಗಳೂರಿನಲ್ಲಿ ಹುಟ್ಟಿ, ಬೆಳೆದ ಈ ಚೆಲುವೆ ,ಇಷ್ಟು ದಿನ ಮಾಡೆಲಿಂಗ್ ಜಗತ್ತಿನಲ್ಲಿ ಮೈ ಮಾಟ ಪ್ರದರ್ಶಿಸಿದ ಮದನಾರಿ‌. 2017 ರಲ್ಲಿ ಮಿಸ್ ವರ್ಲ್ಡ್‌ ಸೂಪರ್ ಮಾಡೆಲ್ ಸೌತ್ ಏಷಿಯಾ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ. 2018 ರಲ್ಲಿ ಮಿಸ್ ಗ್ಲೋರಿ ಗ್ಯಾಲಾಕ್ಸಿ ಗೆದಿದ್ದಾರಂತೆ. ಹಾಗೆಯೇ 2019ರಲ್ಲಿ ಮಿಸ್ ಟ್ಯೂರಿಸಂ ವರ್ಲ್ಡ್ ಬ್ರಾಂಡ್ ಅಂಬಾಸಿಡರ್ ಆಗಿಯೂ ಮಾಡೆಲಿಂಗ್ ನಲ್ಲಿ ಹೆಸರು ಮಾಡಿದ್ದಾರಂತೆ. ಅದರ ಪ್ರಭಾವದಿಂದಲೇ ಈಗ ನಟಿಯಾಗಿ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಆಗಿದ್ದಾರೆ. ಅಲ್ವಿನ್ ಫ್ರಾನ್ಸಿಸ್ ನಿರ್ದೇಶನದ ‘ಬಾಬಿ’ ಹೆಸರಿನ ಚಿತ್ರವೊಂದಕ್ಕೆ ನಾಯಕಿ ಆಗುವ ಮೂಲಕ ಅವರ ಸಿನಿ ಜರ್ನಿಗೆ ಚಾಲನೆ ಸಿಕ್ಕಿದೆ‌.

ಹಾಟ್‌ ಹಾಟ್ ಹುಡುಗಿ !

ಮಾಡೆಲಿಂಗ್ ನಿಂದಲೇ ಬರಲಿ, ಸೀದಾ ಕಾಲೇಜಿನಿಂದಲೇ ಬರಲಿ, ನಟಿಯರಿಗೆ ಫೋಟೋಶೂಟ್ ಎನ್ನುವುದು ಬಣ್ಣದ ಲೋಕದ ಮೊದಲ ಆಹ್ವಾನ. ಯಾಕಂದ್ರೆ ಆಡಿಷನ್ ಗಳಿಗೆ ಹೋಗಬೇಕಾದ್ರೆ ಹಾಗೊಂದು ಪ್ರೊಪೈಲ್ ಇರಲೇಬೇಕು. ಅದಕ್ಕಾಗಿಯೇ ಜೊಸಿಟ ಅನೂಲ್ ಮಾಡಿಸಿದ ಪೋಟೋಶೂಟ್ ಭರ್ಜರಿಯಾಗಿದೆ.

ಬಾಲಿವುಡ್ ನಟಿಯರಿಗೇನು ತಾನೇನು ಕಮ್ಮಿ ಎನ್ನುವಂತೆ ಕ್ಯಾಮರಾ ಕಣ್ಣಿಗೆ ತಮ್ಮ‌ಮಾದಕ ಮೈ ಮಾಟ ಪ್ರದರ್ಶಿಸಿದ್ದಾರೆ ಅನೂಲ. ಕರಾವಳಿಯ ಈ ಚೆಲುವೆ ಎಂಟ್ರಿಯಲ್ಲೆ ಅಷ್ಟೇಲ್ಲ ಬೋಲ್ಡ್ ಆ್ಯಂಡ್ ಹಾಟ್ ಲುಕ್ ನೀಡಿರುವುದಕ್ಕೆ ಮಾಡೆಲಿಂಗ್ ಜಗತ್ತೇ ದೊಡ್ಡ ವೇದಿಕೆ . ಅದೇ ಅವರನ್ನು ಸಿನಿಮಾ‌ಎಂಬ ಗ್ಲಾಮರ್ ಜಗತ್ತಿಗೂ ಕರೆ ತಂದಿದೆ ಎನ್ನುವುದು ಅಷ್ಟೇ ಸತ್ಯ.

ಸಿನಿಮಾ‌ ನನ್ನ ಬಾಲ್ಯದ ಕನಸು

ಸಿನಿಮಾ ನನ್ನ ಬಾಲ್ಯದ ಕನಸು. ಅದೀಗ ನನಸಾಗಿದೆ. ಅದಕ್ಕೆ ಸೇತುವೆಯಾಗಿದ್ದು ಮಾಡೆಲಿಂಗ್. ಕಾಲೇಜು ದಿನಗಳಿಂದಲೇ ಮಾಡೆಲಿಂಗ್ ಶುರು‌ಮಾಡಿದ್ದೆ. ಆ ಮೂಲಕ ಹಲವು ಕಡೆಗಳಲ್ಲಿನ ರ್ಯಾಂಪ್ ಶೋಗಳಲ್ಲಿ ಭಾಗವಹಿಸಿದೆ‌. ಸ್ಪರ್ಧೆಗಳಲ್ಲೂ ಗೆದ್ದೆ. ಅದು ನನ್ನೊಳಗಿನ ಸಿನಿಮಾ‌ದ ಮೇಲಿನ ಆಸಕ್ತಿಯನ್ನು ದುಪ್ಪಟ್ಟು ಮಾಡಿತು. ಅವಕಾಶ ಸಿಕ್ಕರೆ ನಟಿಸೋಣ ಅಂತೆಲ್ಲ ಯೋಚಿಸುತ್ತಿದ್ದಾಗ ಕೊಂಕಣಿ ಸಿನಿಮಾದಲ್ಲಿ ಅಭಿನಯಿಸುವ ಅವಕಾಶ ಬಂತು’ ಎನ್ನುವ ಮಾತುಗಳೊಂದಿಗೆ ಮಾಡೆಲ್ ಜೊಸಿಟ, ನಟಿಯಾಗಿದ್ದರ ಹಿಂದಿನ ಕತೆ ಬಿಚ್ಚಿಡುತ್ತಾರೆ.

ಜನ್ವಾಯ್ ಮೂಲಕ ಶುರುವಾದ ಜರ್ನಿ!

ಕರಾವಳಿಯ ಈ ಚೆಲುವೆಗೆ ಸ್ಯಾಂಡಲ್ ವುಡ್ ಹೊಸದಾದರೂ ಬಣ್ಣದ ಲೋಕ ಹೊಸದಲ್ಲ. ಯಾಕಂದ್ರೆ ಈಗಾಗಲೇ ಜೊಸಿಟ, ಕೊಂಕಣಿಯ ‘ಜನ್ವಾಯ್’ ಹೆಸರಿನ ಚಿತ್ರದಲ್ಲಿ ಅಭಿನಯಿಸಿದ್ದರು. ಆದಾದ ಬಳಿಕ ‘ಸೈಕೊ’ ಹೆಸರಿನ ಕನ್ನಡದ ವೆಬ್ ಸೀರಿಸ್ ವೊಂದರಲ್ಲೂ ಕಾಣಿಸಿಕೊಂಡಿದ್ದರು. ಕಳೆದ ವರ್ಷ ಚಂದನವನದಲ್ಲಿ ಇದು ಭಾರೀ ಸದ್ದು ಮಾಡಿತ್ತು. ಇದಕ್ಕೆ ಸಾಕಷ್ಟು ಮೆಚ್ಚುಗೆ ಕೂಡ ಸಿಕ್ಕಿತ್ತು.

   ” ಫೋಟೋಸ್ ನೋಡಿ, ನಾನೇನು ಬರೀ ಗ್ಲಾಮರಸ್ ಹುಡುಗಿ ಅಂತನ್ಕೊಬೇಡಿ. ಸಿನಿಮಾ‌ ನನ್ನ ಪ್ಯಾಷನ್. ಅದ್ಯಾಕೋ ಬಾಲ್ಯದಲ್ಲೇ ಸಿನಿಮಾ ಹುಚ್ಚಿತ್ತು. ನಟಿಯಾಗ್ಬೇಕು ಎನ್ನುವುದಕ್ಕಿಂತ ಒಳ್ಳೆಯ ಪಾತ್ರಗಳಲ್ಲಿ ಅಭಿನಯಿಸಬೇಕೆನ್ನುವುದು ನನ್ನಾಸೆ. ಹಾಗಾಗಿಯೇ ಮಾಡೆಲಿಂಗ್ ಫೀಲ್ಡ್ ನಿಂದ ಇಲ್ಲಿಗೆ ಬಂದಿದ್ದೇನೆ.”

ಕಾಲಿವುಡ್ ಗೂ ಕಾಲಿಟ್ಟ ಕನ್ನಡತಿ !

ಗ್ಲಾಮರಸ್ ಪಾತ್ರಗಳಿಗೆ ಹೇಳಿ ಮಾಡಿಸಿದಂತಿರುವ ಜೊಸಿಟ ಅನೂಲ, ಬಣ್ಣ ಹಚ್ಚಿದ ಅತೀ ಕಡಿಮೆ ಅವದಿಯಲ್ಲಿ ಕಾಲಿವುಡ್ ಗೂ ಕಾಲಿಟ್ಟಿದ್ದಾರೆ‌ . ಸೈಕೋ ವೆಬ್ ಸಿರೀಸ್ ಮೂಲಕ ಸಿಕ್ಕ ಒಂದಷ್ಟು ಸಂಪರ್ಕಗಳೇ, ಕನ್ನಡದ ಗಡಿ ದಾಟಲು ಸೇತುವೆ ಆಗಿವೆ. ಅಲ್ಲಿ ‘ ಕಾದಲ್ ನಿವುಲೆ ‘ ಹೆಸರಿನ ಚಿತ್ರದಲ್ಲಿ ಅಭಿನಯಿಸಿದ್ದು, ಅದೀಗ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ. ಈ ಮಧ್ಯೆ ಅಲ್ವಿನ್ ಪ್ರಾನ್ಸಿಸ್ ನಿರ್ದೇಶನದ ‘ಬಾಬಿ’ ಹೆಸರಿನ ಚಿತ್ರದ ಮೂಲಕ ಕನ್ನಡಕ್ಕೆ ಪೂರ್ಣ ಪ್ರಮಾಣದ ನಾಯಕಿಯಾಗಿ ಪರಿಚಯವಾಗುತ್ತಿದ್ದಾರೆ‌. ಇಷ್ಟಕ್ಕೂ ಕುತೂಹಲ ಇರುವುದು ಇವರ ಪಾತ್ರಗಳ ಆಯ್ಕೆಯ ಬಗ್ಗೆ.

ನಟನೆಗೆ ಹೆಚ್ಚು ಅವಕಾಶ ಇರಬೇಕು !

ಫೋಟೋಸ್ ನೋಡಿ, ನಾನೇನು ಬರೀ ಗ್ಲಾಮರಸ್ ಹುಡುಗಿ ಅಂತನ್ಕೊಬೇಡಿ. ಸಿನಿಮಾ‌ ನನ್ನ ಪ್ಯಾಷನ್. ಅದ್ಯಾಕೋ ಬಾಲ್ಯದಲ್ಲೇ ಸಿನಿಮಾ ಹುಚ್ಚಿತ್ತು. ನಟಿಯಾಗ್ಬೇಕು ಎನ್ನುವುದಕ್ಕಿಂತ ಒಳ್ಳೆಯ ಪಾತ್ರಗಳಲ್ಲಿ ಅಭಿನಯಿಸಬೇಕೆನ್ನುವುದು ನನ್ನಾಸೆ. ಹಾಗಾಗಿಯೇ ಮಾಡೆಲಿಂಗ್ ಫೀಲ್ಡ್ ನಿಂದ ಇಲ್ಲಿಗೆ ಬಂದಿದ್ದೇನೆ. ಮೊದಲ ಸಿನಿಮಾದಲ್ಲೇ ಅಂತ ಅವಕಾಶ ಸಿಕ್ಕಿತ್ತು.‌ ತಮಿಳಿನಲ್ಲೂ ಆ ಪಾತ್ರ ಸಿಕ್ಕಿದೆ‌. ಮುಂದೆಯೂ ಒಳ್ಳೆಯ ಪಾತ್ರಗಳು, ಅಷ್ಟೇ ಒಳ್ಳೆಯ ಕತೆಗಳ ನಿರೀಕ್ಷೆಯಲ್ಲಿದ್ದೇನೆ ಎನ್ನುತ್ತಾರೆ ಜೊಸಿಟ ಎಂಬ ಗ್ಲಾಮರಸ್ ನಟಿ. ಆಲ್ ದಿ ಬೆಸ್ಟ್ ಜೊಸಿಟ ಅನೂಲ.

Categories
ಗ್ಲಾಮರ್‌ ಕಾರ್ನರ್

ಚಂದನವನಕ್ಕೆ ಬಂದ ಚಂದನಾ

ರಮೇಶ ಸುರೇಶನಿಗೆ ಜೋಡಿ ಈ ಬಜಾರಿ ಹುಡುಗಿ

ಚಂದನಾ ಸೇಗು… ಸದ್ಯಕ್ಕೆ ಕನ್ನಡ ಚಿತ್ರರಂಗದಲ್ಲಿ ಈ ಹೆಸರು ಓಡುತ್ತಿದೆ. ಅದಕ್ಕೆ ಕಾರಣ ಆಗಿರೋದು “ರಮೇಶ ಸುರೇಶ” ಎಂಬ ಚಿತ್ರ. ಹೌದು, ತೆಲುಗು ಕಿರುತೆರೆ ಇಂಡಸ್ಟ್ರಿಯಲ್ಲಿ ಜೋರು ಸದ್ದು ಮಾಡಿರುವ ಚಂದನಾ ಸೇಗು ಇದೀಗ ಸದ್ಯದ ಮಟ್ಟಿಗೆ ಎಲ್ಲರ ಹಾಟ್ ಫೇವರ್. ಕನ್ನಡ ಹಾಗೂ ತೆಲುಗು ಚಿತ್ರರಂಗದಲ್ಲಿ ಮೆಲ್ಲನೆ ಗಟ್ಟಿ ಜಾಗ ಮಾಡಿಕೊಳ್ಳುತ್ತಿರುವ ನಟಿ.


ಆರಂಭದಲ್ಲಿ ಒಂದಷ್ಟು ಕಿರುತೆರೆಯಲ್ಲಿ ಮಿಂಚಿದ ಚಂದನಾ ಸೇಗು, ನಟಿ ಆಗುವ ಮುನ್ನ ಅವರು ಡಬ್ಬಿಂಗ್ ಕಲಾವಿದೆಯಾದವರು. ಈಗ “ರಮೇಶ ಸುರೇಶ” ಸಿನಿಮಾ ಮೂಲಕ ಒಂದಷ್ಟು ಸುದ್ದಿಯಾಗುತ್ತಿದ್ದಾರೆ. “ರಮೇಶ ಸುರೇಶ” ನಂತರ ಒಂದಷ್ಟು ಅವಕಾಶಗಳು ಹುಡುಕಿ ಬರುತ್ತಿರುವುದರಿಂದ ಸಹಜವಾಗಿಯೇ ಚಂದನಾ ಸೇಗು ಅವರಿಗೆ ಖುಷಿ ಇದೆ.

 

ತಮ್ಮ ಚಿತ್ರ “ರಮೇಶ ಸುರೇಶ” ಚಿತ್ರದ ಬಗ್ಗೆ ಹೇಳಿಕೊಳ್ಳುವ ಚಂದನಾ ಸೇಗು, “ಅದೊಂದು ಒಳ್ಳೆಯ ಕಥಾಹಂದರ ಇರುವಂತಹ ಚಿತ್ರ. ಪಾತ್ರ ಕೂಡ ಎಲ್ಲರಿಗೂ ಹಿಡಿಸುವಂಥದ್ದೇ. ಪಾತ್ರ ಕುರಿತು ಹೇಳುವುದಾದರೆ, ಅದೊಂದು ಸಿಕ್ಕಾಪಟ್ಟೆ ಬೋಲ್ಡ್ ಆಗಿರುವ ಹುಡುಗಿ ಪಾತ್ರ. ಒಂದು ರೀತಿ ಹುಡುಗರಿಗೆ ರೇಗಿಸುವ ಬಜಾರಿ ಅವಳು. ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ಹೇಳುವುದಾದರೆ, ತನ್ನಲ್ಲಿರುವ ದುಡ್ಡನ್ನು ಡಬಲ್ ಮಾಡಿಕೊಳ್ಳಬೇಕೆಂದು ಹಂಬಲಿಸುವ ಹುಡುಗಿಯ ಪಾತ್ರವದು.ಇಡೀ ಸಿನಿಮಾ ಹಾಸ್ಯಮಯವಾಗಿ ಸಾಗಿದರೂ, ಅಲ್ಲೊಂದು ವಿಶೇಷ ಸಂದೇಶವಿದೆ.

 

ಈಗಿನ ಜನರಿಗೆ ರುಚಿಸುವ ಕಥೆ ಇಲ್ಲಿದೆ. ಆ ಸಿನಿಮಾದಲ್ಲಿ ಕೆಲಸ ಮಾಡಿದ್ದು, ನನಗೆ ನಿಜಕ್ಕೂ ಖುಷಿ ಕೊಟ್ಟಿದೆ. ಒಳ್ಳೆಯ ಕಥೆ, ಎಲ್ಲದ್ದನ್ನೂ ಪೂರೈಸಿದ ಆರ್.ಕೆ.ಟಾಕೀಸ್ ಬ್ಯಾನರ್ನ ಕೃಷ್ಣ ಸರ್ ಹಾಗೂ ಶಂಕರ್ ಸರ್. ಎಲ್ಲರನ್ನೂ ಪ್ರೀತಿಯಿಂದ ನೋಡುವ ಚಿತ್ರತಂಡ ಮತ್ತು ನಿದರ್ೇಶಕರಾದ ನಾಗರಜಾಜ್ ಮಲ್ಲಿಗೇನಹಳ್ಳಿ, ರಘುರಾಜ್ ಗೌಡ. ಇಡೀ ತಂಡ ಹೊಸಬರಾದರೂ, ಎಲ್ಲೂ ಗೊಂದಲವಿಲ್ಲದೆ ಚಿತ್ರೀಕರಣ ಮಾಡಿ ಮುಗಿಸಿದ್ದಾರೆ. ಮಾತಿನ ಭಾಗ ಪೂರ್ಣಗೊಂಡಿದ್ದು, ಫೈಟ್ ಸೀನ್ ಮುಗಿಸಿದರೆ ಚಿತ್ರಕ್ಕೆ ಕುಂಬಳಕಾಯಿ” ಎನ್ನುತ್ತಾರೆ ಚಂದನಾ ಸೇಗು.


“ರಮೇಶ ಸುರೇಶ” ಚಿತ್ರ ಒಪ್ಪಿಕೊಂಡ ಬಳಿಕ ನನಗೆ ಒಂದಷ್ಟು ಸಿನಿಮಾಗಳು ಹುಡುಕಿ ಬಂದಿದ್ದು ನಿಜ. ಹಾಗಂತ ಯಾವ ಚಿತ್ರವನ್ನೂ ಒಪ್ಪಿಲ್ಲ. ಮೊದಲು ಕಥೆ, ಪಾತ್ರ ನನಗೆ ಇಷ್ಟವಾಗಬೇಕು. ಆ ನಂತರ ತಂಡದ ಮೇಲೆ ನಂಬಿಕೆ ಬರಬೇಕು. ಹಾಗಿದ್ದರೆ ಮಾತ್ರ ಒಪ್ಪುತ್ತೇನೆ. ಇನ್ನು, ಲಾಕ್ಡೌನ್ ವೇಳೆಯೂ ಕಥೆ ಕೇಳಿದ್ದೆ. ಅದರ ಜೊತೆಯಲ್ಲಿ ಸೀರಿಯಲ್ ಕೂಡ ಅವಕಾಶ ಬಂದಿದ್ದುಂಟು.

ಸದ್ಯಕ್ಕೆ ನಾಲ್ಕು ಭಾಷೆಯಲ್ಲಿ ಮೂಡಿಬರುತ್ತಿರುವ ಧಾರಾವಾಹಿಯೊಂದರಲ್ಲಿ ನಟಿಸುವ ಬಗ್ಗೆ ಮಾತುಕತೆ ನಡೆದಿದ್ದು, ಆ ಬಗ್ಗೆ ಹೆಚ್ಚೇನೂ ಹೇಳುವಂತಿಲ್ಲ. ಇಷ್ಟರಲ್ಲೇ ಅದರ ಪ್ರೋಮೋ ಬಿಡುಗಡೆಯಾಗಲಿದೆ ಎಂಬುದು ಅವರ ಮಾತು.ಅಂದಹಾಗೆ, ಚಂದನಾ ಸೇಗು ಕನ್ನಡದಲ್ಲಿ ಒಳ್ಳೆಯ ಅವಕಾಶ ಎದುರು ನೋಡುತ್ತಿದ್ದಾರೆ.

Categories
ಗ್ಲಾಮರ್‌ ಕಾರ್ನರ್

ಅಲ್ಟ್ರಾ‌ಮಾರ್ಡನ್ ಲುಕ್ ನಲ್ಲಿ‌ ಸಾತ್ವಿಕಾ

  • ಹಿತ್ತಲ ಗಿಡ ಮದ್ದಲ್ಲ ಅಂತಾರೆ. ಕನ್ನಡದ ಕೆಲವು ನಟಿಯರ ವಿಚಾರಕ್ಕೆ ಈ ಮಾತು ಅಕ್ಷರಶಃ ಸತ್ಯ.‌ಪ್ರತಿಭೆ ಇದ್ದರೂ ಹುಟ್ಟೂರಿನಲ್ಲಿ ಅವಕಾಶ ಸಿಗದೆ ಪಕ್ಕದ ಭಾಷೆಗಳಿಗೆ ಹೋಗಿ ಬೇಡಿಕೆಯ ನಟಿಯಾಗಿ ಗುರುತಿಸಿ ಕೊಂಡವರು ಹಲವರು.ಆ ಪೈಕಿ ಬೆಂಗಳೂರು ಹುಡುಗಿ ಸಾತ್ವಿಕ್ ಕೂಡ ಒಬ್ಬರು. ಈಗ ಕನ್ನಡದಲ್ಲೇ ಮಿಂಚಬೇಕೆಂದು ಬಂದಿದ್ದಾರೆ. ಒಂದೆರೆಡು ಸಿನಿಮಾ ಅವಕಾಶವೂ ಸಿಕ್ಕಿವೆ. ಹೊಸ ಅವಕಾಶಗಳತ್ತ ಮುಖ‌ ಮಾಡಿರುವ ಈ ಮೋಹಕ ತಾರೆ, ಚೆಂದದ ಫೋಟೋಶೂಟ್ ‌ನಲ್ಲಿ ಅಲ್ಟ್ರಾ ಮಾರ್ಡನ್ ಹುಡುಗಿಯಾಗಿ ಮಿರ ಮಿರ ಮಿಂಚಿದ್ದು ಹೀಗೆ…
  • ನಾನೇ ಬೇರೆ, ನನ್ ಸ್ಟೈಲೇ ಬೇರೆ
  • ಹೆಂಗಿದೆ ಲುಕ್..

     

  •